عسل 🍯الصكر

البارت الخامس والعشرون

لكاتبة: عـصـفورة 🤍🕊️
المساعدة:  سـيـوڤيـلا 🤍🕊️

في الخصام يعتذر الأكثر حباً وليس الأكثر خطا
..............................

عسل:  هلاو فراشات بطني شلونكم طبعا كلش اسفين جاي نتاخر عليكم بتنزيل اشوي مرينه بضروف وشكرا علا دعئمكم جاي نقرى كل تعليقاتكم احوبكم كوميات كوميات 🤍
💞🍬💞🍬💞🍬💞🍬💞

صكر:  كملو رقص الحد ماتعبوو وطشوو كل واحد بغرفته كعدا والولد خبصونه خبص علعرس المهم اني تعبت رحت نمت اريد ارتاح ورانه كومه شغل باجر الصبح  طبعا قررت انام من وكت وهسه ساعه2:00 ادكلب بفراشي اتذكر عسل شلون تركص شلون تضحك شلون تسوالف هاي البنيه اخذت عقلي شسويلها طبعا قررت اراسلها لان حسيت هيه كاعدت
ـــــــــــــــــــــــــــــــــــــــــــــــــــ
عسل:  كعدنه سوالفنه ودكيت علا سجى سوالفنه اشوي وبعدين كلها نامت بقيت بس اني ماكدر انام رددت اكوم اسووي حليب 🥛 وتوصلني رساله ترجعني المكاني
🤍:  هلاو
عسل:  هللا بيك
🤍:  شلونج
عسل:  شرايد
صكر:  مرايد ماكدر انام كلت بلكت تلكالي حل
عسل:  شمدريك اني كاعده
صكر:  تشكين بحساسي
عسل:  رددت انزل اسوي حليب اتريد اسويلك
صكر:  لا شنو حليب ماريد
عسل:  لعد شتريد
صكر:  اريدج
عسل:  يلا باي
صكر:  تعاي تعاي يلا سويلي حليب
عسل: 😒
صكر:  لاتباوعين هيج ولج
عسل:  كافي تحجي بايي
صكر:  باي

عسل:  كمت اسوي حليب سويت الي كلاص والصكر كلاص دزيتله رساله
عسل:  صكرر
صكر:  هاا
عسل:  تعال اخذ الحليب
صكر:  تعالي انتي ماكدر
عسل:  شلون اجي ماكدر انته تعال
صكر:  اففف منج جايي
عسل:  فوك ماسويتلك  بقيت واكفه منتظرته ياخذ الحليب جان ينزل استاذ صكر طبعا اني منسيت السوه بيه لذالك سوويت شي ايخلي يتذكره كلما يفكر ايمد ايده عليه نرجع للماضيي اشوووي
عسل:  اني اتلمك صكر مانسيت الفستان الشكيته سويت جبت ننشاء وخبطته وحطيت وياه شطه ورشت فلفل اكيد مراح اسوي حليب بهلسهوله😂
نتقدم للمستقبل
ـــــــــــــــــــــــــــــــــــــــــــــــــــ
صكر:  شكرا
عسل:  ولو تدلل استاذ صكر

صكر:  حطيت الكلاص بحلكي وشربته جره وحده  وماحسيت بلحراره الى لمن طيرت نص الاكلاص
عسل: وجه صار احمر من الحر وركضت ركضه حتى الحليب مالتي نسيته قررت انجو بحياتي قبل لايدفني واني عايشه
المهم قفلت تليفوني ونمت بسلاام
ـــــــــــــــــــــــــــــــــــــــــــــــــ
غزل: صباح الخير يبنوتاتي اكعدوو عدنه اهواي شغلات انسويها كافي نوم راح ايخلص العرس وبعد منلتقي استغلن الفرصه يلا كومن
كمنه ونضفنه البيت وامي سوت غده حضرناه
ام صكر: اليوم وين صكر ماكعد هو مايضل نايم
جود: هسه اشوفه عوفو 
عسل: طبعا بهاي الحظه حسيت فلم رعب شون راح اقابله بس يستاهل
ـــــــــــــــــــــــــــــــــــــــــــــــــــ
صكر: طبعا البارحه هاي ماعرف شحاطتلي بلحليب شربته وطلع فلفل واني عندي حساسيه من الحروره ورتفعت حرارتي وماسوالف الكم اصار بيه بس وين تروح مني اني الها
اندكت الباب
صكر:......
جود: وينك صكر
صكر: كاعد
جود: طبيت عالغرفه واشوفلك صكر وجه بي طكه حمره والزمته كاب نار
شبيك صكر
صكر:  مابيه شي شوي تعبان
جود:  شنو تعبان دباع اصاير بيك
صكر:  مابيه شي شبيك لاتكبر الموضوع
جود:  كوم بدل خلروح عالمستشفى ترى حالتك مو زينه
صكر:  مابيه شي شوفني كمت
جود:  لاضل تعاند رايح اصيح الولد
صكر:  تعااال
جود:  رحت نزلت وصحت للولد كتلهم فهد مرتفعه حرارته
وراحو كلهم صعدوله
الباب🚪🧍
صكر:  تفضل
فهد:  سلامات خويه شبيك
صكر مابيه شي
ام صكر:  شبي وجهك يمهة
مهاب:  صكر كوم اروح عالمستشفى
عسل:  حرفيه حسيت من الرعب راح يغمى عليه اخاف ايصير شي عليه بسببي وجنت واكفه وره الباب ومن اجه جود وكال مرتفعه  حرارته كلنه صعدنه بس مجرائت اطب للغرفه وياهم  
جود:  وكمنا الشيخ صكر وصعدنه بسياره واخذنا علمستشفى انطو دون وحطوله مغذي
دكتور: ماكو شي خطير بس عنده حساسيه من الحروره وماكل شي حار لذالك صار هيج بي ديربالك علا روحك مابيك غير العافية تكدرون طلعو
جود:  انته مو تدري عندك حساسيه شكو تاكل حار
صكر:  خالروح عالبيت تعبت وباجر  العرس
فهد:  يلا خوي امشي ركبنه سيارتنه ورجعنه
صكر:  والله العلي العضيم اني الها عسل هيه الذبت علنار حطب
عسل: 
كاعدين ننتضر خبر واندك عليهم ماكو وينهم واندكت الباب الله لا يشوفكم الصار بيه المهم جابو صكر بيده مغذي وادويه ماعرف هو اني مقهوره عليه لو تانيب الضمير لو الخوف
ام صكر:  ها يمهةة شبيك سلامات
غزل:  خويه الحمد الله علسلامه خيرك
صكر:  مابيه شي الحمدلله
فهد:  خاله كال عنده وماكل او شارب شيء بي حروره هاي حساسيته كابه علي
ام صكر:  اي ندري بي بس يمه ليش هيج متتهتم بروحك
فهد:  ويمكن على الأكثر شارب  شي حار
عسل:  اهنا من صدك حسسيت  لازم يغمى عليه يبووو شسويت اني
ام صكر:  ليش يمهةة شماكل انته مو ماتاكل لاكل الحار شوداك عليه
صكر:  بلغلط ماصار شي
مهدي:  لاسوي سوالفك ماتريد تركص بعرسي
الكل: 😂
صعدو صكر للغرفه واني كعدت سالفه جيبني وسالفه توديني المهم ماعندي غير حلين
اروح اشوفه واعتذر منه لو اروح وشوفه واعتذر منه
عسل:  اروح اشوفه واحجي وياه
رحت دكيت الباب
صكر:  تفضل
عسل:  فتحت الباب وطبيت
صكر:  شكو اهنا
عسل:  صكر اجيت احجي وياك خلينه نتفاهم
صكر:  شتحجين وياي انتي غبيه تدري شسويتي
عسل:  ماجنت اعرف عندك حساييه
صكر:  هو هاذا اليطلب منج شي مو صوجج صوجي اني طلبت منج
عسل:  لاتنسه انته سويت بيه شكيت الفستان الشتريته وعجبني
صكر:  ايي عيني هو هاذا هم فستان لاتخليني احجي حجي مو حلو تفضلي اطلعي منا
عسل:  تستاهل الصار بيك واكثر اجيت افهمك واعتذر منك  بس انته الضاهر متفهم
صكر:  وليش ترديني افهمج وانتي متفهميني
عسل:  طلعت وطبكت الباب اففف اشكد مستفز لو بيدي جان نتفت شعره وصلخت جلده وهم ماتنكفي النار الداخل كلبي  تلاكيت ويه غزل
غزل:  ها وين جنتي يم صكر
عسل:  اف هاذا الغثيث لاتذكرين اسمه كبالي
غزل:  شبيكم
عسل:  تعالي خل  احجيلج
غزل:  اودي هاي الصكر وارجع
عسل:  انتضرج
نزلت جوه بلحديقه
عسل:  اممم السويته صح او غلط
ساره:  سويتييي
عسل:  يمهةة مين طلعتي
ساره:  اني موجوده بكل الاماكن
اي شنو السويتي
عسل: شنو جني هههه  لا هيج ماكو شي
ساره:   اي جني وشكو تضمين عليه😒
عسل:  ماكو شي يلا كومي كومي انحضر الغده
ساره:  ولو ما مقتنعه بس يلا امشي
غزل:  ها بنات
عسل وساره:  ها
غزل:  عليمن سوالفن
عسل:  اشارت الغزل علا ساره
غزل:  ساره يردونج
ساره:  صدك
غزل:  اي امي اصيحج
ساره:  رايحه
عسل:  ولج غزل شوفي اني شسويت مرح اصدكين
غزل:  اوووف هسه غير تحجي وتكول  شسويتي
عسل:  ولج البارحه ردت اسوي حليب الي وصكر طلب حليب واني حطيت بلحيب مالته شطه وفلفل وبدال الحليب نشاء
غزل: 😂اكيد تشاقين مو صح
عسل:  ولجج ماشاقه هاي شبيج
غزل:  عزاااااااااا صدك تحجين
عسل:  والله
غزل:  ليش هيج سويتي مو علاقتكم اشوي صارت زينه خربتي السالفه
عسل:  زين ماكتي ليش سويتي هيج
غزل:  ليش
عسل:  هو شك فستاني
غزل:  شنوو
عسل:  مثل ماسمعتي
رؤى:  تعالن بنات
غزل:  بعدين نحجي تعالي
عسل:  تمامم
طبعا مرت ايام وباقي يوم علعرس لان الحنه سوه قبل يومين يعني الحنه ويوم استراحه وبعدها العرس  كعدن الصبح ونفس الروتين طبعا صكر صار زين بس هو ميحجي وياي مدري حسيت ضجت المهم
كملنه شغلنه وكعدنه ضايجين
عسل:  اففف شكد مملات
البنات:  الدنيه ملل شنسوي
عسل:  وبجن غبيات باجر عرس ودكولن شنسوي
البنات:  كلشي امسوين
عسل:  احمم احمم مع عسل مفيش مستحيل كومن بدلن خلنطلع
البنات:  صدكك
عسل:  يلا يلا كومن بدلنه وكملنه ونزلنه البابا وعمي
الاب:  ها بابا وين
عسل:  بابا من بعظ اذنك انته وعمو رايحين نسوك كم شغلا باجر العرس وتعرف نحتاح هواي شغلات ويجوز نتاخر لان سجلنه اهواي شغلات تمام
الاب العم: الله اوياجن بناتي ديربالج علا نفسجن
عسل:  لادكولون شلون كعدتن اهم شي تكفي السياره شغلنه الاغاني اول مطلعنه من البيت وكلبنه السياره كلاب اريد انعوض الايام الضجنه بيها  البنات اشترن الهن ملابس اخاف يرحن وشترن للعرس وشترينه ميكب وعطوره وكولشي وكلاشي تعرفون بنات وطالعات للسوك سوه طبينه مطعم اكلنه وجبنه اكل للبيت
رجعنه3:00 طبينه للبيت كبل فوك ضمينه الغراض اليشوفنه عباله جايبين سووك كوله 😂😂
بدلنه ونزلنه عبالك ما جنه بسوك
ام صكر:  ها بنات شجبتي النه
عسل:  عمه جبنه اكل ويانه
ام ساره:  واني
عسل:  جبنه الكم اكل
ابو عسل:  هاي شنو مالنه غير شي بس اكل
غزل:  عمو جبنه شغلات بناته اكيد متريد مكياج وعطوره
ابو عسل:  😂😂
عسل:  احمم عمه وين الولد
اقصد مهاب ومهدي
ام صكر:  طلعو قبل اشوي
عسل:  هااا هذا الاكل خاف يردون احنه راح نصعد يلا بنات
البنات:  اجينه
كعدنه سوالف يابو سوالف
عسل:  منو تسوالف النه قصه حب موقف رومانسي صاير وياها بما انو كلجن عاشقات
رؤى انتي ابدي
رؤى:  ليش اني خلتبدي غزل
غزل:  تمام اني ابدي 🤭
البنات:  اووووووو يلا بلشي انسمعج
عسل:  خلوها تحجي غمضو اعيونكم  بس علاكيفج ويانه ترى كلوبنه ماتتحمل
غزل: 😂المهم لمن رحنه للصالون واجه فهد ياخذنه ضل طول الوقت يتغزل بيه ولمن رجعني شاف اكو ولد وغطاني بعباتي وحضني وطببني
البنات: 👏👏👏👏👏👏👏حلووووووو
عسل:  طبعا من بعد الصريخ السمعته احتاج سماعت اذن
رؤى:  ماكو موقف صار بيه بس جنت دامشي ولطخت بمهاب ولزمني ماحس اكو شي رومانسي
عسل:  شنو دطردين اعيون
البنات😂😂😂😂
ساره:  زين عسلل اني شاكه بشي عادي اكوله
عسل:  ايي كولي
ساره:  احسس صكر ايحبج
عسل:  هاا
ساره:  شبيج نصدمتي
البنات:  😂😂😂
رؤى:  اي صح اني دائما اشوفكم تحجون سوه
ساره:  واني هم شفتهم
فرح:  احمم شفتكم البارحه بلحفله ماكو داعي اكمل هيه تعرف شصار
البنات:  شصاارر
عسل:  هاي شبيكم عادي صدفه
رؤى:  واوو شنهاي الصدفه الي تصير كلساعه
فرح:  دضحكين علا منو
ساره:  انكشفتوو
عسل:  ترى فاهمين غلط
غزل:  ماكو داعي اضمين لان اني اعرف
البنات:  هاييي شنو اضمون علينه
عسل: اففف ماكو مهرب منكم
غزل:  صكر ايحب عسل بس عسل راسها يابس
عسل:  ولجج اخوج ميعرف يتصرف
رؤى: ترة صكر حباب
عسل:  متزوجينه
رؤى:  هاي شبيج اقصد مشايفته يتصرف هيج من قبل اول مره شفته يتصرف هيج وياج
فرح:  عصاابج يوول
غزل:  لاتلحون عليها كافي اسكتو
عسل:  اذا ايضل هيج يتصرف مرح ايحصل اي شي لا مني ولا من غيري
غزل:  سدو الموضوع حبايب كافي انتو مو جهال
سوالفو غير شي
عسل:  مرخصتكم اشوي ورجع
يربي شسويي اول مره بحياتي هيج احتار لا ومنو اليحيرني صكر ماعرف شسوويله وشلون ايصير عنده اسلوب حلو
من جها ثانيه
ــــــــــــــــــــــــــــــــــــــــــــــــــ
صكر طلعنه بلكهوه انغير جو لان مهدي جان اشوي متوتر ماعرف شبي اكلنه ولعبنه دومنه سوالفنه
صكر:  ها خويي شني معنوياتك
مهدي:  ماعرف احس اشوي ارتفعت
فهد:  شني سالفتك
جود:  مادكلي تزوج لو ماخذيك اعدام
مهدي:  علكيفكم وياي يمعودين
الكل: 😂😂
صكر: يلا تاخرنه خلنرجع للبيت خاف يحتاجون شي
جود:  انت ليش تصرف مثل لاجداد
صكر:  انجب وكوم يلا
ركبنه سياره ورجعنه للبيت
مهدي:  يلا انزلو خلضم السياره
صكر:  نزلنه للبيت وباوعلك وشوفلك عسل كاعده علمرجوحه وصافنه
فهد:  روح شوف شبيها
صكر:  ماروح مابيها شي
فهد:  عا شنو تعاركتو
صكر:  هو احنه يا يوم تصافينه
فهد:  تعال وياي
صكر:  سحبني من ايدي وطلعني بره ها شبيك
فهد:  تعال اكلك اني اضل اعلم بيك
صكر:  شنو شبيك
فهد:  هاي انت الشيخ الحجاي وتلضالط الي موكف المركز على تك رجل ماتعرف تراضي بنيه لو تكسبها شبيك هيه عقلها عقل الطفله بعدين السويته وياها مو اشوي يعني انته الغلطان وهيه ردتها الك هسه انتم مصافين وروح حاجيها وماكو داعي للعرك وذكرها وكللها احنه كم يوم ورايحين وكللها اذا متريدك راح انهي علاقه  صداقتي 
صكر:  يا علاقه هاي شبيك
فهد:  البيناتكم يعتبر علاقه حتلو تعاركتو ماتنكرون انو هاي علاقه
صكر:  افكر
فهد:  شتفكر قبل لايفوت الاوان العرس باجر صكر استغل فرصتك باجر لو تكسبها لو لا
صكر:  بس اني تعبت كلساع اروح الها
فهد:  هيه بنيه كل البنات هيج ايزعلن علا ابسط الاشياء ايجوز انته ما ملاحضها اصلن
صكر:  حلوو امبين دارس
فهد:  😂جرب ماتخسر شي
صكر: افكر يلا تعال
جود:  عليمن سوالفون
فهد:  مالك دخل تعال طب
جود🤨
عسل:  سمعت صوتهم اجوي ومثل متوقعت سوه روحه ماشافني وطب ولا عبالك ماعرف ليش حاركه دمي بس لازم يجي ايصالحني حتلو اني غلطانه انوبه صفنت واني شعليه بي ليش هيج افكر
رجعت طبيت سلمت وصعدت للبنات
غزل:  ها وين جنتي دكت فاطمه تسئل عليج
عسل:  سويت شغله وجيت
البنات:  اسفين خاف ضوجناج بحجينه بس جنه نشاقه
عسل:  هايي شنو لا اكيد ماضوجتوني حجينه علكل ومن وصلت يمي ازعل اكيد لا
اكلجن هسه اني خايفه اشووي لان باخر فتره اهواي كعدت من المدرسه  واليوم النتائج
غزل:  صدك حتى نسيت انتي خلصتي سادس😂
ساره:  خلنحضر العشاء بين متنزل النتائج
عسل:  يلا انزلو اني ابددل واجي
البنات:  تمام
عسل:  ماريد انزل واشوف صكر هاذا الحقير ماتعب روحه واجه اعتذر كلمه اسف مرح اتغير مجرد كلمه هيه بس عند البعض تعتبر لاسق للجرح وعند البعض تعتبر كرامه وكبرياء بس هيه متتغير اضل كلمه حالها حال باقي الكلمات
عسل:  بدلت ونزلت
يا جماعه شكلكم التهيتو بعرس مهدي ونسيتو نتايجنه اني ومهابي
ابو عسل:  اي بنيتي انتي علا بالي ماناسيج
مهدي: اي والله نسيتج
عسل: هاي شنو بعدهي سجى ماجايه
مهدي: 😂😂
ام صكر:  بنيتي وجهج مصوفر تعاي اكلي لاتخافين
جود:  انشوفج يلبومه شطلعين انتي وهاذا اخوج يتفلسف براسنه
مهاب:  لك لاضل بس تلغي مالي خلكك
رؤى:  حبيبتي عسوله نشاء الله طلعين باعلا معدل
مهاب:  شنو بس العسل الدعاء
رؤى: 🤨
جود:  عابت حتى من الدعاء اتغار
مهاب: لاتتدخل
عسل:  كافي كافي ترى كلش متوتره لاتوتروني بزايد
ابو صكر:تعاي عمو اكلي
عسل:  لا ماكدر اكل
صكر:  اني بس كاعد وعيني موبايلي بس وذني يم  صوت عسل
عسل:يلاا يلا شوكت تنزلل
ابو عسل:  علكيفج بابا حبيبتي لاتتوترين انتي سباعيه
مهاب:  واني يابه
ابوعسل:  شبيك
مهاب:  نتايجي اليوم
ابو عسل:  عادي 😂
عسل:  بابا نزلن نزلن
البنات:  يلا عسل دخلي
عسل:  لحضهه بهاي الحضه قريت القران كله وياه الادعيه ماخليت امام ما كلت اسمه
وخليت مهدي يطلعه دخل علا الاسامي واجت الحضه المنتضره
مهدي :  وين عسل وين وين اسمها هاذاا لكيته بسم الله الرحمان الرحيم  لا لا ماكدر عسل اعععععععععععععععععععععععععععع ناجحه ناجحه معدل 98 ونص ياااااااايييييييييييييي
الكل:  الف مبروك الف مبروك
عسل:  شكراً يااربي شكراً الحمدلله ماتوقعت يااربي معدل كلش زين
مهاب:  واني خلشوف مالتي
عسل:  شوف شوف
مهاب:  ياربي وين مهاب  مهاي وين اسمي هياته ناججج معدل جيد
عسل:  هايي شنو بس هيج لو اني منك اطبع اركص بشارع 
كللووووووووووووووووووووش
💃💃💃الفرحه 3 فرحات ياربي تعالو كرصوني ما مصدكه
باركولي
صكر:  طلعت ناجحه كلش فرحت على فرحتها صح هيه غبيه ماتفهمني بس فرحت الها
عسل:  ماتعب روحه وباركالي
صارر الليل وكل ماتذكر نجحت ارجع اركص طبعا نمت وكعدت ساعه 4 الفجر فزيت مكدرت انام واليوم يوم العرس تعرفون شنو يعني ركص يعني اكل يعني سجى تجي يمنى يعني ونسه😂
صليت وكملت كعدت البيت كله عسل كاعده ماكو نوم
شايله جدر وخاشوكه اكعدووو اليوم عدنه عرسس اكوعدوو صباح الخير اكعدوو بسرعه
عسل: اجيت علا ام الاكل الطيب
غزل غزل اكعدي خلنسوي ريوك 
غزل:  شكو نازل عليج الوحي من شوكت كاعده
عسل:  اليوم عرس مهداوي تعرفين شنو عدنه كومه شغل دتفتهمين
من استوعبن كامن يكمزن

🍬💞🍬💞🍬💞🍬💞💞

للكاتبه: 💞عـصـفـورة🐦
المساعده:💞 سيوڤيلا🐦

توقعاتكم للبارت القادم مصارين بطني
احبكم ونشرو القصه حتى انزل بارتات حلوه مثلكم