وها هو عُمُري يُفنى ولا يستمرُ سوى حُبُكَ، ما يُخيفني هو أنك لم تعد تهتم، لا أُريد سوى إهتمامك
______________________________________
_ أمين يا "هلالي"، أمين
_ اللي يشوفك على طبيعتك مايشوفكش وانت بتكلم المعلم، صحيح من برا هلّا هلّا ومن جوه يعلم الله
"ليُردف "مُصعب" بغيظٍ من أخيه "عُمير"
_ قصدك إيه يا "عُمير"؟!
ليُردف "عُمير" بضحكٍ
_ مقصدش حاجة يا حبيبي، أنا هسيب بيچامة ميكي اللي انت لابساها هي اللي تجاوب.
"ليرفع "مُصعب" إحدى حاجبيه لـ"أخيه عُمير" ليُكمل "عُمير" وكأن شيئًا لم يَكن"
_ أول مرة أشوف حرامي لابس بيچامة ميكي ماوس بجد، ربنا يحميك يارب.
"ليترك "عُمير" "مُصعب" خلفه يكاد يفتكُ به ويذهب تجاه غرفته وضحكاته تتخذ من رنين أرجاء المنزل مُتخذًا لها"
_ أنت عارف دي بكام اللي بتتريق عليها دي؟! عيال أخر زمن
"وبعد إنتهاءه مما تفوه به أدرك ما قاله "عُمير" ليُردف"
_يادي النيلة عليا وعلى سنيني دا الواد فرحان إن أخوه حرامي؟؟!
لتنتهي الأمسية في منزل آلـ" الهلالي" بين مناوشات تلك الأخوانِ لبعضهما
______________________________________
_نـــعـــم؟!
_ حسن انت بتتكلم جد؟!
"ليُردف حسن وهو مطأطأ رأسه للأسفل بحزنٍ وتأسفٍ"
_ مع الأسف يا طنط"سلمى"، والله غصب عني بجد، بس هي دي الاوراق اللي وصلتلي، وبلغوني إني أبلغ حضرتك الكلام دا، يا تدفعوا المبلغ واللي هو عبارة عن 80 ألف جنية، يا إما هيكون في حجز على البيت، أنا حقيقي آسف جدًا، والله عمري ما كنت أتمنىٰ أبلغ حضرتك حاجة زي كدا والله
_ ماتتأسفش يا حبيبي، انت ذنبك إيه؟!
_ بجد بجد يا طنط أنا حقيقي أسف، معرفش المفروض في موقف زي دا أقول إيه والله!
_يا حبيبي انت ذنبك إيه، يلا منه لله اللي كان السبب في كل اللي حصل دا
_أنا بجد بقدم إعتذاري تاني والله مش عارف أقول إيه والله، يلا سلام عليكم
"ليتكرهما وهما يردان عليه السلام ومن ثم تردف "رنا" "
_هنعمل إيه يا ماما؟!
_مش عارفة والله يا"رنا" مش عارفة، المبلغ كبير وكمان إحنا ملناش حد، ياربي بجد
"حسنًا ما بيد "رنا" من حيلة، ستنفذ ما يحول بذهنها وتتخلى عن حُلُمِها، لتذهب "رنا" لغرفتها وتعود وبيدها صندوق خشبيّ وتضعه أمام والدتها وبسمةٌ من الغرور والثقة تُزين ثغرها وتردف"
_إتفضلي ياست الكل، علشان تعرفي إن بنتك بـ100......"لتصمت قليلًا ثم تكمل بمرحها المعتاد"
_ست، إيه مفكراني هقولك بـ100 راجل ولا إيه؟!
_ ياستي بـ100 ست ولا بـ100 راجل، أنا مالي، وبعدين جايبالي صندوق ألبوم الصور أعمل بيه إيه؟!
"لتنظر لها "رنا" ببلاهة"
_صندوق إيه يا أمي؟!
_صندوق ألبوم الصور يا عين أمك!، إيه الغريب في كدا، بت انتِ حالك مش عاجبني الأيام دي
_ماما حبيبتي في حجز على البيت ألبوم صور إيه؟! وحالي إيه؟! تصدقي أنا غلطانة، أنا كنت لقيت الحل خلاص والله أنا غلطانة.
"لتنتبه والدتها إلى كلامها، ماذا؟! أوجدت حلًا لبلائهم؟! ومن وجد؟!
ابنتها؟!
لتردف والدة "رنا" بضحك"
_انتِ؟! ولقيتي حل؟! ضحكتيني وأنا ماليش نفس والله
_طول عمرك هادمة للذات يا أمي والله بس هعمل إيه؟!
المهم خدي المبلغ أهو 80 ألف بالتمام والكمال
"لتكمل ببراءة زائفة"
_ أو ممكن يطلعوا ناقصين ألف أو اتنين أو تلاتة ما هو الـ Skin-care "منتجات العناية بالبشرة" مش ببلاش برضو!
"لتصعق والدتها مما تسمعه الآن وتصرخ بها"
_ بت انتِ سرقتي بنك ولا إيه اعترفي؟!، ولا قتلتي حد غني وسرقتيه
"لتكمل والدتها باقي ذلك السيناريو بعقلها وتردف"
_ يالهوي بنتي بقت قتالة قُتلة يالهوي
_ وإيه كمان؟!
_بقيتي سفاحة ومجرمة وهتدخلي السجن
"لتردف "رنا" بضحك"
_وإيه كمان؟!
"ثم تكمل بجدية"
_ماما يا حبيبتي، انتِ عارفة اني بشتغل من ساعة ما بابا الله يرحمه اتوفى، والحمدلله شغلي كان كويس، يعني كنت بشتغل في صيدلية وكدا، ولما فهمت الشغل وكدا؛ بقوا يمسكوني الصيدلية، ولحد ما عرفت كل انواع الادوية وكدا؛ فبقيت شغالة فيها رسمي، ومرتبها كان كويس جدًا، واكيد يعني مش هصرف لوحدي 3000 جنية في الشهر يعني وانتِ اصلا اللي كنتي بتصرفي على دروسي، فـ لما سمعت عن الجامعة اللي نفسي ادخلها دي وكدا عرفت انها بيتدفعلها 80 ألف لما تيجي تدخليها وكدا
"لتكمل بضحك"
هما بيحبوا ياخدوهم مقدم معرفش ليه يلا منهم لله، المهم يعني قعدت خلال السنتين ونص دول أركن في الفلوس لحد ما جمعت مبلغها لأني عارفة انك مش هتقدري على المبلغ دا كله مرة واحدة، فقولت أهو ألمهم حبة حبة مع نفسي وأديها اتلمت زي ما اتلمت وخلاص، المهم خدي المبلغ دا وروحي ادفعيه علشان مينفعش ياخدوا البيت مننا
"لتردف والدتها بحزمٍ"
_لأ
_نـعـم!؟ لأ ازاي يا ماما بس
_لأ يعني لأ يا "رنا" مقدرش أخد مجهودك وتعبك وحلمك، الفلوس أنا هتصرف فيها لكن دول دا تعبك انتِ والجامعة دي حلمك
_ ماما وهي فلوسي وفلوسك إيه؟
وبعدين انتِ والبيت دا بكل دا والله، وبعدين زي ما جمعتهم مرة هجمعهم تاني، وحتى ولو، ففي بدل الجامعة ألف جامعة، مش شرط دي يعني.
"لتنظر والدتها أمامها بشرودٍ"
_هاا، السكوت علامة الرضا
"لتكمل وهي تُقبل والدتها" أحلى سلومة في الدنيا والله
"تتظاهر أمامها أنه ليس من المهم تلك الجامعة، تتظاهرُ بعدم الإهتمام ولكنها داخلها يؤلمها من ضياع حُلُمها، ولكن ماذا عساها تفعل؟!"
____________________________________
#يُتبع
صغير ااه بس احنا لسه ف البداية وانا لسه مخلصة امتحانات وكدا فـ اعذروني كالعادة يعني🙈
أنت تقرأ
"الـبَـراءة"
Adventureلم يكن كلُ ذلك إلا بسبب خطأ من القلبِ، خطأٌ واحدٌ عُوقب عليه الشخصُ لأعوامٍ وسنين، عاقب العقل القلب، وبات القلب للعقل أسير، تبًا للقلب وتبًا للعقل، معركةٌ لم ولن تنتهي حتى الآن، لم يكُن كلُ ذاك سوى بسبب موقفٍ واختيارٍ، ضحكةٍ واستلطاف، وها هو العقل و...
