نيران المهيب

"بارت 3"

اسفه ؏ تأخير ماعندي وقت محدد انزللكم بارت شوكت ميصير عندي وقت انزللكم

البارحة تمنيتك وماچيتني؟
ومثل كل ليله أنتضر خليتني
انه وصورك كعدنه بتالي الليل
وعاتبتهن لحد ما بچيتني .
____________________

جلنار:- نصدمت امي ليش هيج تحجي؟ بعدين عرفت زوجها مقنعها وهي تسمع كلامه بكلشي وحتى مكالت ليش بنتي نتحرت وهيج راحت بنيه بعز شبابها جان عمرها 22 جان تخرجها السبت وهيه توفت الجمعهه،

بعد ما الفاتحـهه خلصت 3 ايام

احمد :- لچ اسمهان ليش مكايله ؏ سالفه المحقق الاجهه واني سمعت من الجيراننن

اسمهان :- كاعده بلكاع وشاده راسي /احنا بيا حال وشتريد نكول للعالم بنتنهه نتحرت؟

احمد :- اوف منچ يامره اوف محد ساس البله غير هاذ زوجها

جلنار :- يابه هوه وينه اخذت ترف وبعد مأجهه ندكت الباب، راح ابويـه يفتحها،

سامر :- السلام عليكم عمي شلونكم | بصوت مبحوح وعيونه حمر شايل ترف

احمد :- وعليگم السلام  يمه هلا بترف جيبها شكد مشتاقلج يبووويههه افييييش

سامر :- عمي ماعرف شكللكم بس راح اخذ ترف يمي شهر ورا الاربعين اجيبها

احمد :- قبل متحجي احنا لهسه مفاتحين موضوع وسن  شنو وليش صار هيج ولو هيه راحت بعد

اسمهان :-  كااااافي كاااافي محد يحس بنتي راحت مثل الورد وانتو هيج تحجون حسبي الله على الجان السبب

جلنار. :- مرت ايام عاديه كأبه وحزن ؏ فراك وسن وامي بين يوم ويوم تروح تزورها وابويه جان يتعارك وياها هواي لان تغطي ؏ سامر  ومتنطي بيه

يوم الاربعين الصبح الساعه 8:30

:- اجه سامر وجايب ترف ويا وغراضها

احمد :- يلا خلنروح حتى نلحك من نرجع نسوي ثواب

اسمهان :- وصلنه المقبره روحي فرفحت  رجت ؏ قبرها  يمه بنتي شمعه بيتي  صار اربعين يوم جوا التراب ليش ياعيني ليش خسرتي روحج منو يستاهل كلها عايشه وتاكل وتشرب محد خسر بس انتِ ليش هيج سويتي بيه مفرفح كلبي عليچ يمه بنيتي

جلنار :- امي تحجي وكلنا نبجي ونذكر سوالفها كعدت يم راسها اقرا قرأن

احمد :- بويه گسرتي ضهري بويه بعد مابيه حيل انه

سامر :-  بس دموع تنزل  وزكف ولانطق كلمه

احمد :-  يلا اسمهان امشينا كافي تأخرنا كافي تبجين موزين عليچ

اسمهان :- عوفوني يم بنتي هنا ابات 

جلنار :- شلت ترف ورحت للسياره انتضرهم كوا اجت امي جانت تعبانه لأبعد حدد وصلنا للبيت سوينا ثواب ووزعنا ؏ روح اختي طبيت غسلت الاماعين  وعزلت المطبخ ابويه الطبخ الاكل كله