Uni
"အုဝဲ!!!အေးနေပြီလား "
"ရပါတယ်အကို
စိတ်အေးအေးသွား
ညစာ ဘာလုပ်ထားရမလဲ "
"အုဝဲထမင်းသုပ်"
"ဟုတ်"
သားနဲ့ အုဝဲကို အိမ်မှာ ထားခဲ့လိုက်ပြီး အမေတို့အိမ်ကားသွားထားကာ ဓန အမြန်ပြန်လာခဲ့လိုက်သည်။ သားလေးက ကားပေါ်မှာထဲက အိပ်ပျော်နေတာမို့ အိမ်မှာ သားဖနှစ်ယောက်ကို ချထားခဲ့တာကြောင့်ပါ။ရိုးပေါက်ရွာရဲ့ဓလေ့က မနက်သင်္ကြန်ထက် ညသင်္ကြန်က ပိုဆိုး၏။ ညဘက်ဆို ရွာက ကာလသားများ က တစ်အိမ်ပြီး တစ်အိမ် ရေလိုက်ပတ်တာ ၊ အိမ်ပေါ်ကို ရေပူပေါင်း ပစ်ထည့်တာပျော်ပွဲလုပ်ကြ၏။ ဓန ရှိနေရင်တော့ တစ်ရွာလုံးက ရှိန်နေတာကြောင့် ရေလာပတ်မည်မဟုတ်ပါ ။
ရာစု လည်းအိပ်ပျော်နေတဲ့ သားလေးကို ခုတင်ပေါ်တင်လိုက်ကာရေအမြန်ချိုးပြီးအဝတ်အစား လဲကာ ထမင်းသုပ်ဖို့အမြန်ပြင်ရသည်။ မြို့လေးကို ရေပတ်ခံထွက်ထားတာမို့ လူတွေက ရေထိပြီး ဗိုက်ဆာ နေကြတော့သည်။အကိုနဲ့သားကတော့ သူသုပ်ကျွေးတဲ့ ထမင်းသုပ် ကိုအရမ်း ကြိုက်နေကြ၏။ မကြာမကြာ တောင်းဆိုကြတာကြောင့် အမြဲလုပ်ကျွေးဖြစ်၏။
"အုဝဲလေး !!!
အကိုပြန်လာပြီ ရေချိုးလိုက်အုန်းမယ်"
"ဟုတ် မြန်မြန်ချိုး အကို
အအေးပတ်နေအုန်းမယ်"
အကို့ကို ရေလဲ ပုဆိုးထုတ်ပေးလိုက်ပြီး အကို ရေချိုးပြီးရင်ဝတ်ဖို့ အဝတ်အစားပါထုတ်ပေးထားလိုက်၏။ သားလေးကလည်း နိုးလာပြီမို့ ကိုယ်လက်ဆေးကာ ညဝတ် အင်္ကျီ ဘောင်းဘီလေးဝတ်ပေးထားလိုက်သည်။
"အာ ဖေကြီးသားလေးနိုးပြီလား"
"ဟုတ်
ဖေဖေ တား နို့ဆာရယ် "
"အေးပါသားရယ် ခဏလေး
ဖေကြီး ပြီးရင် စားလို့ရပြီ "
သားက ရုတ်တရက် ဗိုက်ဆာတယ်မပြောဘဲနို့ဆာတယ် ပြောတာမို့ အကိုရှေ့မှာရှက်သွားရပြန်သည်။ အကိုကပါ ပြုံးစိစိ ကြည့်နေတာမို့ မျက်စောင်းထိုးကာ ထမင်းစားခန်းထဲကိုသားကိုပါချီပြီး သွားထိုင်နေလိုက်၏။
YOU ARE READING
My Owner (Completed)
Romanceမင်းက ငါ့ဘဝကို အပိုင်သိမ်းလိုက်တာကွ #ဓနပြည့်စုံ ကျနော်ဘာမှားနေလို့လည်း အကို ထားတဲ့နေရာမှာနေမယ် အကိုကျွေးတာစားမယ် အကို လုပ်သမျှလက်ခံဖို့ အဆင်သင့်ပဲလေဗျာ #ရာစုငယ်
