گعدت اليوم الصبح مثل كل يوم عادي وبابا صاحني علمود اگعد اخواتي للمدرسه طبعاً راح اعرفكم على عائلتي المتواضعه احنه ثلاث بنات اختي الجيره اسمه نرجس اختي الثانيه اسمه زينب واني الثالثه اسمي رقيه وهسه گعدنه انحضر الريوگ ورحنه يم بابا صبحنه علي
نرجس صباح الخير بابا
ابو نرجس _صباح النور
زينب _ياله بنات اتأخرنه عن الدوام بسرعه كملو
رقيه_اي هسه جايه وانتِ شدعوه عليج عصبيه
زينب _حبي موعصبيه بس جاي اگول ياله
رقيه _عفته تحجي وحدها طبعاً اني صف ثالث متوسط
وزينب صف اول متوسط ونرجس بابا بطلها من المدرسه علمود تهتم بينه من توفت ماما وهسه كملنه راح اروح اني وزينب للمدرسه مشي
نرجس _راحن البنات للمدرسه وبابا طلع على شغله يشتغل عماله وبقيت وحدي بالبيت رحت غسلت الامواعين وبعدين اخذت ادوات التنظيف وبلشت انظف بالبيت بيتنه موكلش جبير يتكون من اربع غرف ومطبخ وحديقه فه كملته ورحت احضر بالغده
رقيه _وصلنه للمدرسه شفت صديقاتي سلمت عليهم اني من النوع التشتماعيه كلش دخلت للمدرسه
نرجس _كملت الغده وگعدت وحدي ضايجه بالبيت من بين صفناتي وتفكيري اجاني اشعار على جهازي من برنامج الفيس بوك من شخص اسمه علي وافقت على الطلب الصداقه سمعت الباب يندگ رحت فتحت الباب رجعن زينب ورقيه
زينب _رجعنه للبيت اني ورقيه مشي مثل كل مره وصلنه للبيت دكينه الباب ها نرجس خاتون افتحي الباب
رقيه _لقد عدنا ياقوم نرجس حبيبتي شطابخه للغده لان عصافير بطني ازقزق
نرجس _شوف الواگه هسه صرت حبيبتج وقت المصلحه تعرفيني
رقيه _ياعيني عند البطون تعمه العيون وتشتغل المصلحه
زينب _رحت غيرت ملابسي واجه بابا من الشغل وخلينه الغده وغسلت الامواعين ورحت على غرفتي اني واخواتي نام بيه قررت اگعد ادرس عندي باجر امتحان
أبو نرجس _ شفتج تسولفين وتضحكين انتِ والبنات بشارع إني كم مرة منعتج من هاي التصرفات انتِ ليش ماتسمعين الكلام تردين ابطلج من المدرسة
رقيه _ بابا على كيفك تره مصار شي مجرد صار موقف وضحكت وحتى محد موجود بالشارع
ابو نرجس _الضاهر اني ماعرفت اربي وهسه راح ارجع اربيج من جديد
نرجس _جنت گاعده ادرس بزينب وسمعنه بابا يصيح على رقيه وطلعنه شفناهم شبي
زينب _طلعت شفت بابا لازم الاحزام ويضرب برقيه لان ضحكت بالشارع ورجعت صرت گدامه مخليته يضربه بابا شدعوه عليك هيج عصبي
ابو نرجس _انتي حسابج عندي لا عبالج بس هيه تره انتي هم تتعاقبين
نرجس _بابا على كيفك بعد والله ميعيدوها عافنه وطلع من بعد ما اجا اتصال باوعت الرقيه ضامه نفسه بالزاويه وتبجي
رقيه حبيبتي على كيفج ويه نفسج
رقيه _من بعد ضرب بابا الي فقدت بالبجي گوه طلع صوتي نرجس عوفيني اريد اگعد وحدي صعدت بالسطح ابجي وحدي وعلى هيج اب قاسي كلش
YOU ARE READING
الاحلام الضائعة
Romanceماتخيلت الحياة تمشي بيه الى هذي المسافات وضيع احلامي وشبابي على شي ميسوه معقوله على خطأ بسيط اتعاقب كل هاي السنوات وتحمل ذنب موذنبي ولا اني ارتكبته معقوله اترك اهلي وناسي على شي ممسويته اني كنت احلم اصير شي كلش جبير بالمستقبل بس هيهات الضروف تتركنه...
