حبك في قلبي قصيده

البارت (١٠)

-الصبح-
استيقض الجد عبدالله وطلع يتوضى
تبعه ناصر وهو كان ينتظر يقوم عشان يسأله مستحيل يعدي الموضوع
ناصر: صبحك الله بالخير
الجد: صبحك الله بالنور والسرور يارب
بدو يتوضون ويوم خلص الجد قام ينزل اكمام ثوبه
ناصر: الا يجد ابي اسألك عن رجال
الجد: اسلم
ناصر: تعرف فهد بن هذال ؟
تغيرت ملامح وجه الجد : وش عرفك به ؟ وباالنبره الحاده : ليكون بينكم صله او تعرف عياله ؟
ناصر: هد ياجد لابيني وبينه صله ولاعرفه بس العلم انه طالع من السجن قبل اسبوعين ومتحلف فيك وفي عوال صديق لك
الجد وجهه شب غضبب وبكل كره: وش وش الله ابو ذا الوجه الله لايوفقه فوق انه ذبح الي اغلى ماعندي يبي يكملها ويذبح عياله الله لايبيحه ولا يحلله
ناصر وملامح الصدمه تعتريه: ذابح اغلى ماعندك ؟
الجد: السالفه قد لها سنيين وبنييين طويله
ناصر: ياجدي لازم اعرف كل شي منك ضروري قبل مايداهمنا الوقت وتضيع كل الفرص
الجد: وش بيسوي بيذبحني ياعني يجي ويشوف من بيدك وجهه الثاني في التراب
ناصر : الموضع خطر علينا كلنا مو بس انت حتى فارس واصلته رسايل يحذرونه منه  ، وتراه ياجد ماعده بالحاله قد معه جماعه كبييره والظاهر انه مأمن نفسه بالشيء قوي وداخل في اشياء ضد القانون
الجد: لاحول ولا قوه الا بالله
ناصر: ترا هو مايرحم لاكبير ولا صغير حتى الاطفال والنساء بيتضررون منه وانت تعرف وش بيسوي ياجد علمني بالتفاصيل
الجد: اني اعرفه قليل الاصل الله لايوفقه اذا رجعنا قلت لك كل شي ، امش نصلي وقوم المخانيز يصلون
ناصر: ابشر ، بس انت هد ولا يرتفع عندك السكر والضغط
الجد مشى للمكان المخصص لصلاه وبدون سابق انذار دموعه خانته مارحمت كبر سنه : يالله ياربي انك تبعده منا الله يرحمك يامحمد ويغمد روحك في الجنه يالله ياكريم
ناصر: انت وياه قومو صلاه صلاااه
"مافيه فايده الكل نايم "
ناصر:دامكم كذا اجل تحملو الي بيجيكم
اخذ علبه مويه وقام يرشها عليهم
تركي: يالله ياربي اطق من سلطان يجيني ذا بالله انت كم عمرك كممممم
ناصر: اقول لاتزيد هرج ويلا قم
عساف قام وراح يتوضى
ناصر: شف تعلم مايحتاج اقطع احبالي الصوتيه عشان يصحصح تعلممم
تركي: لا اله الا الله
ناصر:والنعم بالله
فارس تبع عساف
ناصر: خالد ولد قم صلاه صلااااه
خالد: انتظرو ٥ دقايق
ناصر: انت خبل خبل الصلاه مافيها انتظروني ومدري وش قم
خالد: يالله متحور جدي يالله قمت قمت
ناصر: سل
قطعه سلطان وهو يقول : يلاااا
الكل صحى وتوجهو لصلاه الفجر
بعد الصلاه بدو يطلعون من الخيمه عشان يشوفون الشروق كان الشروق في غايه الجمال الكل مجتمع والسوالف والضحك جلستهم تفتح النفس
خالد: جدي متى ناوي ترجع
الجد: وش فيك مستعجل على رزقك
فارس: اي والله ان جدي صادق شف الجو الزين خل نستانس
عساف: ياخويلد نعرف ليه تبي ترجع
خالد:ادعس يالمحقق كونان يالله قل لي السبب
عساف: مشعل
خالد قام يضحك وغمز له
غيدا ابتسمت من ابتسامته
ورد: ياجدي نبي نركب الخيول انا والبنات
الجد: ابشري انتي بس اشري وانا اقول سم وطاعه
فيصل: الله اكبر
خالد: جده وانا وش تقولين لي ؟
الجده: اقول لك امر وانا بالبي لك الي تبي
بدون مقدمات قام خالد وراح يبوس راسها وضمها
خالد: ياوووك ياقلبي
قامو يضحكون على عباطته