حمامة الشهم ( مكتملة )

12...Part

فــاطمة الـزهراء ..🤍

حـــمامة الشـــهم..🕊️

حــب وعــذاب.....🤍

ريـــِحانٍــة 🌿

ffaa22_

شيلمنة !
بعَد كِلمن مَشة بدربة
واحد يضحك
و واحد وكف گلبة .

_______________________________

ما فكرت ابد شلون وصلني وشلون عرف بيه هنا المهم جلبت بي استحمي بي لزم ايدي الي لازمه قميصه وكال بحدة

_ شكووو

_ يريد يكتلني

ضل خازرني حيل واني مجلبه بي مغلسه صرخ سرمد _ بنت ال*** مستهتره تعالييي

باوع علي شهم وانطاني ليث حضنت ليث حيل اباوعلهم _

شهم _ ها حبيبي خيرك اشو تنطنط ؟

سرمد _ وانته شكوو ولي من وجهيي لا تدخل

ضحك شهم وحك خشمه _ اولي من وجهك ؟

سرمد _ ايي ولا تدخل انته منوو

جي يريد يلزمني وخرت اصيح _ وخرر عنيي

لزم شهم ايده ولوها صحت _ اي اي شهم اكتله اكتله

دفعه شهم خلاه يوكع على وجهه ضحكت حيل واحجي _ حيييل

شهم _ دعبل ابني مو مال اتعارك وياك

طلعت بتول وكل واحد من بيته على العياط ..

سرمد كامل معصب يريد يضرب شهم هه شهم البعير سرمد اليابس يضربه هوه جي عليه محضر ايده شهم لزكه بدفره على بطنه ..

صار مضحكه كل ما يكوم يضربه واني ميته ضحك متشمته بي عود ماخذ خاوة على القرية كلها ياهو الي يجي يكتله وهسه شهم سواه مضحكه

اخر شي جي عمي وعمتي يعيطون ولزموه واكع بالكاع

عمي _ الله لا يوفقكككك شلكك بيي

شهم _ ابنك راح ينسجن وفقأ للقانون العراقي مادة ( 413 ) بالسجن لمدة سنه ودفع غرامه

لطمت عمتي على صدرها _ يمه يمه ابني شمسوي انته ياهو شعليك

شهم _ شهم مازن محمد ضابط مقدم يشعل ابوك وابو الخلفك زيييين

عمي _ شنو شمسويي بكيفك هيهه

باوعلي _ ضربج مو

هزيت راسي وكلت _ اي ايي والله نبت اصابعه بزندي ولو ما انهزم كاتلني

عمتي كامت تصيح علي _ واذاا ضربجج ك**** مو ابن عمجج غير يريد مصلحتجج هاذا منهوو جايبتهه عرفهه ورفهه

شهم _ وما تريدون اكلكم شنو عقوبه التطاول على ضابط مو

عمي بلع ريك وكال _ سامحنه اخر مره فدوة اروحلك ميعرف بعد ماله شغل لا بيك ولا بهاي بكل الاحوال متبرين منها