(بدون تعريفات)
ام فايزة:فايزة قومي جعلتس بسم خالتس وعياله جايين قومي نظفي البيت
فايزة:يايمه ساعة كذا واقوم
ام فايزة بصراخ وعصبية:فايزة ! قومي مابقى شيء ويخلص اذان الفجر صلي وسوي اللي قلت لك عليه! ترا انتي بتطبخين اليوم انا بجلس مع خالتس ارجع واشوفك مو مرتبة المكان بتشوفين شيء ماهو زين وطلعت
فايزة:قامت تتروش وتسوي كل اللي قالته امها
اخت فايزة فوز:فايزة مين اللي جاي؟
فايزة:خالي خالد وعياله وزوجته بيقعدون عندنا يقولون مشتاقين لديرة
فوز:تخيلي تتزوجين ولدهم احس سفرتهم وراها شيء يمكن يخطبونك لصالح ذاك المشهور اللاعب
فايزة:عقدت حواجبها وقالت مشهور؟ اول مره ادري انه عندهم ولد ولاعب كمان
فوز:لآنك عايشة تحت صخرة مايهمك الموضوع ولا تعرفينهم لاني اعرفك مو جوك الاشياء اللي كذا
فايزة:الصراحة ماحب مدري ليه احس انه جو مراهقات
فوز:مراهقات؟ شوفي الولد كيف حلو وانتي تقولين مراهقات شوضعك حددي
فايزة:الحين تجي امي صح؟
فوز:معليك من امي شرايك نطلع نسوي شاهي ونطلع برا هنا في الجلسة ونسولف الجو يازينه برا
فايزة:تمام ماعندي مشكلة الحين اخوانك يجون وامي وابوي بطلع الفطور وانتي جيبي الترمس حق الشاهي والقهوة والحليب والحقيني برا بدال فلسفتك
فوز:ابشري ماطلبتي شيء
سعود:فايزة وراك ماسويتي مكرونة؟
فايزة:ناظرته وقالت هالصبح وتبي مكرونة!! بسويلك في العشاء كل من النعمة لا اعطيك كف الحين
سعد:فايزة تكفين مكرونة فيها بطاطس
فايزة:فاضية لك انا !
حمد:وراه ماتسد حلقك انت وياه
سعد:ابشر يالوالد
ام فايزة:دقت على خالد
خالد:سمي يا ام فايزة
ام فايزة:خالد وينكم طولتوا ليكون ضعتوا بالديرة تحسبونها الرياض وضحكت
خالد:ضحك وقال لا لا قريبين من البيت
ام فايزة:اذا جيتوا فايزة بتفتح لكن الباب
