أللهم صل على محمد وال محمد
ألبارت 𝟮𝟵
الكاتبة : زينب حسين
القصة حقيقية
#دياجير_ألماضي
حبايبي فضلًا وليس امراً متابعة للحساب ♥️🌚
@Zainabzoza359
بسم الله
**************
عنِدما يحل الليل
أذهَب الى غُرفتي
أفتح درجي الأول
أخذ مُذكراتي وأضع صورتك أمامِي
أكتب كُل ماحَدث لي بيومي
وكم كان اليوم صعبًا علي
وأنني أشتقتُ إليك كثيرًا
وأن عِندما تغِيب عني
يصبح العالم باهِتاً
والدقايق تمُر علي بثقِل
وأعبر لكَ عن حُبي لكَ
وكم أنني مُغرمة بأبتسامتك الساحِرة
التي أُحبها جداً
وأتمنى دائما أن أراها على وجهك
وتفاصِيل وجهك الذي أذوب دائما بتفاصيلهُ
وكم أتمنى تقبيل عيناك التي أرهقتني حُباً وكأنه حَديثي معك
وتخيُلك واقفاً أمامِي
يُخفف بعض الشوق الذي بِداخلي .
*************
_ ترا اني مصدكج بس خليتج تروحين تفحصين حتى انتي ترتاحين
_ الله ومنو كال كح** وشمسويه بنفسج؟؟
_ لحظة عصبيه واي احد بمكاني جان حيشك
_ تمام نسد الموضوع احسن سحبني لحضنه باسني براسي وكلي
_كومي ننزل جوه نتعشى واخذي علاجج
_ ماشتهي ماريد
_ لج من البارحه لسه مماكله
_ ماشتهي والله
_ كومي لخاطري حتى اني مثلج مماكل كومي ناكل سوه
_ ماشي بس خلي اغير ملابسي بدلت ملابسي لبست گلابيه ولميت شعري خليت شالي ع راسي ونزلنه اكلنه سوه واني ساكته ولا كلمه حجيت شوي وحجه
_ باجر نروح لاربيل
_ ليش مستعجل خليها بعدين مالي نفس هسه اروح
_لا باجر احسن
_ بكيفك الي يعجبك سوي.... كملت اكل وكمت شلت الصينيه وغسلت وردت اغسل المواعين سمعت صوت اخته ياسه
ياسه _ لا حبيبتي اني اغسلهن روحي ارتاحي
_ لا يروحي شعندي هسه اغسلهن واصعد
_ عوفين يا گلبي هنه ماعونين
_ ابتسمتلها شكراً ولو اتعبج
_ لا ولو ادللي وهسه شوي واجي يمج بالغرفه نسولف
_ ماشي ياريت والله .... صعدت للغرفه ونزعت الگلابيه ختنكت منها لبست التراك وفتحت شعري باوعت ع المرايه خليت حمره واخذت تلفوني فتحته مبي نت وماعرف الرمز وادهم طلع عفت التلفون
شغلت التلفزيون وكعدت اكلب بالقنوات شوي وندكت باب الغرفه
ياسه _ طيبه كاعده؟
_ اي حبيبتي دخلي
ياسه _ اذا تريدين تنامين اروح
_ لا بعدني مانام هسه تعالي كعدي.. اجت كعدت يمي بقينه نسولف ونشاقه شوي ودخل ادهم
_ هاي شنوو كعده وسوالف وكرزات
ياسه_ اي شفتها ضايجه كلت نكعد نسولف
_ اي عفيه زين تسوين
ياسه_ يلا ع راحتكم نازله يم ماما
_ براحتج حبيبتي.. طلعت وسدت الباب اجى هوه مبتسم
_ هاي شطالع حبيبي كيك
_ اي اوك قشمرني بكلمتين
_ ليش اقشمرج ليش انتي اكو احلى منج
_ ابتسمت وكتله اوك بس شنو شوكت نروح باجر بيش الساعه
_ اوو ذكرتيني باجر ب١٠ بالليل نطلع وي شركه كروبات كومي خلي نجهز ملابس وغراضنه
_ ماشي بس طلعلي جنط مال سفر وكلي وينهم الملابس الي تاخذهن وياك... كمنه طلعنه جنطه اله وجنطه الي جهزتله ملابس واحذيه ثنين وشاحنه وباور بانك وهيتفونات وغراضه الي يحتاجها وجهزت الي ملابس وما اخذت مكياج هواي لا مسكاره لا كحل ولا اي شي بس حمره 😂
لان مالي واهس ابدد بس خليت مرطبات وغسولات وعطر كملت الملابس والاحذيه
جهزت الجنط واجيت تمددنه ونسولف ويشاقه ويايه ويضحكني لحد ما غفيت والليل كله كل شوي افز مرعوبه وخايفه
YOU ARE READING
دياجير ألماضي 12:00
Mystery / Thrillerمَاذا أحل بِناْ ؟ لِماذا تَطَشر شَملنْا ؟! لِماذا أصبَحنْا غُرباء لايَعرُف احَدنْا الاخَر هلْ هَذا قَدَرُنْا !؟ام هَذا مِنْ فَعل اَيدِينْا أنَعود مَثلَمَا كُنْا ام للقَدر رائي اخَر مَابنْا لمَاذا كُلَ هَذا الجَفاءٌ لِماَذا ابْتَعدنْا عَنْ بَعَضَن...
