#كابووووس
الـحـلـقـة (5)
لـلـكـاتـبـة #Koka_Saleh
:::::::::::::::::::::::::::::::::::::::::::::::::::
كيف توقظ نفسك من كابوس وأنت تعلم أنك لستُ بنائم..!!
::::::::::::::::::::::::::::💛💛:::::::::::::::::::::::::::
منصور / لو هي اللي امعاك هذي ردبالك تحكيلها شيئ ماللي قلته لك لانها حتنكر كل شيئ انتي لازم اتأني وتصبري لعند تستوعبي اللي وريته لك واتفكري كويس شن بديري وكيف تصرفي
ماسة هزت براسها ومسحت ادموعها وحاولت اتبان عادية عشان مااتبين شيئ قدام حورية وطلعت شورها
ماسة / معقولة يكذب بس أنا شفت الصور بعيوني وحتى المحادثة اللي بينهم واللي حاكيين فيها علي زواجهم دزها ليا
مسكت تليفونها وقعدت اتفرج عالصور في محاولة منها إن يطلع الكلام كذب ولا يطلع أحمد وحورية خاينين
بس كل صورة اتشوفها وكل محادثة تقراها اتزيد تنهار
وهي تذكر فيكل لحظة جمعتها بيهم الاثنين
اكثر اثنين عطوها حب وحنان
أكثر اثنين وثقت فيهم وفي حبهم
واكثر شيئ يقهر الخيانة اللي اتكون مالانسان اللي حاسبتيه اقرب من روحك
الانسان اللي شاركتيه كل تفاصيل حياتك
اقرايتك ونجاحك وشغلك وفرحتك وحزنك
حتى في أسوأ حالاتك شافك
حورية اللي كانت امعاها في كل مرحلة عمرية من حياتها
حورية اللي معتبرتها اخت من رحم الدنيا
كان مايفصلش بينهن شيئ الا ساعات النوم في الليل
هي اللي اتجيها الطعنة منها
ومع اكثر شخص هي أكثر وحدة عارفة قد شنو ماسة حباته
وكيف تأثرت بموته هكي 💔
لا قادرة توستوعب ولا تفهم
كلام منصور في ذانها والصور قدام اعيونها ولحظاتهم امعاها قدام اعيونها
عاشت في دوامة أكبر من دوامة الحزن اللي كانت فيها 💔
/
/
(عند رؤية )
امطلعة شيتاتها وتقرا وفي وقت كانت الشقة فاضية
علي رنت تليفونها وطارت مالفرحة اول مالقاته فهد وردت دغري
رؤية / اهلين حبيبي
فهد / اهلين
رؤية بدلع/ مازلت زعلان
فهد / وشن رايك يعني بينا موعد ولنا اشهور متفقين عليه ونرجى في جيتك هنا عشان انتلاقو ولما اتجي اتغيري رايك واتفوتيني
رؤية بزعل / والله غصب عني
فهد / باهي انا بنعرف توا شنو اللي خلاك اتغيري الاتفاق
رؤية / موضوع هكي صار ماكنتش متوقعته
فهد / شكله فيه حد اخرى وهو اللي جاك اليوم
أنت تقرأ
كابووووس
Mystery / Thriller(في قاعة النوم الكبيرة هذه ، الكابوس هو الطريقة الوحيدة للوعي💔)
