(قيود الميلانين)"الأصلية"

البارت الاخير من الجزء الأول

قيود_الميلانين
البارت الاخير من الجزء الاول
#للكاتبة #هـدى_الخيگاني
....

قبس..بقينه كم يوم يم ام فارس

..اجتي البنيه وجهه احمر وعيونهه دم مانحس الا صوت رج ديوان الزلم رج عجوز رجليهه بالقبر وتعيط بين الزلم ونص زلم تهدي بيهه ونص تريد تهد عليهه

انتهى النزاع ب ان تنتظر البنيه اسبوع بس اسبوع واحد بعدها تتخذ قرار ان ترجع لزوجهه او تتطلق

..حسيت البنيه تحب الولد بس السمعته هو ان الولد ماخذهه فصليه شلون ووين !!

الولد من اسلوبه يدافع عن اهله بنفس الوكت يريد البنيه بس البنيه ابد مرغبته..

مرت ثلث ايام وبسام اجة اخذني..

اني كاعدة يم البنات اسولف اجتي ام فارس

ام فارس:- بنيتي واخيرا رح تردين لدارج

دمعت عيني من سمعت الكلمه رح تردين الدارج ويم خوانج واخواتج واهلج.!!

دخل بسام صاح يالله .. اجة وكشخته ع اخر حبه لابس دشداشة لون بني ورافع شعره ونظارات شمسيه.. تقدم باسني براسي

مسك ايدي

حسيت واخيرا دنيا ضحكتلي بس هل ياترى الضحكة رح تدوم لو هم تخرب فرحه عليه

بسام:-يلا بنيتي ..

صعدنه بالسيارة والتوتر يقرء الف

..اني وخوات فارس صرنه صديقات وكتبت رقمهن بورقة وكلتلهن بس يصير عندي جهاز احفظ ارقامهن

واخيرا وصلنه لبيتنه صح طريق طويل شوي بس مانمت ولا ثانيه من التفكير شلون رح اقابل امي ..

نزلنه من سيارة فتحت الباب ..

لكيت امي تحظر ب الاكل وريحة بخور ونضافة صارلي هواي مشامتهه

جتي امي بس وجهه. بي اثار حادث قديم تقريبا من حادث السيارة
امي:- بسومم هسه غير ترد عليه اي غير اريد لبن هسه شيشربون العالم بس ما...

وكفت متصنمه فتحت عيونهه ع وسعهن تقدمت خطوة

امي:- يمهه قبسس

ماحس الا وكعت بالكاع ركضت الهه...

قبس:- يمهه ححبيبتي فدوة اروحلج يمه اكعدي خل اشبع منج .. رشيت مي ع وجهه شوي وكعدت

امي:- يمهه بنيتي كداميي يمه قبيسه ..ضمتني بحضنهه بلهفه

حسيت ضلوعي تكسرت تريد تدخلني بكلبهه وتقفل عليه حتى محد ياذيني

كعدنه سوى بعد احضان نمت بحضنهه شوي وشفت اختي دخلت هي واخوي تؤام  راجعين من مدرسه.

.ذبو جنطهم ب صدمه ركضو عليه بوقت واحد حضنتهم بلهفه

ضليت من حضن واحد لواحد واخيرا ...

اجة بابا حبيبي راسه تارسه الشيب مبين القهر متعب عيونه الحلوة كمت بسرعه حضنته من ظهره

ابوي:- غزل  دكومي انطيني ماي تعبت من الشغل شنو مشايفتي اول تال..

دار وجهه مصدوم لان شاف غزل كدامه وامي كدامه

ابوي:- قبس!!! بنتي حضني بصدمه باس راسي ماتحملت بجيت بحضنه كتمت هواي وصبرت هواي هسه اجة الوقت ابجي وبراحتي بحضن امي وابوي
(وهل بعد الاهل نعمة من ربي تُذكر!؟)

..وهيج كل وحدة التقت ويه اهلهه واخيرا ام شهرزاد وشهرزاد ساعدوهه
اولاد گمرة واخوان قبس وماخلوهن بالشارع طبعا

بعد معاناة عزة نفسهه متسمحلهه ان تاخذ فلس من شخص بس حاولو وما كدرت ترفض مره ومرتين

بس هل ياترى رح تدوم هل فرحه ام تنتظرهم ايام سودة بالخصوص قبس الي عانت من جهه دا.عش ومن جهه

كوابيسهه ومعاناتهه ويه التهيئات التجيهه وهل رح تنتهي معاناتهه من الجهتين؟؟

تابعو واستكشفو

يتبع.. بالجزء الثاني