رواية : رهفة قلب
للكاتبة: Nona Alsebhawy
الحلقة 2
يوم جديد
انا : بابا كمل فطورك
بابا: الحمدلله يابنتي شبعت
انا : باهي صحتين
رفعت السفرة وغسلت المواعين وحست فالحوش وبخرته بالوشق وطلعت حوايجي وخشيت دوشت وطلعت جففت شعري ونازله نسمع ف بابا يتكلم فالتلفون خشيت قعمزت بجنبه عرفت انه اللي طالبيني من بوي
انا : بابا قول موافقين
بابا : غمض عيونه وقت وفتحهن : احم اي موافقين
انا : حطيت يدي ع كتف بابا ونزلت راسي
بابا : ان شاء لله على بركه الله تفضلو ف اي وقت ..وسكر
انا : ابتسمت: ليش زعلان به
بابا : تنهد ؛ متأكده من قرارك يابنتي انا مانغصب فيك
انا : لا يابابا نبي نفرحك ومتأكده انا
بابا : باهي يابنتي
انا : شن قالولك
بابا : قالو بعد يومين يجو يقرو الفاتحه
انا : هزيت راسي
بابا : نبي نديرلك عرس زي اي بنت تطلع من حوش هلها وخنقاته لعبره
اناا : لاا بااباا انا مانبي عرس ياقلبي مااضايق روحك فاتحه وخلاص من بيجينا كان درنا هي واقارب وعلاقتنا مش تمام معاهم صاحبات ماعندي ليش لخساره
بابا : سكت
انا : ماتفكر بابا ماتوجع راسك
بابا : مدلي التلفون: هاك كلمي خواتك وقوليلهم باهي
انا : ابتسمت ونضت خشيت دمعتي نزلت واتصلت ب خواتي وحكيتلهن وبكرا يوصلن
قعمزت طول الوقت انفكر بعد ادن صليت وطيبت لغدي وطلعته تغدينا وغسلت الحوسه وطلعت لدار نفكر بعدها رقدت وكدالك نفس الوضع لعند من بكريتها جو خواتي اللي لي فتره ماشفتهن مايسكنن ف نفس لبلاد اللي ساكنين فيها
وبعدها جت ام يوسف وخواتي وتن كل شي ونزلت لابسه قفطان بسيط وردي وفاتحه شعري ومادرت ولا شي الا برفان وسلمت عليها وقعمزت وحكينا شوي واضحه عليها الطيبه جابت معاها 5 الاف مدتهم لي انكمل حوايجي وتأسفت لأن يوسف مش حيجي وقالت الفاتحه اجلوها بعد اسبوع ، بعدها روحت ووو
بعد مرور اسبوع تام وانا نشري ف حوايجي ومشيت للمزين زيني زي اي عروس ومكيجت ولبست قفطان ابيض منفوخ شوي وطويل وفيه تطريزات يهبلو وشعري مفتوح ع طوله ومكياج ترابي هادي طلعت جميييييييله اول مره ف حياتي اندير مكياج وتغيرت 180 درجه روحت لقيت خواتي مجهزات حوايجي وكل شي ليا وانقرت الفاتحه
وسن : تبكي : الف مبرووك وخيتي
انا : نزلت دمعتي : يبارك فييك
ورود : تبكي حضنتني : ربي يهنييك
انا : انشالله يارب
ورده : خلاص وعوده امسحي دموعك المكياج يفسد
انا : ضحكت : باهي ومسحتلي دموعي
وصلت ام يوسف
ع نجاة : فرحانه اتزغرط : لولولولوييييي الففف مبروووك كنتي ، انبهرت بيا
انا : يبارك فييك ياعمتي
ع نجاة : هي بنيتي يوسف برا يرجا فيك
انا : يوسف !
ع نجاة : ضحكت : اي راجلك
انا : انحرجت : هي
ولبست العبايه العرايسيه وحضنت خواتي وطلعولي دبشي وطلعت حضنت بابا اللي دموعه ينزلو
انا : نبكي : بااباا سامحني كان في يوم وجععتك وكسرت ب خاطرك ولله مش هاين عليا نمشي وانخليك بروحك من بيطيبلك ويدير باله علييك
بابا: مسحه دموعه : يابابا انشالله ربي يهنيك قيمي بيتك ورفعيلي راسي وخليك زي امك رحمه الله عليها
انا : ان شاء لله حبيبي بابا
بابا : هي يابنتي في امان الله
انا : بست يده وراسه : دير بالك من روحك بابا ،ووصلني السياره ركبت وحكي مع يوسف شويه وركب بجنبي يسوق
ماشفتش وجهه بس ريحته تهبل
يوسف : مبروك
انا : الله يبارك فيك
ومشينا وكل الطريق ساكتين ماحاولش يتكلم حت شوي بعد وقت وصلنا ونزلت ل حوش اهله رفعت راسي انبهرت ف كبر الحوش ونضامه كيف الاتراك خشيت و استقبلوني خواته وحولولي الكاب وخشيت لقيت اقاربهم ارتبكت وسلمت وقعمزت يشوفولي منبهرين ب جمالي قعمزت بجنبي امل
امل : هااي
انا : ابتسمت : اهلا
امل : زعم عرفتيني
انا : ضحكت : لا
امل : اسمي امل اخت راجلك يستي ومخطوبه وعمري 22 وووو
قعدت تحكيلي وجو بنات تعرفت عليهم وجوهم حلو بما انه انا مش اجتماعية
المهم مر الوقت وقعدت لعند لعشي عشوني وكلمتني عمتي نجاة وطلعت ل يوسف بنروحو وكان الحوش بجنب حوش العيله وخشيت معاه فتح الباب وخش وخشيت وراه
انا : مصدومه : هداا حوشنااا
يوسف : بدون م يشوفلي : اركبي غرفه النوم اتجيك ع يدك اليسار
انا : وين حوايجي
يوسف : فصل : تيي فوووق
انا : انصدمت :؟ به ،وركبت الفوق وخشيت لدار
مهم غيرت حوايجي ولبست بجامة ومسحت المكياجي ودرت روج وكحل وعطر ومشطت شعري وخليته مفتوح وادهورت ف غرفه النوم كيف واسعه وتهبل كأني ف حلم حسيت روحي جيعانه نزلت لقيت يوسف يتفرج ع التلفزيون
انا : مرتبكة : ءءاا يوسف
يوسف : عاقد حواجبه : هاا
انا : جيت مقابله : وين المطبخ جيعانه
يوسف : انصدم يفصل ف جسمي ..
انا : يوسف !
يوسف : رجع عقد حواجبه ويشبح لعيوني : تعالي وراي
وقعد يعرفني ف الحوش واخر شي المطبخ وخشينا
انا : شهقت : يااربييي
يوسف : انفجع : خيييرك
انا : فرحانه : ييهباالل الحوووشش وربيي والمطبخ كيف واسع والوانه ححلووه تععرفف كنت ف خاطري نعيش ف حوش ههكييي
يوسف : ف خاطره ؛ خيرها اهياا وااك ع النفخ ،،
انا : شبكت يديا ف بعض ومبتسمه : جيعان ندير عشي
يوسف : يشبحلي وعاقد حواجبه وقعمز ع الكرسي :...
انا : اضايقت : رد عليا باهي
يوسف : معصب : اسسمعيي اناا انساان منحبش الهرجه الزايده ونفخ الراس حطيلنا نسمسمو والماكله اهو ف الكوشه محطوط
انا : قعدت نشوفله ومصدومه ب أسلوبه وكيف يحكي معايا هكي خنقتني العبره نزلت عيوني ومشيت طلعت العشي وحطيته ف صحون وحطيته عالطاوله وفتحت التلاجه طلعت عصير وحطيته قدامه ويوسف عاقد حواجبه ويراقب فيا قعمزت
يوسف : مدي يدك مش جيعانه
انا : ماناكل فالرز
يوسف : هز راسة
انا ؛ نزلت دمعتي مسحتها بسرعه : صحه ونضت شربت اميه وركبت لدار النوم ورتبت دبشي وطلعت مكياجي وقعدت انرتب فيه وكملت الحوسه خشيت للسرير دق الباب وخش
...
YOU ARE READING
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
