Uni
_________
"ဒီနေ့ ကျူရှင်ရှိသလား ဖေဖေ"
အပိုကိစ္စတွေ မမေးတတ်သော သမီး ဖြစ်သူ
ကြောင့် ဦးမောင်မောင် မှာ မျက်ခုံးပင်
ပင့်သွားရပါသည်။ မာယာ့ကြည့်တော့
အေးဆေးစွာ မနက်စာစားနေပြန်သည်
မသိရင်သူဘာမှ လုပ်မထားသည့် အမူအယာဖြင့်
"ဟုတ်တယ်ညနေကြ ဟိုကလေး လာမှာ"
"အင်း...တိမ်လွှာမြင့်မိုရ်"
"ဟုတ်တယ် "
ဖခင်ဖြစ်သူရဲ့ကားသံလေး ခြံထဲကနေ တရွေ့ရွေ့
ဝေးကွာသွားသည်ထိ မာယာ့ အသိစိတ်တို့
ကိုယ်ခန္ဓာဆီပြန်ရောက်မလာ
ခြံထဲက နှင်းဆီနီနီတွေဆီ သို့မဟုတ်
အိမ်နောက်ဖေးက စိန်ပန်းပင်ကြီးဆီ၌လား
ဒါမှမဟုတ်ရင်မနေ့ကမှ သိလိုက်ရတဲ့
တိမ်လွှာ မြင့်မိုရ်ဆိုတဲ့ ကလေးမလေး ဆီမှာလား
မာယာ နှုတ်ခမ်းတွေက မာယာ့ကို
ပြန်သစ္စာဖောက်ပါတယ် ။
နှင်းဆီနီနီလေးပန်ထားတဲ့ တစ်စုံတစ်ဦးကို
ပြန်မြင်ယောင်မိတော့ ထမင်းကြော်တွေ ဝါးနေရင်းက စိတ်လိုလက်ရ ပြုံးမိတာမျိုး
သူ့ နှုတ်ခမ်းတွေ ခုလို စိတ်လိုလက်ရ
မကွေး လာတာ နှစ်တွေလတွေကြာချီနေပါပြီ
အခုတော့ ကလေးမလေးတစ်ယောက်အတွက်နဲ့
မာယာမေ မပီသလိုက်တာ ကွယ်...
" မာယာ..! မာယာ ..ဟဲ့!"
"မေမေဟာ အမြဲအော်နေတာဘဲ ဒီမှာ မာယာ
မနက်စာစားနေတယ်လေ "
"ဖုန်းလာနေတယ်ရော့ "
မာယာ ကို မေမေက မျက်စောင်းထိုးကာ
ဖုန်းပေးရင်းဆောင့်အောင့်လို့ ထွက်သွားသည်။
မာယာ ဖုန်းကို ကြည့်တော့ အကိုထွန်းဆီကပင်
"ဟယ်လို အကိုထွန်း"
"မာယာပြောတဲ့ အရောင်မရဘူး မာယာ"
"အမျိုးအစားကရော "
"အမျိုးအစားကရတယ် အရောင်က
မာယာလိုချင်တာ မရဘူး"
မာယာက တိုးတိုးလေး သက်ပြင်းချတာကို
ထွန်းအောင်မြင်ကလေလှိုင်းထဲကနေ
ကြားဖြစ်အောင်ကြားလိုက်သေးတာ
သူလဲ တစ်မြို့လုံးနှံ့နေပြီ မာယာမှာတဲ့
အပြာ ပိတ်ပိတ်ခပ်မှိုင်းမှိုင်းကို
ဘယ်နေရာမှာမှ ရှာမရဘူး
မတတ်နိုင်တဲ့အဆုံး ဖုန်းဆက်လိုက်ရတာ
YOU ARE READING
ᴍᴀʀ ʏᴀʀ
Romanceတစ်ကယ်တော့ မာယာမေဆိုတာ နံ့သာမြိုင်မှာ ကျွန်မ မေတ္တာတွေ ပိုပျိုးခဲ့မိတဲ့ ပန်းလှလှလေး တစ်ပွင့်ရယ် #kyarnge
