مورفين

خوف

مساء الحب حلوياتي ..

اعتذر منكم عن التأخير شوي بس رجعت متأخر للبيت

و بما أني تأخرت عليكم ف زدت البارت شوي ف صار عبارة عن بارتين

مع بعض ف قراءة ممتعة لكم ..

ـ

" جاور من إذا ما استوطنك الخوف آمن خوفك و اطمئن " 

ـ

مُهاب غمض عيونه و بعد يده بقوة عن راغد و بانت العصبية على تعابير

وجهه و تكلم بصوت حاد ..

مُهاب : لا تتكلم معاي بتهديد أو بألغاز .. مُكرهًا أنا قبلت بعرضك

هذا .. بتقول لي أنت مين أو من طرف مين أو لا تنتظر مني أحل أحجيتك لأن

اللي شاغلني في حياتي أكثر بكثير بأني ازيد هم ع همومي .. 

راغد وهو يتأمل أنفعال مُهاب : لو بقول لك أنا مين يعني أني مهدت لك

طريق تبرر أو تلاقي أعذار .. مصيرك بتعرفني .. و أنزل الحين

شرطي أنك تشتغل بعد دوامك و هاليومين ويكند لذا

جهز أغراضك ابتداءًا من الأحد ..

مُهاب التفت للشارع .. مكان بعيد بوقت متأخر و يمكن يلقى له

سيارة ترجعه البيت أو لا بس مع ذلك نزل وسكر باب سيارة

راغد بقوة و تحرك من ورى السيارة يمشي و عاطي ظهره لها ..

راغد تسند ع الكرسي وهو يطالع في مراية السيارة لهيئة مُهاب وهو يمضي

بعيد لين اختفى من عينه لأنه صعد الرصيف و توجه للجهة الثانية بين المباني ..

مُهاب بعد ما حس أنه بعد مسافة كبيرة و التفت كذا مرة أخذ نفس و حط يده

جهة قلبه ..

يدق بقوة ..

بغض النظر عن اللي سواه أبوه هذا ميين !

من بد السوء كله اللي عاشه ويعيشه آخر

شي توقعه يجي واحد مجنون يسوي فيه هالأمور في ظرف أقل

من شهر .. ما يعرفه و يبصم بأصابعه العشرة أنه ما شافه من قبل أو أحتك فيه..