رواية : أمانات تُغدر
الكاتبة : خوخة خوخة
رمضان كريم
لايك قبل القراءة 💟
حلقة 10
في اليوم الثاني
رُسلان
راقد عالكنباية
و فاق الفجر و شاف لسرير
ما لقاش ميران
و توتر .
و وقف يدور
و لاقاها عالجها التانيه من
الدار تصلي في الفجر .
رُسلان يشوف لها و تذكر موقف مبارح
و حس بإستياء ، و قعمز على الكنباية
يتفرج عليها .
ميران كملت صلاتها و وقفت و شافت لها :-
من لما جيت ولا مره شوفتك تصلي.
رُسلان :- سيبت الصلاة
من سنين كان نقولك.
ميران :- و تقول فيها و كأنه
عمل عظيم .
رُسلان :- ميران
اني كنت مدمن مخدرات
تتوقعي المدمن يصلي
اساساً حاس ان ربي كرهني
و لو شنو ما ندير ما يتقبل منِ
لأني تبعت شي محرمه .
ميران قعمزت جنبه :- رُسلان
استغفر ربك بسرعه .
رُسلان :- علاش ؟.
ميران :- انت استغفر قبل
قول استغفر الله العظيم و اتوب عليه .
رُسلان :- استغفر الله العظيم و اتوب اليه .
ميران :- اعرف بجملتك هذه
انت توا محيت عن نفسك كل ذنوبك السابقه
شنو ما كنت و كيف ما كانت ، يا رُسلان
انت تتكلم على الرحمن الرحيم ،
و ربي سامحك و الدليل انك بعدت عن المخدرات
لو مزال غاضب منك كنت توا قعد مدمن صح .
رُسلان :- والله كلامك حقاني .
ميران :- ماما ديما كانت تقول
مش مهم الانسان امتى يغلط و كيف غلط
و حجم اخطأه الكبيره ، اذا قرر يتوب
كله بصدق توبته تزول كل ذنوبه
ربي يمحيها ❤️.
رُسلان :- ما تتصوريش قداش
ارتحت معاك في الكلام ❤️❤️.
ميران :- مش مهم يلا قوم اتوضى و صلي
الفجر و الصبح يلا ، و ادعي ان ربي يغفر لك
و يسامحك و كل حاجه تتمناها ❤️.
رُسلان :- قبل كل شي
مش كنتِ زعلانه منِ مبارح .
ميران :- عمتي عبير تقول
لما يصبح علينا صبح جديد
يعني يوم جديد
حياة جديدة
لصار امس خلوه من امس
و ابدوا من جديد .
رُسلان :- والله طلعتي ام حكم ❤️.
ميران :- مش اني قولت لك عمتي
يلا توا قوم اتوضي و صلي لربنا الأعلى
من اليوم انت ترجع لتوبتك
حني دينا الأساس فيه هي الصلاة
ضاعت صلاتك يعني انت ضعت ،
يلا قوم اتوضى و صلي ❤️❤️.
رُسلان :- حاضر ، بإذن الله.
و وقف رُسلان و خش للحمام يتوضى .
ميران : شافت لباب البلكونه
فتحتها و طلعت تشم في نسمات الهواء
الخفيفه و تشوف لنجوم السماء
و شكل السماء و فجرها .
ميران في قلبها :-
بسم الله الرحمان الرحيم : و الفجر و ليالِ عَشرِ : و الشَفع و الوتر : و اليل اذا يسر : هل في ذلك قسم لذي حجر : صدق الله العظيم ، يا رب سبحان هالسماء و صنعها و قسمي حيكون
بهالفجر لأنت اقسم به في سورة الفجر ، يا ربي قررت اني
نرجع رُسلان لطريق الصلاح ، اذا امتحاني و بإذن الله حننجح فيه ❤️❤️.
طلع رُسلان من الحمام : خدي الصلايه و فرشها في القبلة
و بداء يصلي ،
تشوف له ميران و البسمة ملت وجها ❤️❤️❤️.
في قصر الوزير
كانت نهى على سجادة الصلاة
في دارها
انهت صلاتها و رفعت ايدها تدعي
نهى :- اللهم يا رب انت مالك الملك
الحمدلله اويتني و البستني و اطعمتني
و صنعتني في احسن صوره ، حاسه اني
الجاي حيكون قاسي و صعب
كل لنرجاه منك تحفظلي بنياتي
و تحفظ طفلي الجاي .
YOU ARE READING
رواية : أمانات تُغدر
Randomتأكدوا ان مهما كانت الجبال ضخمة و كبيرة فهي احياناً غير قادرة على صون الأمانه 👌 و ان الأمانة تُصان من قبل البشر الأوفياء ... 🎀 #رواية_أمانات_تُغدر #رمضان_كريم ----- تابعونا قراءة روايات جميلة الرواية حتنزل على منصة #الفيس بوك #اكسبلور #explore...
