ဘုရားငါးဆူမှပြန်လာသည့်နောက်နေ့မှစ၍ ထွေးမောင်နှင့်ဇေအံ့ညီတို့ မဆုံဖြစ်ကြတော့ချေ။
ကောင်းခန့်နှင့်မေအံ့ပန်းချီတို့က စကားစမြည်ပြောရန်လာခေါ်သော်လည်း
ရင်ကြပ်နေလို့ နေမကောင်းလို့ဟူသည့်
အကြောင်းပြချက်ဖြင့်ထွေးမောင်က
မလိုက်ပေ။ဇေအံ့ညီမှာလည်း ထိုနောက်နေ့မှစ၍
ရန်ကုန်မှအတွင်းရေးမှူးပို့လိုက်သည့်
အရေးအလွန်ကြီးသည့်အလုပ်fileများကို laptopတစ်လုံးဖြင့် လုပ်နေရသည်မှာ
ထမင်းစားချိန်အိပ်ချိန်မှလွဲ၍ ကျန်သည့်
အချိန်တွေမှာ အနားမရှိ မအားလပ်နိုင်လောက်အောင်ပင်ဖြစ်သည်။
သူတို့လုံးဝမတွေ့ဖြစ်သည်မှာ ယနေ့ဆိုလျှင်သုံးရက်ခန့်ရှိနေပြီဖြစ်သည်။"မောင်ထွေးရေ .. လက်ဆေးရေဆင်းခပ်ထား
ပေးဦးနော်။ မမကြီး ရေနွေးဆူတာစောင့်ပြီးလက်ဖက်ခြောက်ခပ်ချင်လို့""အလတ်ကလေးက ဘာလုပ်နေလဲ။"
မမကြီးအသံနှင့် ရှေ့ဆင့်နောက်ဆင့် ကိုလေးအသံကထွက်ပေါ်လာသည်။
" အလတ်မက နောက်ဖေးမှာ အတို့ခူးနေတယ်ဟဲ့။ လက်ဆေးရေလေးခပ်ခိုင်းတာပါဟယ်။ဝင်းနိုင်ဦးတို့ပိုကဲလာရင်လည်း
နှစ်ယောက်မရှိတော့ဘူးဟေ့"
ရေနွေးအိုးထဲမှ ရေနွေးပူကို ဓာတ်ဘူးထဲသို့
ငှဲ့နေရင်းမှ အသံကျယ်ကျယ်ဖြင့် မမကြီးက မဲ့ကာရွဲ့ကာပြောသည်။" ပိုတာမဟုတ်ပါဘူးမမကြီးရဲ့။
မောင်ထွေးကအရင်ရက်က ရင်ကြပ်နေတာ
ရေတောင်ခုနေ့မှပြန်ချိုးတာကို ရေထပ်ထိရင် အအေးပြန်မိမှာစိုးတာဗျ။"" ကဲသမှဝင်းနိုင်ဦးရယ်။"
မမကြီးကထိုမျှသာထပ်ဟစ်ပြီး အသံငြိမ်သွားသည်။ မီးဖိုထဲမှာတစ်ယောက်ထဲ ပွစိပွစိရေရွတ်ရင်း ကိုလေးကို ပြောဆိုနေမည်မှာလည်း မလွဲဧကန်ပင်။
မမကြီးနှင့်ကိုလေးက သူနှင့်ပတ်သက်တိုင်းအမြဲထိုသို့ပင်။ တစ်ယောက်ခိုင်းလျှင်တစ်ယောက်ကမကြိုက်၊တစ်ယောက်ဆူလျှင်
တစ်ယောက်ကမကြိုက်နှင့် သူတို့
နှစ်ယောက်မျက်နှာခဏဆုံသည်နှင့်
မမကြီး၏ အသံကျယ်ကျယ်ကိုကြားသိ
ရလေသည်။
YOU ARE READING
ထွေးမောင်ဟာသိပ်ကိုချစ်စရာကောင်းသည်(Ongoing)
Romanceမေတ္တာတရားတွေထပ်တူကျသွားတဲ့အခါ ချစ်ခြင်းမေတ္တာဟာ ပျော်ပျော်ရွှင်ရွှင်ကြည်ကြည်လင်လင် ... ေမတၱာတရားေတြထပ္တူက်သြားတဲ့အခါ ခ်စ္ျခင္းေမတၱာဟာ ေပ်ာ္ေပ်ာ္႐ႊင္႐ႊင္ၾကည္ၾကည္လင္လင္ ...