حطام الحياة

part 35

كنت اعتقد انني سأصبح بخير
عندما اكتم في قلبي واتخطئ
اوقاتي الصعبه ولحظات انهياري
ولكن اكتشفت انني وصلت لاسوء
مرحله نفسيه لم اتخيلهه سابقأ البرود
البرود الذي انا عليه لان لم يكن يوما من طبعي...
.
.
.
.
.
.

...................................................
دعاء...
:- اتصل جدو على عمه ومدري شصاير هناك وكلهم طلعو وبقيت بالبيت وحدي لان مالي خلك اشوفه وزينب هواي لحت عليه بس رفضت كعدت بغرفة زينب صافنه بالفراغ الى ان صراخ بنت قطع شرودي انتفضت من مكاني وركضت على شباك زينب وفتحت شويه من البرده شفت واحد ديسحل بنت من شعرهه وهي تصرخ ماتحملت المنضر لان اذكرت ايهاب من تعامل هيج وياي واذكرت من نخطفت علمود مصطفى وشون سحلوني من شعري تجهمت ملامحي بغضب وحسيت دمي بده يغلي ومشيت بكل عصبيه وغضب لغرفة حسن اخذت سجينته ام الياي لان كانت حاده فتحته بقوه وصلت يم الباب وفتحته وطلعت للبلكون وهوه مستمر يسحل بيهه وهوه منطي ضهره للباب مال بلكون وبحركه سريعه مني حطيت السجينه بجتفه هوه انصدم حط ايده على جتفه يتلمس اثر الطعنه ودار وجهه عليه يباوعليه بصدمه وبذهول و رجعت بكل قوتي وبسرعه رهيبه لدرجه هوه ممستوعب شصار جريت السجينه من جتفه وايدي صارت كولهه دم ودفعته وكع على حافه الحايط ويمكن انغمى عليه لان مانتبهت بسبب غضبي وهي البنيه ركضت بأتجاهي لزمته من ايدهه شابكت اصابعي بأصابعهه والسجينه بأيدي الثانيه خاف احتاجهه وركضنه ومن توتري حسيته وراي يركض نسيت اني مريضه ونسيت كولشي كان كول همي اطلع من العماره واطلعهه وياي ضلينه نركض بسرعه قويه وطلعنه من العماره ومن هذا الشارع اني صدري كام يوجعني وتجاهلت الوجع كان كول همي اطلعهه بنص الطريق وكعت بالكاع من الوجع ماتحملته اكثر وضليت اخذ شهيق وزفير بعمق اريد اسيطر على نبضات قلبي وتنفسي مو منتضم البنيه وجهه بي اثار ضرب كعدت يمي تحاول تفهم شبيه وحجت بنبره كولهه خوف..

.....:
:-شبيج يبنيه عليج النبي كوليلي شتحسين شسوي يربييييي

دعاء..
:-حطيت ايدي على قلبي وحسيته راح يطلع من مكانه حاولت اسيطر على الوضع وعلى نفسي اخذت نفس بعمق وزفرته وضليت اسوي نفس الشي لمدة دقائق وحسيت لالم خف باوعت عليهه وكفت واحس وماا اكدر اوكف على رجلي بس قاومت ولزمت ايدهه تساعدني وتسندني واني حجيت بنبرة تعب ... انت منو وليش هيج يتعاملون وياج شيريدون منج

......:
:-اني نور وهمه اخواني يريدون يذبحوني

دعاء..
:- حجيت بداخلي نور اني وين سامعه بهذا الاسم نورر ثواني ذكرتت نوررر الي يدورون عليهه اي اني سمعته من كال بنت ليل رفعت تك حاجب وورمقته نضره عدم تصديق وخرت منهه وكفت كبالهه وكلت... متأكده اخوانج