السلام عليكم
نازك الحمراني.. بارت ماقبل الاخير
معصومه...
دخلت للمستشفى عرفت ابوية متعرض لازمة قلبية مو حادة لكن متوسطة ماندري شنو صاير بقينة برة ننتضر الطبيب
طلع ورة شوي وكال لاتخافون ازمة خفيفة وتعدي وتكدرون اليوم بالليل اطلعو او باجر براحتكم
ـ دكتور يعني مابيهه خطورة ع حياته
ـ لا ان شاءلله ماكو شي بس لاتخلو ينفعل لان الحجي صاعد ضغطة نتيجة انفعال عصبي وهالشي خطر ع صحته وهو بهل العمر
راح الطبيب وكلنة نتسائل شنو صاير ابوية قوي مو عوايدة يتمرض اقل من ساعه واجه الموضف اسمه علاء يشتغل بالشركة اعرفه
ـ شلونج ست معصومة شلون صار الوالد
ـ بخير الحمد لله بس كلي علاء شنو صاير شبي ابوية
ـ والله مادري شكلج
ـ احجي شنو صاير فهمنة
ـ مصعب اتسبب بخسارة جبيرة للحجي ابو اسماعيل
ـ مصععب؟
ـ اي مناقصة ع شركتين جانت ضربة العمر بالنسبة للحجي حط دم كلبة بيهه لكن منعرف منو الشركات المنافسة الداخلة ويانه مصعب جان بكلشي يعرف لان هو لازم المناقصات
ـ اي ادري هو ذراع ابوية شمسوي
ـ طلعت الشركة المنافسة هي شركة ابوه وتلاعب بالاوراق وخلة المناقصة ترسى لشركةابوه
الحجي كلة.
لو كايلي اخوي يريدهه ماعزهه عليه وانطيهيا واوكف وياه بس ليش خليتني اخسر هالخسارات
ـ وشنو جاوب مصعب؟
ـ ماجاوبة بس ضحك ضحكة استفزازية وطلع من المكتب
ردت زبيدة
ـ هذااا الحقيرر دينتقم من ابوووية بسببج
_يعني هم راح اتحملوني مرض ابوي
_اي منو غيرج هاااي احنا حياتنا وكل وحده بينا طاعت ابويه وزوجت وستقرت الا انتي
كالت امي
_شعليها صولا ليش تحملنها فوك طاقتها
هي حياتها ادمرت وصار بيها بلاوي الدنيا بعد ماجانت مدللهه وفوكها تلومنها
ردت امي
_اي جانت مدللهه لان تاخذ كلام بابا وشبيها هسه بيتها وحدها وخدامه عندهاورجال ماناقصه شي وهي تزعل
أمي.. كافي بنات كااافي والله تقهر صولا جانت ضحكتها بوجهه تجنن شوفن جنها عجوز ولا جنها هسه متخرجه من جامعتها ولجن كااااافي
صار حجي بين خواتي وامي الي يلومني واللي يحجي عليه ومحد منهن لامت ولا جابو طاري مصعب وحجت عليه رغم كلشي
أنت تقرأ
حتى مطلع الفجر
Spiritualاللهم اثبت رجائك في قلبي. واقطع رجاء من سواك عني. حتى لا ارجو ألا. اياك. ولا اثق ألا بك
