Beautiful Dance

Chapter 6

Chapter 6
Pawis

Pirmi lang akong nakadilat ngayon habang nakahiga sa kama ko at nakatingin sa ceiling ng maliit na kwarto ko.

Hindi ko alam kung totoo ba o panaginip kong inaya ako ni Vini na maging partner nya sa long assigment namin.

"Will you be my partner?" seryoso nyang tanong sa akin habang nakatingin sa akin ng diretso.

Panandalian akong napatanga't nawalan ng pag-iisip ng dahil sa tanong nya sa aking hindi ko masagot-sagot.

Limang salita lang ang bumubuo sa tanong nya pero parang napaka-komplikadong sagutin. Hindi ko alam kung papayag ba ako o hindi. Ang daming biglang pumasok sa utak ko ng dahil lang sa simpleng tanong nya.

Partner lang naman sa long assignment, Bella. Wala naman ng ibang dahilan eh.

"Bella.." tawag nya ulit sa atensyon ko.

Napa-angat naman ako ng tingin sa kanya na ngayo'y diretsong nakatingin pa rin sa akin.

"Is it okay with you?" marahang tanong nya sa akin.

"H-Huh?" nauutal kong sabi dahil hindi parin ako makapaniwala at gusto kong makasigurado kung tama bang inaya nya akong maging partner nya.

"Partner. I mean, tayong dalawa. You and me." putol-putol na sabi nito habang tinuturo ang sarili nya't ako. "Okay lang ba?" ulit nya sa kanyang tanong.

"Uhm.. Oo naman." sagot ko't ngumiti sa kanya.

Napangiti naman sya sa akin at pakiramdam ko'y nililipad na ako ng dahil sa ngiti nyang pinapakita sa akin.

"The Welcoming Masquerade Party is for the freshmen of our department." pambungad ni Gray. "But in this masquerade party, we made a twist. Instead na lahat ay magma-masquerade, this time, ang mga lalaki lang ang magma-masquerade and the girls will show their face." pag-eexplain nito.

Hindi ko alam kung dapat pa ba akong makinig dahil hindi ko naman sigurado kung makakapunta ako sa masquerade party na 'to.

Unang-una, wala akong damit na ma-isusuot. Wala rin akong make-up. Pangalawa, masyado ng gabi at baka mag-alala sa akin si nanay. At pangatlo, hindi ko naman gawain ang pumunta sa mga ganito.

"In the midst of the party, a bell will ring and it's a cue that the boys will get the girl they like at the party. Bawal ang babae mag-aya." ani Gray na ni-eexplain ang pinaka-main part ng event. "You two will dance until the song ends. Tapos may magc-countdown starting from ten. Pag nakarating na sa one, the boys will remove their mask at magpapakilala sa girl." pagpapatuloy nya. "This is just a game na inihanda namin para maging magka-close din ang mga opposite sex." paliwanag nya.

Pakiramdam ko'y mas lalo akong nagkaroon ng dahilan para hindi umattend sa party na 'yan ng dahil sa sinasabi nyang main event ng party.

"Everyone's required to attend and there will be an attendance that's why dont try not to attend." sabay kindat nito sa amin.

Napahinga nalang ako ng malalim at nag-isip na kailangan ko ng maghanap ng pwede kong mahiraman ng damit para sa party na 'to dahil mukhang wala na akong kawala.

"That's all for now orgmates! Let's just start dancing next week." ani Gray at saka tumalikod upang ayusin ang kanyang gamit.

Nagsitayuan na rin ang iba at kasama na rin ako doon na tamad pang kinuha ang aking bag sa pag-aakalang sasayaw kami ngayon pero puro rules lang ng organization at pati ang tungkol sa party lang ang ni-discuss nya sa amin.

"Bella, wait!"

Mabilis akong napatigil sa paglalakad at humarap kaagad sa pamilyar na boses na tumawag sa pangalan ko't nakitang papalapit na sa akin si Vini.