تملكتها بجبروتي

بارت 2

ثاني يوم دزيت واحد يعرفلي كلشي عليها

رومان: شوف همام تجيبلي شكو شي يخصها فهمت؟ ابوها امها عمرها يا صف كلشي تجيب يلا اخوي انتضرك

همام: صار ضلعي بس ليش تريد تعرف عنها وغمز

رومان: همام ولي منا وروح سوي مثل ماكتلك

همام: نَعم صوته... شبيكك حبيبي ليش هيج تعاملني

رومان: تروح لو اكوملك

همام: رايح رايح ماتتحاجه

وراح همام واني بقيت اشتغل....

_____________
كاعده بالغرفه نزلت جوه للان ضجت سمعت ابوي يكول لامي

سعد (ابو دارين): تدرين ابن.... ذاك اليوم شفته ماعرفته بس ابو كمال(صديقه) كال هذا ابن....

نورس (ام دارين): اكلك خاف يعرفك وتصير مشكله

فتت كلت: ها شدتسوون

سعد: ها بابا كاعدين

وجوه اهلي ارتبكت شكيت اكو شي اني ماعرفه بس غلست كعدت شويه وصعدت شنو الشي اللي ميريدوني اسمعه وليش يلا شعليه اني طلعت الكتب وبقيت اقره صار الليل وعلي ماكو خفنا علي حيل نتصل وميرد

نورس: يمه حبيبي وليدي وين راح شوف سعد اموت اذا صار علي شي والله اموت

سعد: كولي يا الله يامرة وين يروح ويه جماعته اكيد

خفت ع اخويه حيل وين راح يعني كلبي نغزني علي حسيت اكو شي صاير صارت ب12 بالليل وهوَ ماكو اتصل علينه

سعد: هذا اتصل مابي شي اصبرن

مجهول: سلام عليكم عمي صاحب هذا التليفون مسوي حادث ونقلنا للمستشفى....

ابويه وجها صار اصفر اخذ سويج السياره وراح بسرعه بدون ميحجي امي ضلت تبجي واني حرت شسوي بقيت مكابله امي وابجي اتصل ابوي

سعد: بابا دارين اخوج توفه كولي لامج

جنت فاتحه مايك سمعت امي وكعت من طولها وكامت تلطم يمه ابني حبيبي ماشفت من الدنيا شي اني نهاريت بقيت الطم ع وجهي اجه جيرانه كال انطوني المستمسكات مال علي رحت جبتهن وانطيتهن اله كتله بداعة كل عزيز ع كلبك خلي نروح وياك

: للا خيتي مستعجل هسه نكمل الاجرائات ونجيبه

بقينه ننتضر للصبح يلا جابو ولمتن النسوان ينعن ويخلني انهار بالزايد رحت للتابوت

دارين: خويه حبيبي انتَ مو كتلي اني سندج؟يهون عليك تعوفني شوف حته ماما تريدك ليش تروح للا حبيبي ادري بيك متسويها تتشاقه ويايه يلا كوم بطل مقالبك تره هذا المقلب مو حلو خويه ليش ماترد والله مو حلوه عليك هايه النومه ابو طول الحلو جاوبني..... سحبوني منه واني اصرخ وادفع بيهن بقيت حاضنه التابوت وامي تحجي ويا

نورس: يمه وليدي حبيبي غير انت عافيتي شلون تعوف امك كلبها يلوب عليك مايهون عليك ادري هسه تكعد مابيك شي مو يمه؟ وليدي

اجو يشيلون التابوت لو روح ما ضلت بيه طلعت وراهم اركض واملخ بنفسي اخوي هذا جيبو وخرو منه كلشي مابي هسه يكوم

راحو وماخلونه نروح وياهم اني اغمى عليه مادري شصار بس من كعدت لكيت ابوي وامي يم راسي ابويه تعبان وحالته حاله لابس اسود وبي تراب مهدود حيلهم

سعد: ليش بابا هيج تسوين واحنا مشلوع كلبنا ع اخوج

امي ماحجت بس صافنه عالشباك مرت ايام الفاتحه واني ماطلعت بقيت بالغرفه وبس ابجي تكأبت حيل بفراكه جان اخو وسند وحبيب وصديق مامخليني محتاجه اي شي هيج بلحضه راح..........

_________________
كاعد بالبيت جاي اتعشه اتصل عليه همام

همام: جبتلك كلشي يخصها سديته منه .... حجالي كلشي وطلعت بنت سعد الكلب ضحكت ضحكه جانبيه اجه وقت الانتقام منك ياسعد النذل نمت وكعدت الصبح اتصل همام ياستار شكو من الصبح

همام: اكلك رومان توفه اخو البنيه وهسه العالم مكلوبه عليهم

رومان: حرامات ردت اني اكتله بس يلا ميخالف بعد عندي دارين مدري وين لاكين هذا الاسم بس هسه ماسوي شي للان بحالة صدمه خليها وره شهر اعرف شسوي بيهم اذا ما ذليتك ياسعد الكوا* وخليتك تبوس الايادي بسيطه.......

________________

الكاتبه زينـب الـ عادل