.
بارت جديد يابه وشلونكم ويه تنضيف العيد كملتو بعدكم وسويتو كليچه لٱ اني بعدني مابيجن وحده تفرع وياي ونسوي سويه 🙂💔لن نتهيت م̷ـــِْن التنضيف والتعزيل 😭😭
يالله اقرو وعوفكم مِڼـّي مأثر عليه الشغل قراءه ممتعه ولا تنسون
.....التصويت
........والتعليق بين الفقرات
.......ومتابعة الحساب
ليصلكم كُل جديد
......
#جنات بنت الجنوب
...........
يڪَول احمد عاشور :
اعذرني وداعتك مابيه شي يسوه
شتسوي ببشر ينشاف بـ الڪَوة
شتسوي ببشر من حِچوا عنه وغاب
محد ظل ورا بالليل يتچوة
مرات اليحب من ينلچم يرتاح
چا هيه الجروح الفاهيه شتسوه ؟
چا هيه العيون الماتفز باليل
وتبچي اعله النسوه عيون موحلوه
وانه مشتاگلك بس لازم اتناساك
عرفتلها وبعد ماروحلك فدوة
مشكلتي من احب تصغر بعيني الناس
ومشكلتك ثنين ثنين من تهوة ..
.....................
....
.
درت علئ الولد واني انشغ مثل الطفل ودموعي عشره عشره همه عينهم عليه ويبجون سلم عليهم حازم وعاف هارون فتت ولولد وراي عافوني ورجعو رحت اركض واصرخ بصوت ودموعي حاره تجوي خدي
يممممممههه ولج يمه يااخويه ياخضررر
فتت للبيت وتلكتني امي. حالهة حال والبنات وراهة عماتي ونسوان عمامي وبناتهم وكرايبنه كلهة موجوده واني حاضنه امي وصرخ وابجي حييل
وواااججج يمممااا ولججج يممه مات خوي واني بعيده مات ولا شفته ولا شبعت منه يييمممه
بدرية ....وهيه تبجي ..اااخخ ياخضر ياعزيز روحي
اجن خاله وبيبي وخاله ام باقر. طبن يلطمن ويصرخن وصار البجي والطم رحت للبنات رياحين منتهيه الوجه مزلغ والجفون مورمه وعيونهة دم
حضنتني وهيه تبجي وتحجي...
ووللجج رووح عافني خضر وراح منو الي بعده منو الييي لٱ أم ولا ابو عافني سندي وراااحح
روح ..ابجي. وانشغ احس حلم وراح افز منه بيتنه مكلوب بجي ونياحه تجي ناس وتروح ناس وحنه علئ نفس البجيه رقية تخبلت م̷ـــِْن البجي خطيه خالتي محتاره بيهة
لليل والناس كفت بقت بس الكرايب تقريب بل12 واجو الولد وكام البجي والنعي هارون منتهي مابطلت عيونه صعد يجر بروحه جر يومين مرن م̷ـــِْن اسواء ايام عمري مرارة الفقد توجع الكلب هارون يومين ماضاك الزاد بس مي يشرب وكوه يجبرو ياكل لكمتين خلصت الفاتحه واجتني خاله
زهره ..يمه باجر غبشه نرجع لبغداد حضري روحج
روح هزيت راسي واني اسند ضهري عل حايط ماريد اروح بس مو بيدي هارون صعد الغرفته م̷ـــِْن الصبح ومانزل خاله كل شوي تصعدله خزامي وشوي وتنزل تكول مايقبل لٱ ياكل ولا ينزل يكلي اطلعي وعوفيني كلشي ماريد
أنت تقرأ
بين جنوني وبرأتك أنتقام (الأصلية)
Randomبعد كُل المُعاناةِ والخيبةِ والظلمِ والتعذيب ألذي قاساهُ هارون نعتو بل جنونِ وهوه سيدُ العاقلينَ فكيفَ سيطفُئ نيرانَ حقدهِ وأنتقامةُ بينَ جنوني وبرائتكَ انتقام
