نيران

مشهد🎥

من يشبهك يا أمي لا دنيا تقارن بك ولا وطن يغني عنك فالعالم يحتاج قلوباً كطهر قلبكِ🤍

للكاتبة: نياࢪ محمد
يوزرنيم: Na_mh20

،،،،،،،،،،،،،،،،،،،،،،،،،،،،،،،،،،،،،،،،،،،،،

مشهد 1

♡بليل ودنيا كلش باردة تمنيت امي هنا موجودة تبهدلت بلا امي خواتي نايمات دير ماديري اخويا بقماط عمره شهرين
يمه مشتاقة الحنانج يمه موتج كبرني سنين يمه اني نيران
يمه عفتيلي مسؤلية ورحتي الدار حقج يمه رديلي يمه خليني
اني وخواتي تحت جناحج ...♡

نيران: انا نيران ماكو صلة بين اسمي وشخصيتي بنت كبرت
بين احضان ام حنونة يوم من ايام جانت الفرحة تارسا بيتنا امي كاعدة تسوي «نمنم» اسورات وبيها من هاي
العين الزركة سوت لثلاث نيران؛ سمر؛ سحر امي كالت كلمة من لبستني هذا السوار وعبالك اشارة الي....

ام نيران: اذا ضيعتي وحدة من خواتج راح تلكيهم بهاي السورات بس ديري بالج تخليهم ينزعوهم...

نيران: ماما لاتحجين هيج خومة راح نفترق

ام نيران: ببتسامة؛ الله لافرقنا عن بعض الموت حق علينا يلا جيبي غراض اخوج راح يجي للدنيا

نيران: صار...

ــــــــــــــــــــــــــــــــــــــــــــــــــــــ
مشهد 2

بمكان اخر♡

شيخ سلمان: يا تاخذون حقكم منه ياا تزينون شواربكم ولكم الكاع مال حفادي ولد سلام

سلام: يابه خلي تروح الكاع اهم شي ولدي ما بيهم شي وطلعو سلامات منها

شيخ سلمان: شنهي يعني تتنازل عن حقك يا سلام والله اني اعرفك دومك بارد ما تاخذ بحجايتي اني ادز على رجالي

يدكونهم مثل مادكو احفادي يول جرير يا جرير

جرير: امر ياشيخ

شيخ سلمان: علم رجالي اليوم يدكون بيت يونس ابن فاطمة
اني ادريها ورى السالفة

سلام: يابه هذي حرمة وش دخلها بسوالف الزلم الله هداك
يابويا خلها السالفة تهدئ ونروح نتفاهم وياهم

شيخ سلمان: لا مايبرد كلبي الا واسمع صوت عياطهم بل ديره...

ـــــــــــــــــــــــــــــــــــــــــــــــــــــــــــــ
مشهد3

بــغدآد♡

عثمان: تكدر تنطيني كامل المعلومات عنهم وانته تطلع منها مثل الشعراية من العجين شتريد بعد

المتهم: صدك سيدي يعني ما انسجن؟

عثمان: افا عليك ما اسجنك يلا دليني بيهم واحد واحد