الكاتبه ام عبيس السحاره
القصه للكاتبه ليال القمر
.................
عيناك بحرٌ تاهَت بهِ سفني
وتزعزت به ِنبضاتُ قلبي وانفاسي
أنا الذي لا يهزمني برقٌ ولا رعدٌ
أعينين متلألأة تهزمُ ثباتي؟
....................
بارت 35
ﺍﻧﺼﺪﻣﺖ ﺑﺪﺧﻮﻝ ﺳﺎﺭﺓ
ﺗﻨﻬﺪﺕ ﺑﺎﺭﺗﻴﺎﺡ ﻋﺒﺎﻟﻲ ﻗﺎﺳﻢ ﻳﻤﻪ ﻏﻴﺮ ﭼﺎﻥ ﺍﻧﻔﻀﺤﺖ
ﺑﺎﻭﻋﺘﻠﻲ ﻭﺍﺑﺘﺴﻤﺖ ﺑﺨﻔﺔ : ﺑﺤﺮ ﺷﻮ ﻛﻤﺘﻲ ﻣﻦ ﺍﻟﻐﺪﺓ ﻟﻴﺶ؟
ﻧﺰﻟﺖ ﺭﺍﺳﻲ ﻭﺗﻨﻬﺪﺕ : ﻫﻴﭻ ﺷﺒﻌﺖ ﻭﻣﺸﺘﻬﻴﺖ ﺑﻌﺪ
ﺳﺎﺭﺓ ﺑﺎﻫﺘﻤﺎﻡ : ﺍﻧﺘﻲ ﺿﺎﻳﺠﺔ ﻻﻥ ﺍﻟﺴﻴﺪ ﺣﻴﺴﺎﻓﺮ ﻣﻮ
ﺑﺎﻭﻋﺘﻠﻬﺔ ﻭﺍﻧﻲ ﻣﻦ ﺩﺍﺧﻠﻲ ﻣﻮﺍﻓﻘﺘﻬﺔ ﺍﺩﻋﺴﺖ ﻋﺪﻡ
ﺍﻟﻤﺒﺎﻟﻼﺓ : ﻻ ﻋﺎﺩﻱ ﻋﻨﺪﻱ ﻣﻬﺘﻤﻴﺖ ﻳﻌﻨﻲ
ﺳﺎﺭﺓ ﺑﺮﻓﻌﺔ ﺣﺎﺟﺐ : ﺍﻱ ﺻﺪﮔﺘﭻ ﻋﺒﺎﻟﺞ ﻣﺎﺩﺭﻱ
_ ﺍﻭﻭﻑ ﺳﺎﺭﺓ ﻣﺘﻔﻮﺗﭻ ﻓﺎﻳﺘﻪ
ﺳﺎﺭﺓ ﺑﻤﻜﺮ : ﺷﻌﺒﺎﻟﭻ ﻟﻌﺪ ﻋﻴﻨﻲ
_ ﺍﻭﻭﻑ ... ﺍﻟﻤﻬﻢ ﺷﻨﻮ ﺭﺍﻳﭻ ﺍﻧﻲ ﻭﻳﺎﭺ ﻧﺮﻭﺡ ﺑﺎﭼﺮ ﻟﻬﺬﺍ ﺍﻟﻤﺠﻤﻊ ﺍﻟﻘﺮﻳﺐ ﻣﻦ ﺍﻟﺒﻴﺖ
ﺳﺎﺭﺓ ﺑﺘﻔﻜﻴﺮ : ﺍﺷﻮﻑ ﺍﻟﺴﻴﺪ ﺍﻭﻝ ﻭﺍﮔﻮﻟﭻ ﺟﻮﺍﺑﻲ
_ ﺍﻭﻛﻲ
ﺛﺎﻧﻲ ﻳﻮﻡ ﻋﺼﺮﺍً ﺑﺎﻟﻤﺠﻤﻊ
ﺍﻓﺘﺮﻳﻨﻪ ﺍﻟﻤﺤﻼﺕ ﻭﺍﻧﻲ ﺿﺎﻳﺠﺔ ﺷﮕﺪ ﺣﺎﻭﻟﺖ ﺍﻃﻠﻊ ﻣﻦ ﺣﺎﻟﺘﻲ ﺍﻟﻜﺌﻴﺒﺔ ﺑﺲ ﻣﮕﺪﺭﺕ ﻟﻸﺳﻒ ﺭﺣﻨﻪ ﻟﻤﺤﻞ ﺍﻃﻔﺎﻝ ﻋﺠﺒﻨﻲ ﻣﻼﺑﺲ ﺍﻃﻔﺎﻝ ﻳﺨﺒﻠﻮﻥ ﺍﺑﺘﺴﻤﺖ ﻋﻠﻰ ﺍﻟﻘﻴﺎﺱ ﻭﺍﻟﺼﻐﺮ ﻣﺎﻟﺘﻬﻦ ﺍﻧﺘﺒﻬﺖ ﻟﺴﺎﺭﺓ ﺍﻟﻠﻲ ﻋﻴﻮﻧﻬﺔ ﺩﻣﻌﺖ ﻟﺰﻣﺘﻪ ﻣﻦ ﺍﻳﺪﻫﺔ ﻭﻃﻠﻌﺖ
_ ﺳﺎﺭﺓ ﻟﻴﺶ ﺗﺪﺧﻠﻴﻦ ﺍﺫﺍ ﻣﺘﺘﺤﻤﻠﻴﻦ
ﺳﺎﺭﺓ ﺑﺎﺭﺗﺒﺎﻙ : ﻻ ﻣﺎﻛﻮ ﺷﻲ ﺑﺲ ﺍﺭﻳﺪ ﺍﺗﻌﻮﺩ ﺍﺷﻮﻑ ﺍﻻﻃﻔﺎﻝ ﺣﺘﻪ ﺍﺗﺠﺎﻭﺯ ﺻﺪﻣﺘﻲ ﻭﺑﺲ
ﻭﺍﻓﻘﺘﻬﺔ ﺍﻟﺮﺃﻱ ﺑﺲ ﺧﻄﻴﺔ ﺑﺪﺍﺧﻠﻬﺔ ﺗﻨﻘﻬﺮ
ﺳﻤﻌﺖ ﺻﻮﺕ ﺗﻠﻔﻮﻧﻲ ﻳﺪﻭﮒ ﺑﺎﻭﻋﺖ ﻟﮕﻴﺖ * ﻗﺎﺳﻢ *
ﺟﺎﻭﺑﺖ _ ﺍﻟﻮ ﻫﻠﻮ ﺳﻴﺪ
ﻗﺎﺳﻢ ﺑﺼﺮﺍﻣﻪ : ﺑﺤﺎﺭ ﺍﻧﺘﻲ ﻭﻳﻦ؟
_ ﺑﺎﻟﻤﺠﻤﻊ ﻟﻴﺶ؟
ﻗﺎﺳﻢ ﺑﺠﺪﻳﺔ : ﺍﻧﻲ ﺳﻤﺤﺘﻠﭻ ﺗﻄﻠﻌﻴﻦ ؟ ﻻ ، ﺷﻠﻮﻥ ﺗﻄﻠﻌﻴﻦ ﺑﺪﻭﻥ ﺍﺫﻧﻲ !!!! ﻋﺸﺮ ﺩﻗﺎﻳﻖ ﻭﺍﻟﮕﺎﭺ ﮔﺒﺎﻟﻲ ﻣﺰﺭﻭﻋﺔ ﺑﺎﻟﺒﻴﺖ .
ﺳﺪ ﺍﻟﺨﻂ ﺑﻮﺟﻬﻲ ﻭﺍﻧﻲ ﻣﺘﺼﻨﻤﻪ ﺑﻤﻜﺎﻧﻲ ﺍﻭﻛﻲ ﺍﻋﺘﺮﻑ ﻏﻠﻄﺖ ﻻﻥ ﻣﮕﺘﻠﺔ
ﺯﻓﺮﺕ ﺑﻀﻴﻖ ﻭﺑﺎﻭﻋﺖ ﻟﺴﺎﺭﺓ ﺍﻟﻠﻲ ﺗﺨﺘﺎﺭ ﻣﻼﺑﺲ ﻟﺒﺘﻬﺔ ﻧﻮﺭ
YOU ARE READING
غرغت في زراقة عينيكِ
Romance"وأجملهُنَّ إن #ضحِكَت وأتقاهُنَّ يا ربي لها عينانِ جلَّ الله كيف لعِبنَّ في قلبي؟"
