أنا الغلطان
الكلمة دي دائماً بتتردد في مسامعي أنا الغلطان...بي سببي خليتهها تخليني مافي بت بترضي في نفسها كدا...
أنا هسي لو زول داير صابرين وبأجل الخطوبة كدا مابرضي... عارف إني أناني بس ما كان عندي خيار تاني
مابقدر افرح واختي عيانة...من وين افرح أنا؟! كدا بكون ما عندي ضمير...
أنا ما قدرت اوريهم السبب عشان ما يعايرو أختي بيهو براها كانت عيانة...لو عايروها بتزيد زيادة
لمن سمعت إنو أسعد في ورطة طلعت طوالي حتى ما عارف بكون حصل لي شنو..ضربت لي أكتر من مرة بس ما كان برد هنا أتأكد إنو بكون في مشكلة كبيرة
ماعرفت أمشي وين إلا بيتو...ركبت المواصلات....بعد ساعتين كدا وصلت ....من وصلت شايف ناس متجمهرين في بيتهم...مشيت بي سرعة... لقيت أمو شايلنها وهي حيلها ميت انصدمت من المنظر قلت في شنو والحصل شنو... واحد قالي: أسعد ضرب راجل اختو بالمسدس انصدمت زيادة قلت لي: شنو!!
متين ده....هز لي اكتافو بمعني ماعارف ومشي من جنبي...بعد مسافة لمحت امونة بتبكي بي طريقة خلت قلبي يتقطع عليها...ماعرفت أعمل شنو اسأل منو ولا أعمل شنو......لقيت لي شلة كدا...مشيت وقفت جنبهم واحد قال
سمعتو؟! أسعد ضرب أبين بالمسدس وهسي هو في المستشفى وسمعنا قالوا طلق اختو...تلات طلقات
لمن سمعتهم يقولوا كدا اتخلعت...ابتسمت بس عشان هي اطلقت لكن تاني زعلت ليها ولي اخوها بس انا عارف أسعد ما بعمل كدا بكون في زول دبر لي المكيدة دي.... أسعد زول مسالم شديد طيب أنا هسي أعمل شنو؟!
ما لقيت عندي حل إلا أمشي المحكمة الجنائية
... سألت عن أحسن محامي وصفو لي مشيت لي عديل في بيتو..وريتو القضية القصة رغم إني لسه ما عرفتا كاملة...سكت مسافة وقالي: والله يا أخوي القضية دي كبيرة شديد فمعليش أنا مابقدر...اتوكل فيها...
استغربت هسي هي ما معقدة لي درجة بس شكلو داير شي
قلت لي: ما فهمتك كيف يعني...دي قضية زي اي قضية وتاني شي المجني عليه عايش...يعني هي ما معقدة لي درجة ترفض؟! أنا دارس قانون وعارف القضيا المعقدة بتكون كيف
ابتسم بي طرف خشمو وحك دقنو...قلت لي: داير شي؟!
قالي: والله أنا ممكن اساعدك بس داير اضعاف المبلغ...ربعت يديني وقلت لي:
امممم يعني رشوة وكدا....ضحك وقالي ممكن تقول كدا أهاا كيف رايك
سكت مسافة وقلت لي: انا ما زول رشوات وشكراً ليك أنا ما داير زول زيك اظن المحاماة دي مهنة صعبة ودايرة ليها زول يخاف الله
هو اتوتر بس كان عامل نفسو ثابت قالي: طيب أمشي شوف ليك محامي هو ده كان لقيت لأني أنا هنا المحامي الكبير وكان أنا رفضتك مافي زول ح يتوكل ليك
