مغامره عشق

الجزء الاول

وقفت ليل أمام البحر تنظر إلى امواجه وهي تتنهد الي متي ستظل تعمل حساب للماضي عشر سنوات مروا وما تزال ترفض اي زميل يحاول ان يقترب منها حتى وان كان من أجل التعارف
متي ستسمح لنفسها بدايه جديده مع انسان يستطيع أن يحتويها ينسيها الام الماضي كلما قررت أن تعطي فرصه لاحد تتذكر عقد الزواج الذي يقيدها منذ اكثرمن عشر سنوات الي متي ستظل تنتظره وهي تعرف جيدا انه لا يحبها ولم يهتم لجراحها بل عايرها بأنها مشواهه وضعت يدها على باقي حرق بسيط في وجهها ومسحت دموعها وقامت لتعود الي بيت عمها

في إحدى العمارات الجديده وقفت ليل أمام الباب تفتحه وهي تسمع عمها يتحدث مع زوجته و هي تغلق الباب
وجدان : ده سابع عريس يتقدم للبنت وترفضه يا راضي
راضي : طيب واعمل ايه أوافق على عريس وهي مكتوب كتابها على ابنك
وجدان : وانت عارف كويس ان ابنك مش عايزها ده مش موافق ينزل مصر بسببها
راضي : طيب وبعدين عمر البنت بيجري عشر سنين عدوا وابنك مفكرش ينزل مصر يشوفنا ولا يطلق الغلبانه دي
وجدان :هو بيتصل مره كل سنه يطمن علينا ويقفل مش عارفه حتى افاتحه في موضوعها الحل خليها ترفع عليه قضيه خلع
عند هذا الحد دخلت ليلي
ليل : لا يا عمي انا مش حرفع قضيه خلع عاى ابن عمي مصيره يرجع مصر و يطلقني وساعتها حشوف حالي
راضي : ربنا يكملك بعقلك يا بنتي
وجدان : احطلك تتغدى يا بنتي
ليلى : لا يا أمي مش جعانه انا محتاجه انام

دخلت ليل غرفتها جلست في ألتراس تنظر إلى السماء والي النجوم التي تلمع فيها وتتذكر ماضيها
تذكرت تلك الليله السوداء التي احترق فيها منزلها وضاع فيها ابويها واخوها الوحيد ولم يعود لها احد أصيبت في الحريق بشده وعندما خرجت من المستشفى وجدت جدها ياخذها في القطار الي عمها بالقاهره
Flash-back
الجد : انا خايف قوي على ليل هي الباقيه من اهلها
راضي : ربنا يحفظها يا بوي
الجد : بس هي في خطر انا خايف
راضي : مين يقدر يبص ليها عندنا
الجد : خالها يا راضي واصل وممكن يعمل اي حاجه
راضي : لا يا بويا هي مش طالب بورث امها محدش حيسال فيها
الجد : مش كفايه لو خدها خالها حتضيع مننا هما واصلين يا ابني بقولك ايه يا راضي ابنك سليم يكتب الليله على ليلى سامع
راضي : ازاي بس يا ابوي مينفعش هو خاطب وليه حياته
الجد : بنت اخوك في خطر بيتهم ولع عن جصد لو حد حيقتلوها مبجاش لينا حد غيرها من ريحه اخوك يا ولد
سليم : وانا ليه اربط نفسي بواحده مشواهه انت مش شايف منظرها اسف يا جدي
راضي : لا يا سليم حتكتب عليها الليله وابقى طلقها بعد كده انا معنديش استعداد ادخل في حروب مع أهلها
سليم : وانا ذنبي ايه متروح في داهيه عند اهلها ولا في اي مكان بعيد عني
الجد : عيب عليك يا راجل يا صعيدي دمك لازم يبقى حامي بنت عمك زي اختك تخاف عليها
راضي : ده قدر يا ابني وارضي بيه
نظر إليهم سليم بحزن ووافق على مضض
تم عقد القران ودخل سليم غرفتها كانت ترتدي فستان زفاف ابيض نظر الي وجهها الملتهب بشده من شده النار بقرف لم تستطيع المكياج محوه والي ذراعها الملفوف بالشاش
سليم : اوعي تفتكري اني زوج ليكي لا انتي مجرد بنت عمي صعبتي عليا فكتبت عليكي بس مش اكتر من كده وكده كده انا مسافر بره الأسبوع الجاي ومش ناوي ارجع هنا تاني لناس تفكرها متخلف
وتركها ومشى لتبكي بشده
Back
دخلت وجدان الي ألتراس لتمسح ليل دمعه على وجهها
وجدان : وبعدين يا بنتي ايه فكرك بس بالماضي كنا نسينا
ليل : انا كويسه يا ماما لما يكلمك سليم المره الجايه قولي له يطلقني او يبعت لوالده توكيل يطلقني
وجدان : وهو بيتصل يا بنتي كل كام سنه مره ده نسي ان ليه ام وأب لولا حسك ويانا كان زمانا موتنا تعرفي ربنا بعتك لينا تملي علينا حياتنا
احتضنتها ليل بحب
ليلى : والله يا امي انتم مليتم عليا الدنيا علمتوني ودخلتوني الجامعه وأهم حاجه عالجتوني كام عمليه عملتها ربنا يخليكم ليا
وجدان : عيب عليكي يا ليل ده انتي بنتنا اللي مخلفنهاش