Unicode
ချင်ရွှိုက်မြို့ ဆိပ်ကမ်းမှာ သင်္ဘော အဝင်အထွက်တွေနဲ့ အမြဲတစေ အလုပ်ရှုပ်လို့နေသည်။ ကုန်သည်သင်္ဘောတွေက ထွက်ခွာသွားလိုက် ခရီးသည်သင်္ဘောတွေက ဆိုက်ကပ်လာလိုက်နှင့်ပင်။
ချင်ရွှိုက်မြို့က အကောင်းဆုံးထောက်ပံ့ရေးစခန်းတစ်ခု ဖြစ်လေသည်။ ဒေသက သေးငယ်ပြီး လူသိပ်မများပေ။ များသောအားဖြင့် လူတွေက ဒီမှာ သိပ်ကြာကြာမနေတတ်ကြပေ။ စားစရာ သောက်စရာ အနားယူစရာ နေရာတစ်ခုသာ သတ်မှတ်ခဲ့ကြတာဖြစ်သည်။
သို့သော်ငြား တဖြည်းဖြည်း ကျုံးဇစ်ချီနဲ့ ကျောက်ကျန်းအန်းတို့ရဲ့ လုပ်ငန်းက ကြီးမားလာပြီး ကြီးပွားချမ်းသာလာတာနဲ့အမျှ ဒီနေရာကိုရောက်လာတဲ့ ကုန်သည်အများစုကလည်း ထိုအကြောင်းကို ကြားသိလာကြသည်။ ချင်ရွှိုက်မြို့က လူတွေကို အထပ်ထပ်စားချင်စိတ်ဖြစ်စေတဲ့ အထူးအရသာရှိတဲ့ အစားအစာအချို့ကို ထုတ်လုပ်နေကြောင်း ကြားသိရလေသည်။
ထို့ကြောင့်ပင် ကုန်သည်သင်္ဘောအများအပြားက ချင်ရွှိုက်မြို့မှာ ရပ်ဖို့ ရွေးချယ်ခဲ့ကြသည်။ သူတို့က 《 ထူးခြားတဲ့ အရသာ》စားသောက်ဆိုင်ကို မတွေ့ခင် ဝိုင်းပြီး မေးမြန်းကြသည်။ ထိုနေရာ၌ ထမင်းစားပြီးနောက် ထိုလူတွေက ဝမ်ကျိချန်းထံ ချဉ်းကပ်ကြပြန်ကာ လမ်းမှာစားဖို့အတွက် ဂျုံချောင်းကြော်နဲ့ မုန့်ကြိုးလိမ်ကြော်တို့ကို ရောင်းချပေးစေလို၏။
သဘာဝကျကျပင် ဝမ်ကျိချန်းကလည်း စီးပွားရေးဆိုင်ရာ အခွငိ့အလမ်းတွေကို ငြင်းပယ်မှာမဟုတ်ပေ။
ကုန်သည်တစ်ယောက်က အရသာရှိတယ်လို့ ပြောပါက ထိုစကားက အရပ်ရပ်ကို ပြန့်သွားလိမ့်မည်ပင်။ ကုန်သည်တစ်ဦးကနေ အခြားကုန်သည်တွေဆီ ကြော်ငြာပေးတဲ့ စကားတွေကနေတစ်ဆင့် မကြာခင်မှာပင် ကမ်းနားကို ရောက်ရှိလာတဲ့ ကုန်သည်သင်္ဘောတွေက အစားအသောက် အသုတ်လိုက်ကြီးကို ဝယ်ဖို့ထိုနေရာကနေ တစ်ဆင့် ဝမ်ကျိချန်းဆီ သွားကြလေသည်။
ဤနည်းဖြင့် ချင်ရွှိုက်မြို့က ပိုမိုအသက်ဝင်လာခဲ့သည်။ ဖြတ်သွားတဲ့ ကုန်သည်သင်္ဘောတွေအားလုံးက ၎င်းတို့နဲ့အတူ ယူဆောင်သွားဖို့အတွက် အစားအစာတစ်သုတ်ဝယ်ဖို့ 《 ထူးခြားတဲ့ အရသာ》သို့မဟုတ် ဝမ်ကျိချန်းရဲ့နေရာကို သွားကြမည်ဖြစ်သည်။
ESTÁS LEYENDO
အရူးခင်ပွန်းနှင့် တူယှဥ်စုံတွဲနေထိုင်ခြင်း |Completed|
RomanceTitle - Accompany by a Fool To Do Farming [种田之傻傻相陪] Author(s) - 锦绣云燃 English Translator - LittleYen Status in COO - 90 chapters (completed) Type - Web Novel (CN) Genre - Romance Slice of Life Yaoi Tags - Absent Parents Ancient China Arranged Marriag...