أبيكم تعرفو ان القصه واقعيه
وبالحقيقه انا اكتب قصتي
في يوم عادي صحيت على صراخ
ابوي
ابوي: انت من امس نايم
جلست بالسرير اناظره
أبوي : قوم قوم وصل اختك ريم المدرسه
انا:افف ليه ماتجيب لها سواق
أبوي: انت موجود مايحتاج لا تشتغل لا تسوي شيء بس قاعد على الجوال حتى المدرسه ماتروح بقي لك سنه وتتخرج
وانت ماتداوم احمد ربك آني ابوك
لو انا مو موجود بحياتك بيفصلونك
امي : انت كل يوم تسمعه كلام خلاص اترك الولد انا اتفاهم معه يرجع لدوام
ابوي: كله منك انتي خلتيه يتعود على الدلع
والراحه
ريم وهي تركض بالبيت
ريم: وين حقي البلوفر
قمت رحت الحمام وقعدت اناظر وجهي
بالمرايا جتني هالات من السهر فرشت اسناني
طلعت شفت ريم تتحلطم وانا امشي بتجاه
غرفتي شافتني
ريم: ليث ليث ليث تعال
دخلت غرفتي وقفلت الباب
ريم: اسمع بقولك
انا: لاتقولين ما ابغى اسمع اطلعي
بره بصلي
ريم: ليث ابغى بلوفرك ببرد
انا: ماعندك بلوفرات انتي
ريم: عندي بس ابغى الاحمر عاجبني
انا: صليتي ؟
ريم: انت كل يؤم بتسالني صليتي ايش شايفني كافره
انا: شدخل ترى اذكرك عشان احصل انا
اجر
ريم: اي صليت باخده هاا
انا : طيب تقبل الله
ريم فتحت الدولاب واخدت البلوفر
بعد ماخلصت الصلاه طلعت من غرفتي
شفت ابوي وامي واختي جالسين بطاولة
الطعام جلست
أبوي: ليث
انا بداخلي : ياليل بدينا
ابوي: وصل اختك وأرجع البيت
ابغى اتكلم معك بموضوع مهم قبل
ماروح الشغل
انا: ان شاءالله
ابوي: حاضر ايش ان شاءالله
امي: انت تدور على ولدي الزله
ابوي: لاتتكلمين الا يوم اقولك تكلمي
امي: حاضر انا اسفه
قمت من الطاوله
ابوي: ماخلصت الصحن أجلس
انا: شبعت ريم انا بالسياره أنتظرك
ريم: تمام
انا: لاتطولين
ابوي يضحك: ليش ماتطول انت عندك
شيء ثاني تسويه
مشيت ركبت السياره وانا احاول اسيطر على غضبي واحط الوم على امي هي خلته يسيطر على حياتنا وماتطلقت منه رغم التعنيف الجسدي و النفسي اللي تعرضت له تدافع عنه عندنا وتغطي عليهه وتحبه المراه اللي ماتعرف حقوقها وما تحترم نفسها راح ترضى بشخص مثل ابوي شخص اناني ونرجسي وسام ومتحكم و مغرور عند الناس الاب المثالي لكن بالحقيقه هو اسوء اب كل ما أشوفه هو و امي اتمنى بالمستقبل يصير قرار ان اي اثنين يتزوجون لزم يروحون لطبيب نفسي ويكشفون على صحتهم العقليه عشان اطفالهم مايعانون من صدماتهم وتفكيرهم
وانا غارق بافكاري ..
فتحت اختي الباب بقوه
انا : بسم الله
ريم تضحك : ايش فيك انفجعت
BẠN ĐANG ĐỌC
ربما لم يكن
Lãng mạnقصه واقعيه تتكلم عن شخص يعاني من مشاكل يقع في الحب مع الفتاه الخطأ اسمها ديانا عبر برامج التواصل الاجتماعي ولكن لا يعلم انها تكذب بكل شيء تخبره به واسمها الحقيقي انهار ويعرفها بالواقع وهي تستعمله بالعبة انتقام
