( بيت بو سلطان )
كانوا العيال متيمعين فغرفة سلطان الي يباهم يطلعون عسب يكلم حبيبته و البنات و هادف حالفين يقعدون له .
هادف : انزين شو كنتوا ترمسون عنه انتي وياها مساعه ؟
عواش : هيه تعالوا عيال عمي راشد و بنات عمي سالم بيروحون دبي و نبى نروح وياهم امي وافقت دام انتوا بتكونون ويانا وجي .
دانوهه : بس تعالوا يعني بنروح نشتري حق شو ؟
سلطان : بسألكم سؤال انتوا الثلاثه ؟
كلهم : أسأل ؟
سلطان : غرفتي قاعة اجتماعات ؟
الكل : لااااا
سلطان : عيل ذلفوا و ترا انا بييي وياكم ها حسبوا حسابي .
الكل : انزين يلا باي .... وطلعوا
( بيت بوشامس تحديدا غرفة روان )
كانت تتشاور تدق ولا و لين اخر شي وصلت افكارها انها تدق ع عامر و ترمسه و كان قاعد وياها خليفه
خليفه : سستر I want to go to البقاله .
روان : خلوف شرايك ترمس عربي مدبلج لاني م افهم نص عربي و نص انجليزي و لا ارمس كويتي شرات امك
خليفه : اي عادي اروح البقاله
روان : انزين يا معود بس خبر امي
خليفة : ان شاء الله و نزل
اما روان قامت تبى تدق حق حد و اول م دقت سمعت صوت رجولي و و توهقت م عرفت شو تقول حاولت تجمع قوتها بس سمعته يقول .
الريال : السلام عليكم منو معاي
روان : وعليكم السلام معاي عمار ؟
الريال : هيه نعم عمار بغيتي شي اختيه !
روان : اممم عمار عندي موضوع و م ينفع اكلمك فيه ع الفون ف شو رايك باجر نتلاقى فالجيمي مول و نتفاهم .
عمار : و شو هالموضوع الي م شاء الله لازم نتلاقى عسب تقولينه
روان : شوف بتي باجر الساعه ٤:٣٠ العصر و بتعرف كل شي بس خلاص بتحصلني فستاربكس.
عمار : انزين بشوف الموضوع يلا مع السلامه .
روان : مع السلامه .... وسكرت .
.
عند ثنتين معروفات بصياعتهن طبعا كانوا كالعاده يالسين يتمشون بالسيارهه وشوي رن فون مهرهه و الاخت ميرهه عطول صدت و قصرت ع الاغاني واشرت لها ان ترد .
مهرهه بدلع ماصخ : هلا حبيبي عبودي
عبدالله حبيبها : عيون حبيبج و قلبههه و روحهههه
مهرهه : حبيبي انتههه وينن مسيوههه
عبدالله :موجود حبي بس انتي كنتي مسافره وانا كنت فالدوام بس شرايج تين اليوم مزرعتي و تقعدين وياي ؟