غزالة المهيب

بارت 11

مساء الخير 🌺🖤

الكاتبه.... سمأ
S_m_A11

غزالة---المهيب

لا تنسون التعليق الي بين الفقرات

♕_____________________________♕

:-كملت شغلي ورحت لغرفتي جاي انضف بيه والدموع تتسابق على خدي اندك الباب ركضت فتحت الباب بلهفه طلع ايهاب وحضنته

ايهاب.....ولجججج شبيجج ليش تبجين

ايثار..... ايهاب يردون ينطوني غصب ايهاي كلي شسوي تعبت

ايهاب..... وعيونج حاگيتهم اكثر من مره حته البارحه بل مستشفى تعاركت وي ابوي كتله مو بكيفكم تنطوه بعد لتلحون عليه وهسه ابوي ميحاجيني

:-اخذني كعدني على الجربايه وخله راسي على رجله ويمسح على شعري ودموعي تزل على رجله

ايهاب...... ولجججج كافي والله فطرتي كلبي ايثار الله يخليج لا تبجين ولا تخافين انه وياج وصيت ماهر عليج كلي والله اخليه بعيوني
:-ايثار لا اسكتين احگيلج شي

ايثار... شحگي ايهاب شحگي هوه ضل كلام اكوله

:-ضلينه ثنينه ساكتين بس ايد ايهاب تتخلخل بشعري اندك الباب ودخل ايثم

ايثم.... انتوا هناه وولككمممم العالم جوه تسأل عليكم
ايهاب.... شكو
ايثم.... اعمامي يسألون على ايثار
ايثار... هسه جايه

:-ايهاب نزل وي ايثم واني دخلت سبحت ونشفت شعري ولفيته ونزلت كل اقاربنه عدنه كلهم مجمعين يسولفون من دخلت كله بقت دحگ عليه حسيت بتوتر

ايثار... السلام عليكم
:-وعليكم السلام هلا ببنيتنه
ايثار... وبيكم اكثر عيني

:-رحت وسلمت عليهم واحد واحد احس فكي صار بيه عوج من كد المباوس

سنان... هلا بنت خالتي
ايثار... هلا بيك سنان شونك
سنان... بخير عيني شونه الدوام وياج
ايثار.... حلو وملل بنفس الوقت
سنان...كل التوفيق الج يارب
ايثار... للجميع يارب

:-ادحگ على زيد يريد يكوم يسحل سنان سحل دحگت عليه صفح وابتسمت حته احرك كلبه

ابو زيد... بويه ايثار
ايثار... ها عمو
ابو زيد... بويه انتِ مواقفه على زواجج من زيد

:-دحگت عليه وابتسمت مجامله وهزيت راسي بقبول كامت ام زيد من يمهه وضلت تهلهل والفرحه مبينه بوجوهم عفتهم ورحت للمطبخ كعدتت ولميت رجليه على صدري اجه ايهاب كعد كدامي

ايهاب....ايثار حاگيني انتِ رايده الولد من ذاتج لو انجبرتي
ايثار....انجبرت
ايهاب....سهله

:-طلع ايهاب واني اسمع كل حگيهم

ايهاب... العفو منك عمي اريد اسأل سؤال
ابو زيد... يي بويه اسأل
ايهاب....عمي تكدر تاخذ بنيه مجبوره لابنك
ابو زيد... اكيد لا البنيه شنو ذنبه اذا ما جانت رايده الولد
ايهاب.... عمي اني جداً اعتذر على الكلام الي راح اكوله بس ايثار مجبوره وما رايده زيد