يا مالي الشوف وعيني ما تبي ثاني ❤️

البارت العاشر

وسكرت وكل. وحده راحت تتجهز بعد ربع ساعه خلصو
عبد الرحمن :مريومه خلصتي
مريم ابتسمت :اي ياعيوني
ركبو السياره
مريم :دحيم مر بيت عمي خالد" تقول عمي احترام "عشان ناخذ عبير
عبد الرحمن اشر على خشمه :على خشمي
مريم :عليه الشحم ياعيوني
توجه عبد الرحمن لبيت ابو خالد وشاف الجد سيف جالس على الدكه الي عند باب البيت ويناظر لشارع بهدوء ومعه مسبحه ويهوجس
وقف عبد الرحمن عند الجد سيف ونزل راسه وباسه
الجد سيف ابتسم :تبوس الكعبه يارب
عبد الرحمن: امين وياك
عبير فتحت باب البيت بتطلع لان مريم اتصلت عليها
عبد الرحمن صد وعبير قربت من الجد وباست راسه ويده
عبير :صباح الخير يا جدي
الجد سيف:صباح النور يابنتي على وين
عبير :بروح الجامعه
الجد سيف :امم با التوفيق مع مين بتروحين
عبير :مع مريم
الجد :اجل الله يحفظكم
عبدالرحمن :باس راس الجد وتوجهو لسياره وعبير نفسه
ركبو السياره وتوجهو للجامعه
رجع الكل للبيت بعد يوم متعب ومرهق وجميل للبعض
ساره رمت شنطتها على الكنب وفتحت شعرها وراحت للمطبخ
ام غيث ابتسمت :هلا والله وش عندك راجعه او وحده
ساره :اخ يمه وربي احس اني نحفت تسعه كيلو اف بس ورجعت بدري لان خلصنا محاضرات واخر وحده الدكتور اعتذر عنها
ام غيث :اجل سوي الغدا دامك جايه بدري
ساره بصدمه :لا امانه والله اني تعبانه
ام غيث ضحكت :ادري انك رفله سويته بس غيري وانتضري اخوانك وحطيه تغدو لاني بنام ما نمت زين
طلعت ام غيث من المطبخ بدون ما تسمع رد ساره
ساره :اخت غيث صدق القائده حطتني با المدفع
نروح عند غيث
العميد :انا ما اخترتك للمهمه هاذي الا انا اثق فيك وادري انك قد الهقوى واذا تبي ناخذ احد معك خذ ولد عمك سعود
غيث :ماعليك زود في المهمه صعبه وفيها حياه وموت
العميد :هو عشان كذا انا اخترتك
غيث :خير ان شاء الله بافكر وارد لك خبر
العميد :خذ راحتك بس الامر سري ولا احد يعرف با الموضوع
غيث :لا ماعليك ان شاء الله دق التحيه استاذن
العميد :استرح تفضل ربي يحفظك
غيث :امين وياك وطلع
عبير تظبط نقابها تبي تطلع لغيث وقفتها الهنوف تسلم عليها
الهنوف :كيفك يا بنت عمي
عبير :تمام
الهنوف:ماشيه
عبير :اي والله ماشيه غيث ينتظرني برا
الهنوف :تمام ياعيوني موفقه. انا لسى ما رد علي فزاع مره تاخر
عبير :عادي ياعيوني امشي معي
الهنوف :لا والله اخاف اثقل عليكم مو مشكله فزاع شوي يجي
عبير :وش ذا الكلام انتي بنت عمتي شدعوه مابينا امشي بس
توجهو عبير والهنوف لسياره غيث
ركبو السياره
غيث :اهلا اخيرا جيتي تاخرتي والله
عبير :هلا فيك ما عليش بس كنت انتظر الهنوف عشان بتمشي معنا
غيث :اها يعني الي معنا الهنوف
عبير :ايوه
غيث :اهلا يا الهنوف
الهنوف بدلع :هلا فيك
توجهو لبيت الهنوف وصلو ونزلت الهنوف
الهنوف بخنج :مشكور يا غيث ما قصرت
غيث ابتسم بتسليك :ما سويت شي
توجهو لبيتهم
عبير وهي تقلد صوت الهنوف :مشكوريا غيث ما قصرت
غيث انفجر ضحك :يع اشهد بالله انها غثتني
عبير دقت مع كتفه :معجبه مغرمه وضحكت
غيث :يع من زينها انا عيني ما تشوف الا وحده ولا تحب الا وحده
عبير :الله الله من ورانا ومين هي
غيث ابتسم :بعدين تعرفين
عبير :امانه مين
غيث طنشها وكمل سواق وقفو عند البيت نزلو عبير لفت لغيث ترى ما نسيت الموضوع وبتعلمني مين هي
غيث ناظر فيها ابتسم:خير ان شاء الله
ساره :هلا هلا اخيرا جيتو ذبحني الجوع
غيث :وش الي ذبحك
ساره :الشوق الشوق
غيث ضحك :حطي الغداء بروح ابدل واجي
ساره ضحكت:تمام
✨انتهى اول اسبوع بسلام واخيرا الويكند ✨
ساره اتصلت على غرام :سلام ياحب
غرام :هلا ياحب
ساره:كيفك
غرام :تمام
ساره :تجيني ولا اجيك
غرام :لا تعالي انا ماعندي احد في البيت
ساره :اجل تم جايتك ترى عجزانه ابدل بجيك ببجامه
غرام :ما عندي مشكله حياك
ساره سكرت من غرام وربطت شعرها بشكل عشوائي ولبست عبايتها نقابها وطلعت
غرام رتبت جلسه لهم في غرفتها وجهزت فلم
ساره دقت الباب
غرام فتحت وسلمو على بعض وتوجهو لغرفه غرام
ساره :في احد بالبيت
غرام :لا والله اخواني طالعين مع اخوياهم وامي عند جارتنا ام علي
ساره :كويس عشان بنزل العبايه
نزلت العبايه وكانت لابسه بجامه سودا حرير ما سكه على الجسم
وارفعه شعرها بشكلٍ عشوائي وحاطه بلشر خفيف ومرطب
غرام :تكفين البجامة تجنن
ساره :ياروحي عيونك
غرام :اسمعي بروح اسوي فشار وابيك تشبكين التلفزيون وتلقين الريموت في الغرفه الي بجنبي ظبطيه وخلي منك فايده
ساره :تم وبعدين ما تحسين انك قليله ادب ضيفه وترسليني
غرام ضحكت :امون بنت عمي وبعدين ما انتي ضيفه
ساره ضحكت:امون قلتي صح
غرام :ايه
ساره :اجل بسرق عطرك الوردي من زمان ناويه عليه
غرام :فداك والله اصلا شريت اثنين منه
اخذت واحد ورمته على ساره
ساره مسكته وضحكت :مشكوره مع انه واضح مو من قلب
غرام ضحكت :حرام عليك يلا بسرعه شغليه وانا بروح اسوي فشار
طلعت غرام من الغرفه وساره تعطرت من العطروظبطت شعرها وراحت الغرفه الي بجنب غرام عشان تاخد الريموت شدها شكل عطر لونه ذهبي
في ذي اللحظه دخل سعود البيت وشافه هادي توجه لغرفته شاف وحده ماسكه عطره المفضل وتتتعطر منه على باله انها غرام
ما ركز فيها حضنها من ورا و اختلطت ريحت عطره مع ريحت عطرها ساره
سعود :وش عندك تتعطرين من عطري
فزت بخوف وحاولت تبعد عنه
سعود فتح عينه بصدمه ركز فيها وعرف انها ما هي غرام بس انصدم ما يدري من هي سحرته في جمالها ولون عيونها بشرتها البيضا وخدودها الي صارت حمرا من الخجل والتوتر والخوف وبجامتها السودا الي اظهرت شكل جسمها وفعلا هنا سعود طاح وما احد سمى عليه
ساره برجفه وهمست :سعود ممكن تبعد
سعود صد :ماعليش على بالي غرام انا آسف والله
ساره :حصل خير
سعود عرفها من نبرت صوتها وهو حبها من صوتها وشلون ما يعرفه
ساره :طيب ممكن تبعد باطلع
سعود واقف بمكانه ومتجمد سكت ثواني وقال:
الصدفة اللي جابتك وإلا القدر
‏مدري ولكنّ المشاعر حيّتك

‏القلب شرّع لك غلاه ومَـا استخر
‏لين استراحت مُهجتي في فيّتك

‏دايم تبشّر بـ المطر وأنت المطر
‏الّلي يربّـع خاطري من جيّـتك

ساره ابتسمت وتوترت اكثر من قصيدته ابتعد سعود من عند الباب وطلعت ساره ووجها احمر وترجف ومتوتره
غرام راحت لغرفتها وشافت ساره جالسه على الكنب وتفكر
غرام نزلت صحون الفشار الي معها وقربت من ساره وصعقت كتفها بشويش
ساره :هاه
غرام :هواه ليه ما شغلتي التلفزيون
ساره :كنت بروح اجيب الريموت وشفت سعود بيدخل غرفته ورجعت
غرام ابتسمت:ما شاء الله ووش عرفك انها غرفت سعود
ساره ضحكت بتوتر :مره ذكيه شفته يمشي قريب من غرفتك وغرفتك ما في بجنبها الا غرفه وحده
غرام :اشوفك مسرحه وش عندك
ساره :افكر ليكون حرام بعد
غرام ضحكت :لا مو حرام وطلعت وراحت لغرفت سعود
فتحت الباب وشافت سعود واقف عند المرايه وماسك العطر نفسه الي كانت ما سكته ساره ويناظر فيه بهدوء
لف سعود لها :هلا غرام
غرام :هلا فيك وش عندك هنا مو على اساس طالع معهم
سعود:الا كنت طالع معهم بس جاي اخذ الشاحن وامشي
غرام :العطر صار شاحن الحين
سعود ضحك:كنت باخذ الشاحن بس الحين باخذ العطر والشاحن
غرام :تمام بسرعه لان ساره عندي ونبي ناخذ راحتنا
سعود ابتسم:تمام
غيث دق على سعود سعود اشر لغرام انها تسكت رد وحط سبكر وجلس يمشط شعره
غيث :السلام عليكم
سعود :ارحب يادهر قلبي وعليكم السلام
غيث :البقى ياحب كيفك
سعود :بخير جعلك بخير
غيث :دايمه وش الجدول
سعود :النيه بطلع مع العيال بس ضني اني غيرت رايي
غيث :اقول وش رايك نروح للدرعيه عندي سالفه بقولها لك ضروري
سعود :تم بس عسى ماشر
غيث :لا ياقلبي ماشر بس الدوام متصلين علي عندنا مهمه وكذا والموضوع سر عشان كذا ابيك
سعود :تم
غيث :بتجهز وامرك نطلع بسيارتي
سعود :تم
غيث وهو يقلد صوت سعود :تم اشوفك ياحبيبي
سعود :الله يقرفك يا غيث انقلع
غيث ضحك وسكر
سعود لف لغرام وضحك
غرام :وجع ليه تضحك
سعود :ليه واقفه انتي
غرام :هاذا غيث ولا زوجتك
سعود ضحك:وش دخلك انتي
غرام :يع وهي تقلد صوت غيث :تم اشوفك ياحبيبي
سعود :والله انتي اليع الا غيث ما ارضى عليه
غرام :الواحد يتمنى انه غيث
سعود مسك خشمها وضحك :غيث غير وطلع
غرام ابتسمت ورجعت لساره