لاتنسون التصويت ومتابعة الحساب ورايكم بين الفقرات.حتى استمر🙇♀️ 🤍✨
_______________________________
ما اعرف وين انطي وِجهي
وكلشي يَمي ما اطيقة
و احسِد الدَم
الي بجسمي يمشي
ظَلمة بَس يندَل طريقة
________________________________يوم الثلاثاء 2023/2/28ليلاً
گاعدة العب وي ابني بوب بالالعاب الجدد واجه اتصال لتلفون امي
امي: السلام عليكمالمحامي: وعليكم السلام.
ام دجن حبيت انطيكم خبر موعدنه باجر عالساعه 8 الصبح حتى نبلش باول اجراءات الدعوة بمركز العنف الاسري حتى نبلش باجراءات الدعوة لأن تطول مثل ماكتلكم.امي: خير اللهم اجعله خير.. إن شاءلله نكون باجر على موعدنه موجودين
المحامي: إن شاءلله. مع السلامه
امي: الله وياك عيوني
باوعتلي امي وكلتلي: ماماتي دجن باجر يريدنه المحامي بال8 حتى نمشي باجراءات الدعوةدجن: ادري يمه امس دزلي رسالة يتأكد اذا بعدني متمسكه بهالخطوة لولا
امي: خير إن شاءلله
دجن: اول خطوة الي بمستقبل مجهول ماعرف شنو نهايته. الدعوة الي قررت ارفعها
5 سنوات انتظار وامل يحن النه ويرجعلنه بس خلص صبري وخابت امالي انو ممكن يحن الي او لابنه.
عقلي يگلي لازم تفكرين بمستقبلج ومستقبل ابنج. عيشو حياتكم وخليها تمشي مثل ماهو عايش حياته وماشية. برأيج انتو تجون على باله؟
يفكر بيكم؟
الليل كله مگدرت انامه التفكير اكلني والنوم هجرني
احس بضياع محتاجه احد يدليني طريقي. يلزم ايدي ويگلي هذا الصح وكملي بي حرت مابين عقلي وگلبيعقلي المعاند وصاير ضدي: هالخطوة صحيحه ولازم تخطيها حتى تاخذين حقج وحق ابنج. فكري بمستقبلج ومستقبل ابنج. انتي شنو منتظرة من شخص ماقدملج غير الخذلان والخيانه والغدر. باعج انتي وابنج برخص علمود ناس متسوى
الشخص الي رجعج لبيت اهلج بالخداع والحيلة ووياج طفل بعده قطعه حمره ماله ذنب بشي.
عافكم بالعراق بلا اوراق ولا مستمسك الكم. فكر بيكم؟ فكر اذا صار بيكم شي شلون بدون اثبات؟
فكر بالطفل الي يحتاج اب بحياته. وشلون يعيش؟
وگلبي الي يحاول يغير قراري: انتي تحبي. لتخطين هالخطوة.
حاولي ويا بعد مرة. انتي مستحيل تكرهي هو حبج الاول والاخير. هو الفتحتي عينج بحبه
اول تجربة واول شعور واول حياة الج
لاتخطين هالخطوة يبقى ابو ابنج
.. كسر صفنتي وتفكيري صوت المنبه. صار الوقت حتى اتحضر جان بوب نايم بحضني دنكت ابوسة وسحبت ايدي من جوا راسة وعدلت نومته وطلعت من الغرفة نزلت اخذ حمام ورجعت للغرفة ابدل ملابسي حتى انزل لان صارت الساعه 6 ونص.
ام دجن: دجن امي تعالي تريكي وي ابوجدجن: ماريد يوم مالي نفس للاكل
بديت احضر غراضي ولازم ارتب الجدول واخذ جنطتي وياي لان مناك واروح لمدرستي سويت الجدول واخذت جبة(عباية خليجية) ورتبتها وخليتها وي الكتب
رحت للمراية لبست حجابي وعدلت وجهي بالمكياج وخطيت الكحلة بعيوني حتى ميبين التعب على ملامحي من اروح للدوام ويبين شكلي عادي.
صار الوقت واتصل المحامي حتى يتأكد اذا خلصنه حتى نلتقي يم المركز وانطو خبر انو كملنه وطالعين
طلعنه من البيت اني واهلي. جانت المسافة بين البيت ومركز العنف الاسري 15 دقيقه بس صارت عبالك سنه من النار المسعرة بگلبي
هاي الربع ساعه تمنيت متخلص
داخلي احساس ميريدني اروح ولا اشتكي عليه شلون بيه وي گلبي!
حسيت ايد امي على ايديامي: دجن وين صافنه. وصلنه وابوج كمل حجي وي المحامي لازم ننزل. الكل منتظرج.
بيج شي امي؟
دجن: ابتسمت بوجهه ومسكت ايدها ونزلت كتلها مابية شي لا يظل بالجامي تعرفني ماريد اوصل ويا لهالنقطه وتدري بعدني احبه رغم دائماً اكلها كرهته بس چانت تدري مجرد كلام حتى اتناسى واحافظ على كرامتي وكبريائي
كم مرة چنت احاول ويا انو نحل الموضوع بيناتنه لخاطر الطفل البينه ونفكر بي بس من
جان يشوف محاولاتي حتى نرجع
يمسح بكرامتي الگاع ويكسر كل امل الي حتى نرجع سوه حتى لو لخاطر طفلي هو ميستحق اكول طفلنه وارجع منه مكسورة الخاطر واتندم لان حاولت اصلح بيناتنه ويحملني ذنب كلشي الى ان قطعت املي نرجع بيوم
ابني بدا يكبر ومبقالة غير سنه ولازم اسجله بمدرسة..
هذا السبب. خلاني ارفع عليه دعوى
امشي للمركز واني احاول ابين ملامح القوة
وصلنه نقطة تفتيش النساء ووالدي ولمحامي لتفتيش الرجال وسلمنه تلفوناتنه لان ممنوع التلفون
دخلت المركز عبارة عن ممرات وبي تقريباً عشرين غرفة وكل غرفة بيها اربع مكاتب..
جنت واكفه حتى يكمل المحامي كلامه ويه شخص ماعرف منو.
بالاخير عرفت انو هذا عقيدصاحني العقيد: تعالي بابا ادخلي
دخلنه للغرفة جان اكو مجموعة من الناس_واكفه وحده على جهه ومبين من ملامحها معنفه ومقدمة شكوى وساجنه زوجها.
_وواحد يريد العقيد يدخل ويحل الموضوع وي زوجته ويرجعها..
_ووحده تبجي تريد ترجع لزوجها الي رفعت عليه دعوى وحابسينه
واهله ماخذين اطفالها منها ويردونها تتنازل وترجع لخاطر اطفالها..
اني واكفه على جهه واسمعهم وكل شخص واكف يم مكتب ويحجي وياه
اجه المحامي يمي يحجي بهمس:شوي ويصيحج العقيد ويسألج كم سؤال واحجيلة كل الي صار وياج
ورا دقيقة فعلا طلبني العقيد
عيونه مثل البحر ماشاءاللهالعقيد: تعالي بابا اكعدي هنا واحجيلي شنو تردين وشنو صاير وياج
بهت وجهي للحظه ردت اتراجع عن هالخطوة بس اكو شي بداخلي يمنعني
■يلا دجن. تمسكي بقرارج اذا مو علمودج لخاطر ايوب فكري بي
دجن: خلص اتخذت قراري ودست على گلبي وبديت احچيله....
2023/6/10
CZYTASZ
مشاعر مقيدة
Randomهذا أنا الشُجاع الذي واجه حياته وحده ، القوي الذي قاتل الدنيا بأظافره وأسنانه لكي يحمي الأحمر الصغير في أيسره. الخائف الذي لا يدري أحدٌ بخوفه ، اذ أنه يدفنه في طيات احشاءه الكريم الذي يعطي الناس ما يحتاجه هوَ كي لا يشعُر أي إنسان بشعور النقص الذي...