ابو شامل ـــــــــــــ والله ياعمي سئلتلك عليهم خوش ناس وبناتهم مربايات
ادهم ـــــــــــــ امي جانت معنده متريدها وابويه ماله واهس بس عندت واخذتها تعتقد السويته صح
ابو شامل ـــــــــــــ اي بالتالي انته حر بحياتك
ادهم ـــــــــــــ عمي اني هم غلطان
ابو شامل ـــــــــــــ شلون يابه
ادهم ـــــــــــــ اني اطلب ابوها فلوس و لحيت عليها گلتلها لو توافقيين بييه لو اسجن ابوج واخلي يروح بخبر كان
ابو شامل ـــــــــــــ كلللل عقلللكك تتحجيي
ادهم ـــــــــــــ ههههه لا عمي اتشاقه وياك اني البنيه على حب اخذتها
ابو شامل ـــــــــــــ يالخبل خبلتني عبالي صدگ
راجس ـــــــــــــ يالله عمي اني اترحص منكم
ابو شامل ـــــــــــــ ابد والله اله تبقى عالعشى هاي اول مره الك تجي علينه وتزورنه متطلع اله وانته ماكل من زادنه
راجس ـــــــــــــ زاد فضلك عمي بس مشغول
ابو شامل ـــــــــــــ والشغل اهم منه
راجس ـــــــــــــ لا عمي حشه
ميرا ـــــــــــــ راجس خل نبقى
راجس ـــــــــــــ لا
ابو شامل ـــــــــــــ ابد والله ماكو طلعه اگعد اگعد
شامل ـــــــــــــ اي خل نتعرف عليك
راجس ـــــــــــــ الي الشرف
ميرا ـــــــــــــ راجس اروح اساعد امي
راجس ـــــــــــــ ديري بالج عالبطنج
ميرا ـــــــــــــ ان شاء الله
راجس ـــــــــــــ على كيفج امشي
ابو شامل ـــــــــــــ هههه تبقى خبله
راجس ـــــــــــــ
ابو شامل ـــــــــــــ لا تاخذ على خاطرك وليدي ودير بالك عليها هالخبله هاي قطعه من روحي تعادل روحي
شامل ـــــــــــــ قطعه واني احجاره من روحك بحيث زوجتها واني ولا سائل عليه مو عجزت يابه عنست صرت تكه
ادهم ـــــــــــــ يالله ازوج ويايه دام عمي ميريد يزوجك
شامل ـــــــــــــ ماتقصر والله انته كفو
راجس ـــــــــــــ لا هذا نسيبي واني ازوجه
شامل ـــــــــــــ عدكم مره تنطونه
راجس ـــــــــــــ لا ماعدنه
شامل ـــــــــــــ شوف تبريت
راجس ـــــــــــــ ههه والله ماعندي اخوه اني وله مالگه احسن منك
شامل ـــــــــــــ صدگ
راجس ـــــــــــــ اني اهلي ميتين بحادث
ابو شامل ـــــــــــــ الله يرحمهم اعتبرني ابوك وبأي وقت تحتاجني اني موجود
راجس ـــــــــــــ عز الله عمي اتشرف بيك
ميرا ـــــــــــــ كملنه الاكل اني وامي ودينه الاكل الولد يضحكون و راجس هم طرت من الفرح لاول مره يضحك من خاطر انتبهلي وگال لشيلين شي ثگيل الطفل گام وشال من عندي
ابو شامل ـــــــــــــ الحمد الله جنت خايف على بنتي خاف ماتدبر الزواج وخاف مايتفهمها زوجها
راجس ـــــــــــــ لا هيه ذكيه
ابو شامل ـــــــــــــ ههه هيه هم رادت تزوج الله يسلمها بوكتها مارضيت بس شفتها رايده الزواجه
ميرا ـــــــــــــ بااابااا
ابو شامل ـــــــــــــ اله عجل مجذب يابنتي
شامل ـــــــــــــ انته لو على ايدك طول العمر ماتزوجنه بله هاي اجتها خطابه ونفدت اني يابنت حلال تجي وتخطبني والله ابصملها حتى بأصابع رجليه مو بس بأصابعي وبالجامع اذيع موافق بس خل تخطبني بنيت الحلال
ميرا ـــــــــــــ ضحكنه دحگتله يضحك ابتسمت على ضحكته وفرحت اول مره اشوفه يضحك جانت فرحتي مو سايعتني گعدنه وبابا يوكل بيه
شامل ـــــــــــــ اله الله واكبر الدلال بس لهذولاك الناس
ابو شامل ـــــــــــــ هاك بس لتبجي
ميرا ـــــــــــــ جنت ادحگله نزل راسه ودموعه بعينه سويت لفه وخليتها يم حلگه ابتسملي واكلها،،،،، بابا انته توكلني وتوكل شامل و زوجي ماله حصه
ابو شامل ـــــــــــــ لا ليش ماله حصه
ادهم ـــــــــــــ عمي واني مو ربيت عندك
ابو شامل ـــــــــــــ هههههه يرادلي ستين ايد
ميرا ـــــــــــــ ههههه
ابو شامل ـــــــــــــ راجس لا تفشلني
راجس ـــــــــــــ افه عليه افشلك عمي
ميرا ـــــــــــــ اتعشينه وغسلنه المواعين و گعدنه تعللنه جان منطلق ويسولف ويه بابا صارت بثنعش ورجعنه جان طول الطريق مبتسم
راجس ـــــــــــــ انزلي
ميرا ـــــــــــــ حاضر
راجس ـــــــــــــ افتحي الباب وياج اطبب السياره
ميرا ـــــــــــــ فتحت الباب و طبب السياره رحت هوا سد الباب الرئيسي فتحت البيت وفتت وگفت طلعتله تراكسوت ماريده يصيح عليه
راجس ـــــــــــــ ميرا
ميرا ـــــــــــــ نعم
راجس ـــــــــــــ شكرا
ميرا ـــــــــــــ على شنو
راجس ـــــــــــــ لان عزمتيني لاهلج
ميرا ـــــــــــــ اهلي اهلك
راجس ـــــــــــــ بس مو معناها اني گلبي لان
ميرا ـــــــــــــ ابتسمتله،،،، عادي المهم فرحتك
راجس ـــــــــــــ بلا كرامه
ميرا ـــــــــــــ كرامتي غاليه عليه بس اريد اطلع من الاني بيه
راجس ـــــــــــــ عرگ
ميرا ـــــــــــــ لا
راجس ـــــــــــــ العرگ
ميرا ـــــــــــــ اخدم نفسك بنفسك اذا على خدمه مثل هيج ااااههه شعىرريييي
راجس ـــــــــــــ اتجيبيه
ميرا ـــــــــــــ اوووويي لا
راجس ـــــــــــــ ماشي
ميرا ـــــــــــــ ضربني وراح جابه گعد و فتحه قبل ليشرب گلتله،،،، راجس مشتهيه شكر
راجس ـــــــــــــ شكر
ميرا ـــــــــــــ اي
راجس ـــــــــــــ بالمطبخ
ميرا ـــــــــــــ اخاف انزل ويايه
راجس ـــــــــــــ مو خدامج
ميرا ـــــــــــــ ماريد يصير بالطفل علامه الله يخليك انزل ويايه
راجس ـــــــــــــ انزلي
ميرا ـــــــــــــ نزلنه اكلت شكرا صعدت الحلاه الف،،،، تريد
راجس ـــــــــــــ لا ماريد
ميرا ـــــــــــــ راجس
راجس ـــــــــــــ هم
ميرا ـــــــــــــ مشتهيه تراب
راجس ـــــــــــــ تررابب
ميرا ـــــــــــــ اي تراب منگع
راجس ـــــــــــــ امشي
ميرا ـــــــــــــ طلعنه رش الترب وريحته تجنن بودي اكله،،،،، الله راجس
راجس ـــــــــــــ ياطلابة راجس احجي
ميرا ـــــــــــــ راجس اريد حامض عصير حامض جاي
راجس ـــــــــــــ كل عقلج
ميرا ـــــــــــــ الله يخليك
راجس ـــــــــــــ محلات مسدده يالله امري لله اني اسوي
ميرا ـــــــــــــ گعد يفلس حامض جاي مدري گشر خليته بحلگي واتمطگ
راجس ـــــــــــــ كافي لعبتي نفسي
ميرا ـــــــــــــ مو حامض
راجس ـــــــــــــ هاي كملنه
ميرا ـــــــــــــ اي
راجس ـــــــــــــ انگعه بالمي حتى يسهل الخلط
ميرا ـــــــــــــ اي
راجس ـــــــــــــ اغفييي
ميرا ـــــــــــــ سواه وخلطه ضاف شكر وانطاني شربته يجنن،،،، الله راجس عجل عليك العصير برمضان
راجس ـــــــــــــ اي هاي الناگصه
ميرا ـــــــــــــ ماضل نص شهر
راجس ـــــــــــــ اي
ميرا ـــــــــــــ راجس
راجس ـــــــــــــ هم
ميرا ـــــــــــــ ليش دمعا عيونك عالعشى
راجس ـــــــــــــ شعليج
ميرا ـــــــــــــ راجس
راجس ـــــــــــــ هم
ميرا ـــــــــــــ اني
راجس ـــــــــــــ انتي شنو
ميرا ـــــــــــــ مادري احس تجاهك بشي
راجس ـــــــــــــ شنو
ميرا ـــــــــــــ ابتسمت ونزلت راسي
راجس ـــــــــــــ هالتحسين بمشاعر تجاهه بس اتجيبين يكتلج بأيده
ميرا ـــــــــــــ ابتسمت بدموع،،،،،، عادي المهم طفلتي تعيش يمكن اني عمري راح ربعه اما البنيه جدامها عمر طويل
راجس ـــــــــــــ ميرا
ميرا ـــــــــــــ حضني،،،، احيانا احسك تحبني
راجس ـــــــــــــ لا
ميرا ـــــــــــــ راجس
راجس ـــــــــــــ هم
ميرا ـــــــــــــ امانه عليك طفلتي تعيش بسعاده
راجس ـــــــــــــ اي
ميرا ـــــــــــــ عادي نروح نشتري ملابس
راجس ـــــــــــــ اي
ميرا ـــــــــــــ اي
راجس ـــــــــــــ شمدريج بنيه
ميرا ـــــــــــــ بالحلم لن انطوني حجاب وضحكت گلتلهم شصغروته هالحجاب گالو لطفله
راجس ـــــــــــــ ها ماشي
ميرا ـــــــــــــ انام
راجس ـــــــــــــ اي اغفي
ميرا ـــــــــــــ نمنه گعدت الصبح بعدته عني نايم عليه و خانگ الطفله
راجس ـــــــــــــ شبيج
ميرا ـــــــــــــ صباح الخير
راجس ـــــــــــــ الله لا يصبحج خل ننخمد
ميرا ـــــــــــــ اسفه
