مو كتلي اموت عني لو لحظة غبت
عفتك اني وطال عمرك مامتت..
ماصدكت مني بعدت
شو حليت و وردت
الشافك عليه يكول سجانك جنت
من اجيتك شو لكيتك شخص ثاني
عذرتك اني لان هو السبب اني
لان صدكت بكلامك وبوعودك وبغرامك
تبجي مني تريد تخلص وخلصت..
_________
سيلين
مرت الأيام حلوة وهادئة خصوصاً برجوع ادهم وضيغم للشغل مالتهم...
بهاي الفتره اقترحت عليه ملاك اتعلم لغة حتى نكدر ندرس ونشتغل...
ملاك : سيلين ضروري تتعلمين لغة حتى تكدرين تشتغلين ..
سيلين : اريد ادرس ما محتاجة شغل حالياً..
ملاك : هو مو قصة محتاجة بس هسه ماكو دوام يعني تكدرين تدرسين لغة وبنفس الوقت تشتغلين..
سيلين : ويامن اشتغل؟
ملاك: اذا تريدين تشتغلين ارجع اني هم ونشتغل سوى ويه ادهم وضيغم ..
ضحكت..
سيلين: يمعوده عوفينا مرتاحين..
ملاك: ليش ؟
سيلين: ما حب اشتغل بمكان مشترك ويه ادهم ..
ملاك: اول تالي ليش بله ؟
سيلين : اغار عليه واضوج ..
ملاك : يااا ويكولي سيلين ولا تغار وشايفه الصور وعادي عندها..
سيلين : اسكتي يمعودة غير جنت اكل بروحي اكل خصوصاً من يدزلي صور جيسيكا وبنات عمها...
ضحكت ملاك وكالت..
ملاك : ولج وين عندهم جيسيكا ..
سيلين : شمدريني اسمائهن صعبه وشكولاتهن اصعب ..
ملاك : وشبيج عيني والله انتِ احلى منهن اصلاً جامدات..
سيلين : عوفج هسه مني باجر عيد ميلاد ادهم واريد اسويله مفاجئة شلون ؟
ملاك : فدوة لابو مريم كل عام وهو سالم.
سيلين : حبيبتي فدوة لعمرج ، تكدرين تساعديني مو؟
ملاك : اي عادي بس يرجع ضيغم حتى اخلي دلوم يمه.
سيلين : ماشي بس ضروري اليوم نطلع..
ملاك : اي حبيبتي نروح اكيد..
سيلين : يله انتظر منج خبر ، وباعي لاتسوين غده اني راح اسوي ونتغده سويه..
ملاك : يله لعد نتشارك بيه ثنينا..
سيلين : كعدي يمي وخلي ابنج بحظنج واني اسويه مايرادله شي..
![](https://img.wattpad.com/cover/340511839-288-k585664.jpg)
YOU ARE READING
دارت الدنيا لتدق طبول قلبي
General Fictionالرواية للكاتبة : عبير إدريس انا أبنتكم أطرق أبوابكم وأي باب يمكنني البوح لها عما في داخلي.. الى من اروي حكايتي البتراء التي شيعتها قبل ان اعيشها وعشتها بمخيلتي عمياء صماء بكماء. ابتساماتي الحذرة خوفي المبرر ضوضاء يمزق ما بداخلي.. متعطشة للأرتواء...