📌# *رســـآلة مـــن مـجـهہول*
📌# *بقــلمـ : أمـ عــمـر*
««18»»
💌____________________💌
-مرة شهر وياسر ومودة علاقتهم حلوة وبيناتهم احترام متبادل 🤍
- اما بالنسبة للشخص المجهول، م̷ـــِْن المرة الفاتت و مودة م لقت منو رسالة واصلا هى شبه نستو، ♥️
- أما سام سافر للسعودية وقلبو محطم💔
- اما ميادة فكانت حامل فى الشهر التانى ♥️
-وبالنسبة لمرام فكانت بايتة مع ناس امها لانو موعد ولادتها قرب،، حتجيب الاسبوع الجاي "♥️
__________________
*فى بيت ناس وجدان*
وجدان : ياخى م معقولة شهر كامل بتفتشي فيها، بتاعين السحر ديل كتار م بقت عليها هي، دى لْـۆ م لقيتيها شوفي وحدة تانية
مزن (بت خالت وجدان) : هسسي انا جيتك عشان اقول ليكى انى اتحصلت على مكانها 😌💅
وجدان: احلفيي 😍😍😍معناها ورح نمش ليها الليلة
مزن وهى خاتة رجل فوق التانى: نمشي؟ هيي بري امشي براكى انا م ناقصنى مشاكل، حاوصف ليكى مكانها وانتى وقت ما عاوزة تمش امشي
وجدان فتحت دولابها اخدت ليها اسكيرت ضيق مع بلوزة قصيرة والطرحة فى الاكتاف
وجدان: جدااا بمشي براي المشكلة وين، يلا وصفي لي😈
مزن وصفت المكان لوجدان ووجدان ركبت ترحال واتحركت بدون علم امها
💌__________________💌
وجدان لما وصلت للمكان، لقتو مهجور وشكلو بيخوف وجدان رغم الخوف الفيها، لَـگِنْ الحقد والكراهية كانو سبب فى انها تتشجع وتدق الباب، لَـگِنْ قبل م تدقو،، الباب براهو فتح، واصدر صوت صرير مزعج ،، وجدان كانت حترجع بس استعاذت جواها ودخلت،
لما دخلت حست بهواء ساخن وبانو الجو كاتم لمن نفسها ضاق،
بس الغريبة انو البيت كان نضيف ومرتب ومنظرو حلو شديد، واثاثو فى قمة الحداثة ،، عكس الكانت متوقعاه ، وغير كدة البيت م̷ـــِْن برة منظرو قديم ونصو مهدم عكس جوا، !!
وجدان كانت حترجع لانو البيت ما كان فِيَھ حد،،فافتكرت انو مزن وصفت ليها وصف خطأ ، لَـگِنْ لما خلاص استدارت عشان ترجع، سمعت ليها صوت مرا عجوزة بتقول ليها "تعالي" وحقيقة الصوت كان بيخوف،،
وجدان قوت قلبها ومشت لمحل الصوت ، بس يا ريتها م مشت 💔 لما دخلت للغرفة الجا منها الصوت، لقت الغرفة دى عبارة عن كوشة 💔 بيجاى فيران ميتة وبيجاى جلود حيوانات لامة فِيَھ زباب وفى الحيطة معلقة راس كلب وراس كديس وفى نصهم معلقة صور لرموز شيطانية(والعياذ بالله) والغبار مليان فى الاركان اما الحشرات دى ففي كل مكان 💔 وجدان اشمئزت م̷ـــِْن المنظر شديد، شافت العجوز قاعدة فى النص لدا كلو.وقدامها طاولة مختوت فيها ورقة قديمة ومكتوب فِيَھ كلام بلغة م مفهومة، وفيه علامة زى النجمة ،،، وجدان شافتها بحيرة، العجوز ابتسمت ليها ابتسامة بشعة لدرجة بعيدة 💔
بعد لحظات م̷ـــِْن الصمت وجدان استجمعت شجاعتها وقالت: اا ااا السلام عل.. قصدى كيف حالك
العجوز رفعت عيونها الكانو حمر، وعدسات عيونها كان حجمها اكبر م̷ـــِْن الحجم الطبيعي. ودا الشئ الخوف وجدان، ، العجوز قالت ليها بصوتها الغليظ (سعر التفرقة.......)
وجدان اتصدمت صدمتين، الاولى هى انو هي كيف عرفت انها جاية لسحر تفرقة؟ والتانى انو السعر دا غـِْالي شديد وهى مستحيل بل م̷ـــِْن سابع المستحيلات حتقدر تجيبو
وجدان بعد فترة: اا انتى ع عع عرفتى مم مـِن و وين؟ :العجوز اكتفت بانها تبتسم ببشاعة
وجدان فى نفسها: ي ربي القروش دي انا اجيبها م̷ـــِْن وين 😥 م عندى طريقة غير انى اكذب عليها.واقول ليها انى حاديها القروش بعد فترة، وللوقت داك حتنسي 😈)
العجوز وهى بتهتز لورا وقدام وسرحانة، زي وكانو فى زول بيقول ليها فحاجة: هيهي ما تفكرى انك تكذبي علي القروش دي لْـۆ ما اندفعت ودعي حياتك !
وجدان م̷ـــِْن الخوف لمن عرقت، :ااا لااا لٱ ما م هناى، خلاص حادفعهم ،، للاسبوع الجاى حاسددهم ليكى
العجوز م ابدت اى رد فعل وكملت هزها وسرحانها
وجدان قالت ليها: عايزاهو يكرهها ويحبنى انا ويتحدى اى حد عشاني ويبقا لي زي الخاتم فى اصبعي ، بعداك طلعت م̷ـــِْن البيت الشؤم دا ورجعت للبيت وهى خايفة وفرحانة فنفس الوقت
__________________
يتبــع..
هل بتتوقعو انو السحر دا حيفرق مودة وياسر؟
وهل يا تري سام حيقدر ينسي مودة ؟
