حُر

Part"41"

#حُر
بــقلمي : مرمر علي

•━─────━❪𓆩𓆪❫━─────━•

#شهد
. كعدت ؏ صوت تَرف تبجي طفرت بسرعه لبست الروب ورحت اخذتها أريدها تسكت ماكو كامت تصرخ حيل طلعت بره خاف حُر لو أدهم يكعدون ؏ صوتها شفت ساعه بــ 4 اخذتها للحمام نزعتها ملابسها وغسلت الها جسمها ارتاحت حيل وسكتت لفيت عليها المنشفه وطلعت

. جبت فراش ثاني وخليته بــلكاع خليتها عليه تلعب مقبلت كامت واجت ورايه للغرفة تبجي شلتها طلعت الها ملابس لبستها ورحت تمددت بصف حُر أرضع بيها جريت الغطه حيل بردت والروب بي رطوبه

. فتحت حزام الروب وگلبت نفسي وصرت فوگ تَرف ونزعته شمرته وسحبت الغطه ڷــ راسي حسيت حُر اتحرك وصار ورايه لزك بطنه بــظهري وأيده صارت ؏ بطني وعصرها
حسيت حلگه صار ؏ رگبتي بأسه وهمس
- حُر :- كاعده حبيبي
- شهد :- اي
- حُر :- شسوين
- شهد :- تَرف ترضع
- حُر :- شو وينها

. رفع نفسه وخر الغطه وشافها مفتحه عيونها شافت حُر وضحكت
- حُر :- بعد روحي
- شهد :- جانت تبجي
- حُر :- ليش
- شهد :- كعدت ؏ صوتها تبجي اخذتها للحمام غسلت جسمها يلا هدئت
- حُر :- خاف شي يوجعها
- شهد :- لا لو اكو تبقه تبجي
- حُر :- لا تأخذيها لفراشها نيمها هنا يمنه
- شهد :- اخاف حُر خاف تختنك
- حُر :- خوش كملي رضاعتها ورجعيها لمكانها
- شهد :- راح تنام حبيبي
- حُر :- ليش عندج شي
- شهد :- لا ماعندي بس هيج سؤال

. رجع راسه ڷــ رگبتي يبوس بيها ويجعص بطني خليت ايدي ؏ ايده لي ؏ بطني وعصرتها
- شهد :- حبيبي
- حُر :- امم
- حُر :- ما سوينه غده ڷــ جهال
- حُر :- الخميس ان شاء الله
- شهد :- هذا الخميس
- حُر :- اي
- شهد :- هنا بيتنه نسوي
- حُر :- اي يأبه

. سكتت من شفته بعد مايكدر يجاوبني وصوته اختفه شوي ونامت تَرف كمت بهدؤ حتى لاتكعد وخرت ايد حُر وكمت شلتها وخليتها بــفراشها وغطيتها شفت أدهم محتاج تغير ملابس غيرت إله ؏ كيف ونيمته عدل طلعت بره أخذت ملابسه للغسالة ورجعت

. دحست نفسي بحضن حُر وحضنته خليت ايدي ؏ خده امسح بي تقربت بست شفته خفيف وابتعدت بقيت كُل شوي ارفع راسي وابوسه لحد ما نمت

. كعدت ؏ صوت حُر الصبح فتحت عيوني وشفته كاعد بــطرف الجرباية عدلت كعدتي وكعدت
- شهد :- صباح الخير حبيبي
- حُر :- صباح النور يأبه

. وخرت الغطه ورحت يمه وخرت ايده ونمت بــحضنه خليت راسي ؏ صدره وحضنت رگبته بيديه تقرب إليه وخله شفته ؏ خدي يمشيها بدون مايبوسني
- حُر :- كعدي بابا
- شهد :- نعسانه
- حُر :- اوف شوكت تشبعين نوم
- شهد :- ماشبع
- حُر :- دكعدي راح يروح عليه وقت الدوام
- شهد :- ابقه يمنه لا تروح
- حُر :- الظهر اجي بنيتي
- شهد :- محتاجتك يمي
- حُر :- واني يمج شوكت ماتريدين