ضموني بين دعواتكم سراً لعل دعوه من أحدكم تُمطر على قلبي فرحاً وفرجاً .
ولكم بالمثل بإذن الله 🤍.
في المستشفى
يناظره ويتامله معقول الحب فعل فعلته يناظر الشحوب الا بوجه والشاش الا على راسه قال له حمد قصه الشاش بانه ظرب راسه باب ابو ظافر وكان الباب حديد وسرعان ماصب دم قطع تامله يوم شاقه بصحه : الحمدالله على السلامه
دياب وهو يحط يده على راسه ويناظر بتميم
تميم ؛ انخفظ ظغطك
دياب ناظر اسماء بشرود تام وهم ملاز الصمت
تميم ؛ دياب
ناظره دياب
تميم ؛ ياخوك هد بالك ادره بها اعرست لكن ربي يعوضك
دياب مارد وسكت وهو يصد تنهد تميم وراح يكمل اجرات الخروج
*
بالديره
دخل وهو مصدع من طول الطريق اول مادخل شاف جده ومنصور وخالد ركضت الجده له وهي تلف الجلال ؛طمني عن اخوك يامك
حمد بسخريه ؛ تبين الصدق ولا الكذب
الجده ؛ الصدق يامك
حمد ؛ طايح تعبانه مهلوك مامداني مشيت الا ويتصل صديقه يبلغني انو في المستشفى
حطت يدها على صدرها ؛ يويلي على ولدي
ناظرهم حمد ومشى وقفه صوت جده بحده ؛ مانت ناوي تسلم
ناظرهم ومشى يسلم مهم كان ذولا اهله مشى وهو يبي يروح غرفته يرتاح دخل وهو يشوف بنت صد ؛ ههوببب يابنت
ناظرته ترف بصدمه : علامك
حمد الا نسى انه تزوج وتذكر استغفر ربه ومشى يتروش ومامن خلص ولبس وطلع وهو يشوف الغرفه فاضيه استغرب وين راحت بس ماهتم ولبس فنيله وسروال ودخل الفراش يبي ينام ومايهمه غير النوم
ثواني وطلعت وهي بيدها صينه اكل شافته وهو نايم مشت وهي تحطه على الطاوله الا قدامها وحطت السفره فوقه مشت تروشت وطلعت وهي تنشف شعرها شافته وهو باقي نايم حست بطفش ودها تروح عند امها تغير جو البنات تعبانات من راحت غرام اصايل طول وقتها بغرفه غرام وسملى الا كانت بس تضحك وتجيب الحياء للبيت ذبلت ناظرت بشعرها لثواني وهي ودها تجرب الجدالليه( الظفيره )جمعت شعرها على جنب وبدت تسويه حطت الطرحه على كتفها وطلعت من الغرفه كانت غرفتهم بالحوش مبينه بطرف الحوش وبعده بكم متر غرفه دياب ويجي بعدها سياره الجد القديمه وهناك خزان المويه تنهدت وهي تشوف الحوش ناظرت بالارض الا مليانه طنيه مويه بحكم انهم بالحوش حطت طرحتها ومشت دخلت وشافت سملىً الا قاعده اقطع وساهيه ولا هي معاهم قعدت وهي تساعد سلمى
*
بعد ساعات وصلو لندن كانت تمشي وراه وهي ساكته ومقهور لفى عليها : شيلتي برقعتس
غرام : لا يامال الا مانيب قايله ماني شايله
قاطعها وهو يشيل البرقع انصدم من جمالها ماقدر يشوفه اول يوم زين : سبحان خالقك
سكتت وهي تسحب برقعها : مو قدام الكفر
ضحك ظافر باستهزاء ، تراهم يذبحونتس يحسبونتس اراهبيه ويذبحونتس
صدت عنه وهي تنزل دموعه دياب كان يهاوشها اذ تركت برقعها ولبست الطرحه لان يشوفه انو نصه باين وهو يفسخ برقعها قدام العرب اشتقت لدياب وهي متاكد مافي مثل دياب لو دورت ودها تتطمن عليه ناظرت بظافر : ابي اكلم اهلي
سكت وهو يعطيها الجوال دقت على التليفون الا بالبيت انتظرت وماحد رد عطته الجوال ثواني وقفو قدام فله كبيره سكت ونزلت وهي ساكته وصلها الغرفه : غرفتنا
ناظرته بصدمه وكانه دوبه تستوعب انهم بينامون مع بعض وانه زوجه
صدت عنه ودخلت الغرفه ناظره ونزل تحت حطت يدها على فمها وهي تبكي وتكتم شهقتها
*
ناظرت في الهنوف الا تصلي وتبكي حست ماهي قادره على الشي ذا قامت ولبست عبايتها وشافت منصور ؛ منصور ابي اروح بيتي وصلني
ابتسم منصور ومشى معها : تهقين بسامحني
اصايل ؛ لا يامنصور ليتكم صبتو في جسمه ماهو بقلبه
تنهد منصور وهو يحط يده على راسه : ماهو بيدي ياصايل
اصايل : لا جاء دياب تكلم معه وش عذركم ماهو ولد خاله اولى فيها من الغريب ولا صر الغريب اهم من القريب
منصور : مستحيل تفهمين شي
اصايل ضحكت بسخريه ؛ ولا ابي افهم سلام
دخلت وماشافت احد مشت لغرفتها رمت عبايتها وهي تحس براسها مصدع وبس تبي ترتاح دخلت تحت الفراش وهي ادور النوام ثواني ونامت
*
رجع البيت وهو ساكت ولا يتكلم على طول حط راسه بينام حتى تميم مستغرب من وضعه سكت ولا وده يتكلم ويفتح الموضع
*
اليوم الثاني
قام وهو يحس بدوخه مشى يتروش دقايق وخلص وطلع شافها تبخر ثوبه وتمده له خايفه بقوه منه بس ماتبين ناظرها وصد لبس ؛ انا ماشي الجوف لا تنتظريني
ابتسمت : بحفظ الله
مشى وهو مالف عليها حتى ابتسمت وهي تعطيه عذر بانه اخوه
*
مشى وهو يمسح وجه شاف جده وجدته مشى يسلم عليهم
دخل خالد؛ هلا حمد ماشي الجوف
حمد : اي ماشي تامر على شي
خالد : طمني على اخوك ماخذ همه
حمد : ابشر
مشى طلع راح لبيتهم وهو يبي يطمن امه دخل وشافه تصلي وتبكي جلس ينتظرها لين خلصت لفت وفزت : ها يمه ماشي لخوك
حمد : اي ياحبيتي بحفظ ربي انتبهي لنتفستس وسلمي لي على ابوي
حصه ؛ ابشر طمني على اخوك يامه
ابتسم وطلع تحت داعويه لهم بالخير
ركب سيارته ومشى للجوف
*
قامت من حست بايد محاوطه فزت بخوف ابتسمت من شافت رائد ابعد ذراعه ودخلت لحضنه وهي محتاجه له بشكل ماحد يتوقعه اختفى عنهم لايام وبدت المصايب يهلو عليهم جاها صوته الا في بحه ؛ علامتس
من قال هل الكلمه مسكت ببلوزته اكثر وهي تبكي
مسح على راسه : هونيها وتهون يابعد تسبدي
ضلت تبكي على صدره لدقايق وهدت ابتسم من شافه هدا : تراس وحشتني
ابتسمت وهي تناظره مسح دموعها ؛ صدز الا سمعته ليه ماتروحي مدرستس بتجلطني صح مو انا حولتس يوميا بالغصب
اصايل ؛ مانيب رايحه الحين ان كان تغليني
باس راسها : تامرين امر
*
حطت الفطور وجسلت وهي تسمع الحد يسالف عادي ولا كانه زوج غرام وضاق خاطر دياب علقت القمه بحلقها قامت وهي تمسح دموعها : بالعافيه
الجده قامت : سملى يامتس
ناظرتها سلمى وعيونها مليان دموع الجده مشت وهي تضمه بكت سلمى اكثر : يمه انتي شافيه الا اشوفه عادي عندهم الوضع اخوي يامي غرام ماندري وينها
الجده وهي تمسح على شعرها بهدو؛ بيرد اخوتس ياسلمى بخير باذان الله ادعي له وغرام بحفظ ربي
مسحت دموعها سملى ، ربي يسمع منتس
*
قامت وهو ماهو موجود ابتسمت بداخله وقعدت وهي تشوف الاكل كلت بتعب من كل شي مشت ورجعت وهي تبكي ذا حالها شافته وهو بدخل طنتشها ماحست غير يسحب ذراعها بقوه يقومها ناظرته : خير
ظافر ؛ ماضني ماخدتس عشان تبسين ولا عشان شي جديد لا يكون انتي بس مانتي بنت
ناظرته بصدمه من كلامه يشك بشرفها دفته وهي تقول بحده ؛ تراك تكلم حفيده محسن لسانك افضل لك
ظافر بقهر من دفته مسك شعرها : ترا مارح يصير لتس خير احنا بغربه وماحد بفيدتس هنا مالتس الا انا
غرام بالم ؛ اتركني
ظافر بقهر : عاد تدرين انه ضايق خاطري من الدوام لقيتس قدامي ابرد تسبدي فيتس
دفها بقهر
ناظرته وهي تشوفه يفسخ حزامه فهمت بسرعه وش بيسوي رجعت لورا وحطت يدها على وجها تحاول تحمي وجها على الاقل من الالم كانت تبكي وتصيح ولا رحمها ولا مشى على وصيه الرسول (رفقا بالقوارير )
ضربهاً وهو يسمع بكاها ولا رحمها ابد
*
فز بخوف وهو يتعرق ناظر وشاف تميم الا نايم حط يده على صدره وهو يظغط بقوه ماقدر مشى وهو يطلع كان بسروال وفنيله ولا اهتم حتى نعوله مالبسه طلع الشارع وهو يدور على هواء نفسه ضاق طاح على ركبته وهو يدور على هواء يتنفسه ماهو قادره وجه حمر وعيونه حمرت والدمع ينزل منها ضرب الارض بقهر يبي
وصل وانصدم من شافه بالحاله ذي ركض وهو يشوفه : دياب دياب ياخوك علامك
دياب ناظر باحمد وهو يهمس : غرام غرام ماهي بخير ماهي بخير وينها مالقيتها
قومه حمد وهو يدخل داخل من شاف الناس تتجمع عليهم دخل وهو يغسل وجه دياب ويقعد : غرام بخير اليوم كلموها البنات
دياب يهز راسه ب لا ؛ ماهي بخير شفتها شفتها كانت تبكي وتقول لا تتركين يادياب كان جسمها كله دم والله شفتها بعيني
ناظره حمد : وين شفتها ياخوك
دياب ؛ حلمت فيها والله ماهي بخير
مسكه حمد وهو يعلي صوت الراديو الا كان شغال على اياه البقره وسدحه وهو يقرا عليه ثواني ونام دياب ناظره تميم : شفيه
حمد : جيت شفته بشارع قال تحلم فيها انها ماهي بخير ممكن تجيب لي مويه وفوطه مسخن
مشى تميم وهو يجيب له مسكه حمد وهو يحطه على دياب ويقرا عليه دقايق طويله ومارتاح لين انحفظت حرارته قعد ماسك يده لين غفى وكان كل اشوي يصحى يشوف حرارته
ناظره تميم وهو قد قال له دياب انو علاقتهم قويه حتى لو هم اخوان من الرضاعه كانت علاقتهم قويه مره بس ماصدق او شبه صدق لكن اليوم تاكد من شاف حمد كيف مهتم بدياب ابتسم بعلاقتهم تمنى لو اخونه كانو كذا بس كل واحد بشغله على رغم انهم من نفس الرحم ومن نفس الاب تنهد وطلع وهو يدعي اهم بالخير
*
طلع بعد مافرغ قهره منها كانت طايحه مثل الجثه ارسله العامله تساعدها انصدمت من شافته والدم مغطي جسمها كانت تشهق بخوف مسكتها وهي تحطها الى السرير وجابت الاسعافات وهي تعالجها كان ضهرها مليان جروح اثر ضرب الحزام وجه حمت بس جاه جرح طرف شفتها وعيونها كان صدرها يرتفع وينزل بشكل يخوف واضح من اثر البكي يدها علامات الضرب فيه مليانه العامله الا كانت سوريه : الله يصبركي
نزلت تسوي اكل لها
ثانيه ورا ثانيه دقيقه ورا دقيقه مرت نصف ساعه
قامت وهي تحس بصداع من الضرب شافت يدها الا ملفوف فيها الشاشه ضمته نفسها وهي تتذكر في كان يضربها ماكانها انسانه بكت فزت بخوف من انتفح الباب ارتحت من شافت العامله
مشت العامله ؛ فقتي صباح الخير
ناظرتها غرام ؛عربيه
العامله : اي سوريه وانتي
غرام بعدو : من نجد
ابتسمت السوريه ؛ شو صار ليضربك الانس ظافر هيك
غرام ؛ ماصار شي معتس جوال ودي اكلم اهلي
السوريه : لا مع الاسف مش معاي جوال ما الانس ظافر مانع الجوال مننا
ابتسمت غرام بخفوت وسرعان مانهارت بكي
السوريه : بالكي هيك ممكن تقولين لي قصتك
غرام وهي تمسح دموعه : وش اسمتس
روزا : روزا
غرام حطت يدها على يد روزا : بقولتس بس الكلام مارح يطلع بيني وبيتس
روزا ابتسمت وهي تتربع ؛ اسمعكي
غرام ؛ انا غرام من نجد ساكنه في بيت جدي ابوي متوفي بسكته قلبيه احب ولد خالي بس زوجوني ظافر غصب عني والحين شوفت عيونتس ( بكت بقهر )
روزا : بس لو ولد خالك بيحك ماكان هايتروكي
غرام هزت راسها ب لا ؛ يحبني دياب يحبني حتى يوم ركبت سياره ظافر كان يصراخ يهاوش يبني خلوه لين يمشي وزوجني ماني عارفه كيف حاله الحين
ابتسمت روزا: هونيها وتهون وكمان ياستي انتي بقيت انسه متزوجه انسي دياب ورمزي على ظافر
غرام بقهر : كاني مرته ( بكت ) انا مره دياب كان دائما يقولها
روزا بخوف ؛ انسه غرام بترجاك تهدي
غرام بقهر فقامت وهي تضرب وتكسر بالغرفه من قهرها
هدا بعد دقايق بعد ماكسرت كل شي روزا كانت واقفه بخوف وهي تشوفها سكتت وطلعت شافت ظافر ؛ استاز انسه غرام تفاعلات وفجاه كسرت الغرفه
ظافر رمى الدخان ؛ ماعلي منها ثوري فتحي الباب
ركضت روزا تفتح الباب
*
مرت الايام القليله والوضع كذا دياب طريح فراش وغرام اخاف من الظافر سملى والهنوف مقهورات بس مايتكلمون بسبب جدهم خالد ونوف رجعو المدينه حصه كل يوم تكلم حمد الا قاعد بالجوف وتتطمن على دياب وريم تبكي كل يوم وهي تترجاء ابوها يدق على ظافر يطمنها على بنتها يدقون ومايرد دخل الخوف صدورهم رائد خايف لا مابقى شي ويمر على زواجهم سنه وكل ماشافوه متى بتصير اب متى خايف على نفسه اصايل من الموضع ذا
هديل ولدت
في بيت الجده
ابتسمت الجده وهي تاكل هديل العصيده: كلي يمه
بكى محمد مشت ريم وهي تشيله وتهديه
الهنوف وسملى قايمن بالبيت
اصايل تسمع سواليف مرزوقه و هديل عن الولده والجده تشاركهم
ومنصور والجد في بيت ابو سليمان عشان يباركون له
مابقى غير شهر وبخلص الترم
سلمى وهي تتحلطم: انا لو يجي هالفارس المغمور وافتك منكم مو احسن
ضحكت الهنوف : اسكتي وصلحي العصيده
سملى : اح ياغرام وينتس بس
ضحكت الهنوف ؛ ربي يسعدها كيفه دياب
سملى : على ماتحبين يقولن بخير عسى صدز بخير
*
يناظر في حمد الا قاعد يطبخ وهو سرحان
حمد : سويت لك كبسه لحم تحبها
ضحك تميم : لي نصيب منها
حمد : كله لك لا تخاف
ضحك تميم وهو يشوف دياب : شفيك
دياب : بنت متعب صارت تجي باحلامي كثير
حمد تنهد : بقولك الصدز
دياب رفع عينه
حمد : بنت متعب من تزوجت ماتكلمنا تدق على ظافر مايرد
دياب قام بقهر وهو يرمي المزهريه الا قدامه : ليه انا اخر من يدري ليههههه
حمد : ماكنت ابي اقلقك واشغل بالك
دياب : انا عقلي ماهو معي لا عقلي ولا قلبي ياحمد
حمد وهو خايف انه يتعب : خلاص ياخوي حقك علي
دياب قعد وحمد خاف هدا وهو مايدري انهم خارج السعوديه كلها
*
صارت متعوده على قذارته يختفي فتره يجي ريحه ريحه ماهي زينه يضربها ابعد عنه اهم شي عندها مايلمسها لكن كل شي يتغير رفعت عينها من شافت روزا دخلت : كيفها مره دياب
ضحكت غرام لان من يوم ماقلت غرام القصه لها وهي تناديها بالاسم ذا : مشتاق لتس يابعد تسبدي اقعدي
ضحكت روزا : شو معنى تسبدي
غرام وهي تاشر على الكبد
ضحكت رواد سرعان ماسمعو صراخ ظافر ؛الله يعدي اليوم ذا على خير
طلعت روزا بخوف دخل وهو ينفخ عليها ؛غراممممم
طلعت : علامك
مسكها من شعرها ؛ انا يابنت ... تستغليني
غرام وهي حاطه يدها على يده الا ماسكه شعرها ؛ وش تهذر به انت
ظافر : اشوف اليوم اذ كنتي شريفه ولا لا
هزت راسها ب لا لكن قطعها وهو يرميها بكره بتكمل شهر من راحت من عند اهلها ماحد سال عنها
انتهى 🔥
