نيران

بارت 15

((مرات الانسان يعيش شعور فترة من عمره يسميها خليني بس اباوع حواليه وبس لا انطي رائي ولا اتدخل هيج يضل بس ساكت امام اي موجه او كلام او موقف يصير كدامه بس يباوع•• ومرات يبدا عند الانسان شعور اسمه اريد اشوف الحواليه شلو عايشين بلكي الكه ناس تشبهني تفهمني واعيش وياهم مطمئن اكو ناس مثلي الدنيا يمكن موقف تغيرك للاحسن او للسوءكلها تكون من اختيارك انته فا احرص على اختيار السليم •••))

للكاتبة: نياࢪ محمد
يوزرنيم: Na_mh20

•

••••••••••••••••••••••••••••••

يلا نيلش بارت جديد......

نيران: واكفة بلمطبخ على اقلي كبة وبطاطة للعشا دخل عثمان بتسلمي سلمت عليه الله يساعدك عثومي

عثمان: هلا بناري وين امي

نيران: جوه اليش

عثمان: حبوبتي تعبانه وتريدها

نيران: اسم الله شبيها حبوبتي

عثمان: مشه، مريضة

نيران: ركضت وراها اي وشبيها احجي وكفت يم الباب هو فات قبلي وعمتي سلمت عليه كللها يمه تروحين للبصرة

عمتي: ليش يمه

عثمان: الحجية تريدج مشتاقتلج

عمتي: يمه اذا زيارة نروح كلنا

نيران: عمه مو سمر امتحانات دور ثاني

عثمان: وينا زين دور الثاني المهم اذا تروحن كلجن كلولي لان اني هم خلصت واجب

عمتي: يلا يمه نروح جم يوم ونرجع

عثمان: خوش يلا طالع ارتاح

نيران: طلع واني طلعت وره تخصرت وكفت كدامه شنو ليش نروح كلنا تدري جدي شلون يسمعنا حجي عثمان خلينا هناا

عثمان: اي اخليج وحدج هنا واني اشد كرون اروح للبصرة

نيران: عثمان هيثم موجود يمنا

عثمان: لا كلنا نروح وكلنا نرجع احسن شي بويا

نيران: تعصبت منه وهو باسني من راسي وتبعد

عثمان: اسبح وانام لا طلعون صوت مفهوم

نيران: ماشي روح طلع ونزيت من كصرة سمر