صديقات في الخليج 1 🍂مكتملة🍂

🍂الجزء 10🍂

⚜صديقات في الخليج ⚜
🍒 بقلم : ليالي .. أمونة .. ندى🍒
لا نحلل النشر أبدااا أبداااا🚫🚫🚫🚫🚫
الجزء 10
حيدو جلالبهم ..نعسو و هوما معانقين بعض....
صبح نهار جديد على بطلاتنا نهار غايبداوه بأحداث جديدة و مغامرات جديدة ..
ندى .. ''كتلبس حوايجها لي كانو عبارة عن تيشرت أسود و سروال أسود لاسق مقطع من الركابي ..مع كونفيرص فالأبيض ..'' صباح النور ..
ليالي ..'' فايقة خاسرة و كتحك فعينيها '' اااخ راسي .. يخ بحال لا ضاربة البيرة بالليل..
ندى .. هههههه ضاربة الهم ..
ليالي .. يخ صبحنا على الله كون غا نعست مفاقت ..
ندى ..''ضرباتها بالعكر لي كانت كتعكر بيه للراس'' فمك يلحسو كلب مجهوول .. حنا يا نعيشو مجموعين يا نموتو مجموعين. .
ليالي .. احح يعطيك ضربة😠
ندى ....''كملات المكياج ديالها و جلسات مقابلة مع ليالي'' فيا الجوووع😭
ليالي ..'' ناضت كتلبس حتى هي ..'' مكاين فطور اغزالتي .. غانجمعووه مع الغداا. .
ندى .. يخخ الله ينعل بوها عيشة ..
ليالي .. دابا يفرجها ربي ..
ندى .. ايييمتااا يا ربي تحن علينااا..
ليالي .. دابا يحن .. بغيت ندخل لطواليط. .
ندى .. خير سيري الشماتة و القحبة دمرتو خرجو الصباح بكرييي. .
ليالي .. الله على راحة الله ..
دخلات ليالي قضات حاجتها غسلات وجها و رجعات لعند ندى لبيت .. دارت حتى هي ماكياجها يغطي لها دوك الهالات السوداء و الصفورية تالجوع لي باينة فوجها ..
ليالي .. دابا شنو غانديرو ..
ندى .. يا ختي عندك الفهم ثقيييل ..باين شنو غاندييروو غاندوزوو لعند دوك الزوامل نضبرو على روسنا و قبل نمشيو عند نصنا الثالث. .
ليالي .. مشات يالله زيدي ..
خرجو البنات فاتجاه دار أمونة لقاها جالسة قدام الباب حاطة يديها على خذها و كتلعب بالحجر. .
ليالي .. عنداك أبنت الحرام تفلقي شي حد..
أمونة .. فين تعطلتو المسخات باينة الليل كلو و انا مشوشة عليكم حتى الصولد ما نكسابو باش ندوي معاكم..
ندى .. ''تحنات عليها باستها'' احح عليك نتي يا مامانا كتخافي علينا😍..
أمونة .. و علا من غانخاف إلى ماشي عليكم ..
ليالي .. علينا الحب ..
أمونة .. الحب و مامانا هاذ الكلمات كنسمعهم غير لا درتو شي مصيبة ولا بغيتو شي حاجة ..
ندى ..''جلسات جنبها داحساتها'' هي ماشي شي حاااجة ولكن شي حاجة إلى مادرناهاش غاندموو حياتنا كاملة ..
ليالي ..''جلسات فالجنب الثاني'' اه .. خصنا نقلعو من هاذ البلاد و في أقرب وقت ..
أمونة .. أهاه فين نمشيو .. ماليزياا ولا جزر المالديف. . ولا عرفتي فين اجي نمشيو لباريس .. ولا ميامي المهم هاهي الطيارة الخاصة ديالي كاتسنااكم قولو لها غير الوجهة..
ليالي .. ''ضرباتها لراسها'' مكانتفلااوش .. خصنا ندويو مع أبو بكر يضرب لنا على شي مشية للخليج..
أمونة .. طول عمرك قحبة باغا تمشي عند الحواالاا. .
ندى .. أمونة .. هاذا هو الحل الوحيد باش نخرجو من هاذ القهرة .. واش عاجبك الذل لي عايشة فيه مع خاالك هااا انا بعدااا معاجبنييش حالي مع خويا و المسخة دمرتووو .. و ليالي .. فين غاتجلس هااا انا غدا غايتري عليا خواااياا نجلسو فالشارع ..
ليالي .. عرفتي غير نحطو رجلينا تما غانخدمو بالجراا نتي خدمي طباخة فشي ريسطو و لا شي قصر و عاد الطبخ المغربي مطلوووب تماا. .و ندى تخدم فشي صالون. . و انا نضبر على شي مصممة ولا حتى خياطة المهم غانضربووو اللعااقة. .
أمونة ..''كضورها فراسها'' و مينيين غايجيونا الفلووس علاه غير اجي و زيد للخليج ..
ندى .. الشماتة دخوياا غايدفع ليا حقي فالدار و نمشيو بيهم
أمونة .. فين ما مشيتو انا معاكم .. و حتى ولو هاذشي مامرتاحااش ليه ولكن كيبان ليا فعلا هذا هو الحل الوحيد ..
ليالي .. احح عليك 😍''عنقاتها و باستها فحنكها'' كنمووت عليكم انا ..
أمونة .. '' شافت ف ندى .'' هاذ البنت كضيع خصنا نزوجوها
ليالي .. ههههه من شحااال هذا دانا بضييييع يا ودييييع .. وقفات و جراتهم يوقفو معاها ..كل وحدة ساست حوايجها جبدات أمونة من صاكها بلاستيكةفيها زوج طرفة تالخبز بالفرماج. .
أمونة ..عارفاكم بلا فطور ..
ليالي...سيري الله يعطيك غا الخير ..'' طارت على الشدق تالخبز كتاكل فحال لا عمرها شافت الماكلة ''..
ندى ..''خذات حتى هي الطرف ديالها كتاكل فيه '' كنا ميتين بالجوووع الله يحفضاااك. .
أمونة .. كولو بصحتكم ..
كملو ماكلتهم و جبدات لهم أمونة من صاكها قرعة تالماء عطاتهم شربو و غسلو يديهم وعاودو صاوبو المكيااج لي خسر مع الماكلة ..
ليالي .. مشينا ..
أمونة .. ندى... على بركة الله. .
تحركو برجليهم حتا وصلو لعند الطوبيس جاو فيه قد قد ..طلعو وقفهم فوسط فالمدينة نزلو ديريكت مشاو للمعاريف كيقلبو على المحلات ديال زياد حتى لقاوهم.. ولحسن حظهم لقاوهم تما ..
ندى .. زياد ✋
زياد.. أوه اووه مرحبا مرحبااا هاذ الجمال و الشيااكة كلهاا عندي فالمحل شكون بحالي انااا..
أمونة .. طبعا مابحالك حد الثلاثي الخطير بنفسو جاء لعندك ..