" تعليمنا "
_ أنت ِ بقي الأبله الجديدة اللي جاية تدرس هنا .
= أبله اسمها أبله ولا ميس .
_ أبله ولا ميس مش هناخد الحصة وخلاص هنقعد نشكل في الكلمة خلصي الدرس خلينا نمشي من هنا .
= أنت مش محترم اسمها ميس وتمشي من هنا تروح فين دي المدرسة أنت جاي تتعلم مش تعمل دور المدير علينا و اتفضل أقعد خلينا نخلص الحصة .
_ أنت ِ شكلك محترمه ومش وش المدرسة هنا يا أبله
خلي اليوم يعدي خلينا نلحق نمشي من هنا عندنا شغل .
= لو قعدت هنخلص أم الحصة دي و تلحق شغلك هما حصتين ورشة و إتكل على الله .
_ ماشي يا أبله .
= يا ابني ميس ميس ميس .
أنتهي يومها الدراسي في مدرسة الثانوية الصناعية بنين و عادت لمنزلها و معاها ورق تحويل الرسم العملي وكان كـ كل مرة كل الرسم غلط أنتهي اليوم التاني و التالت حتي الرابع معاد تسليم الورق و الحصة الجديد .
_ أحب اقولك قبل ما تدخلي الفصل دا اكتر فصل متعب في المدرسة و محدش مهتم بيهم علشان شباب بيقولوا في الاخر فني كلها بتغش يستحسن وكل بينجح متخلصيش طاقتك في المدرسة هنا و دوري على مدرسة بنات بتبقي أحلى بكتير و يفضل بلاش مدرسة فني أصلا و خليك في عام يا أستاذة ...
= هبة اسمي هبة بس ليه أسيب المدرسة و يفضل بنات مش شباب و يفضل اكتر مدرسة عام ما كله تعليم و مفيش فرق هنا مواد و هنا مواد هناك مذاكرة و هنا مذاكرة دروس و دروس مفيش فرق الفرق في عقول الناس مش المدارس كله تعليم و كله شهادات و كلهم ناس عايزين مستقبل حلو .
_ حبيت اقولك على حكاية المدرسة بس باين أنك مش عاوزة تفهمي اتمني ليك ِ النجاح هنا أو في غيرها .
= شكراً يا ....
_ يوسف اسمي يوسف
يا ابله ياللا .
= اتفضل للفصل .
دخلت و بدأ كلام يوسف يوشوش على عقلها وكان الف سؤال ليه الفرق بينهم ؟؟
ليه ؟؟ وليه؟؟ وليه؟؟ حتي بدأت تسأل الطلاب عن حلم كل شاب فبدأ بذلك الشباب صاحب كلمة " أبله"
ممكن تقولي اسمك أي و ليه اختارت صنايع مش تجارة ولا عام ولا زراعه ولا سياحة و فنادق ..الخ .؟
يا ميس أنا بشتغل في ورشة عربيات و بصرف على اخواتي البنات هدخل عام و فلوسها أنا مش هقدر عليها طب اخواتي أوله بـ الفلوس بس الحمد لله ربنا كريم و مجموعة الاعداديه جاب قسم سيارات فكأن دافع إني اكمل فيه و اتخرج يبقي معايا مهنه جمب تعليم ِ من الورشة و ربنا يكرم و انجح فيها اسم محمد .
نظرت له ثم للشاب الاخر فقال لها :
حضرتك أنا وحيد أمي و ابويا الاتنين ماتو..ا وانا صغير عايش مع جدي على المعاش بتاعه و عام فلوسها مش قليلة دخلت صنايع مش بفهم في السيارات بس اهو نزلت ورشة و بدأت اعلم الاسطي حاجات فيها الحمد لله ربنا كريم بياخد شىء و يعوض بشئ تاني خالص .
و هكذا كانت تسمع هبة المشكلات و الحكايات تارة تضحك عليهم و الآخرة تُكاد تبكي على حالهم حتي وصلت لاخر شاب كان وحيد يجلس في آخر مقعد وكأنه تم معاقبته على خطأ ما .
مالك .!؟ احكي مشكلتك أنت كمان ليه دخلت صنايع ؟
والله يا... الحكاية بدأت لما اهلى كانوا بيقولوا يا عام يا مفيش تعليم .
طب ليه يا ...
اسمي لؤي .
ليه يا لؤي
أنا كنت عام خلصت أولي و تانية بخير الحمد لله جيت في تالته سقطت سنتين ورا بعض اهلى كانوا عاوزني اكمل التالته و دا عمر و بيجري اعترضت و قولت هحول من عام لفني يمكن انجح واهو أنا في اخر شهر في الثانوية الفنية ربنا يستر و أنجح علشان اهلى.
ها حكايات من مختلف الأماكن منهم و منهم و منهم تذكرت ذلك الحديث وهي تجلس على مقعد و تنظر لنيل و بجانبها صغيرها و صغيرتها يأكلوا كما تأكل هي الذرة المشوي حتي تقدم منها شابين في مقتبل الثلاثون من عمرهم مسكت أطفالها وهي تنظر لهم فقالت بخوف على الصغار :
نعم مين أنتوا.؟؟
حضرتك أبله هبة .!؟
أبله هبة أيوة أنا أبله هبه أنت مين ..؟؟
أنا محمد كنت معاكِ وانا في تالته ثانوي صنايع فاكرني كنت دائما بقولك يا ابله .
وأنا لؤي كنت بحب أقعد لوحدي ..
بدأت ذاكرتها تجمع تلك الأحداث فكانت تتذكر من دقائق حتي أتُ لها فبدأت بترحيب لهم فتحدث محمد أولاً :
فتحت ورشة ليا و بقي ليها اسم في السوق و اخواتي كلهم كبروا و اخر واحده فيهم في تالته فني دلوقتي و اتجوزت و روحت المدرسة علشان ابعت لحضرتك دعوة قالوا إنك سبتي المدرسة بعد تالته بتاعتنا .
مبارك ليكِ و ربنا يبارك في حياتك الزوجية أنا سبت المدرسة و اتجوزت مستر يوسف و جبت تؤام وانت يا لؤي عملت أي .
اتخرجت من هندسة و بقيت مهندس زي ما اهلى كانوا عاوزني.
احسن مهندس .
___________________
"آية غنيم"🦋
وهنا القصد كان أن التعليم الفني مش تعليم فاشل التعليم الفني زي اي تعليم في الدنيا و الثانويه العامه مش نهاية العالم دي البداية " رب الخير لا يأتي إلا بخير " تذكروا دائما أن كل شيء تك اختياره لك/ِ ِ بيد ربما سبحانه وتعالى.
أية غنيم
حكايات اية غنيم
أنت تقرأ
مجموعة اسكربتات بالعامية آية غنيم
Short Storyمجموع قصصية بالعامية تحتوي عدد من القصص الغير متشابهه وكل قصة فوقها اسمها حتي لا يحدث تلغبط بين القصص الاخره . أية غنيم
