البارت الاخير
هاي نهايت قصتنه الحلوه علي وحنين اتمنه عجبتكم
خليكم مع الروايه 🥰😘
اني احجي واضرب بيهة طبت امي و زهراء على صياحي جتي زهراء تگولي ولك عمهة جانت تخابر عمهة هنا اني رجعلي وعي شلت التلفون لگيت اسم عمو همام خرب بحظك علي باوعتلهة هاي شمسوي بيهة واگعة بالگاع وتباوعلي بعتاب طلعت برة الغرفة وعفت امي وزهراء يمهة ماتحملت نظرتهة جان تصيح امي ولك علي الحگ حنين تنزف
ركضت
شلتهة ورحت بيهة للمستشفى واجتي امي وياية
زهراء
جتني حنين طايرة من الفرح تگولي علي جابلي موبايل گبل دخلت رقم عمهة همام وتخابر وتحجي
ويا فاتحة سبيكر وهو ينصب عليهة يگولهة هسة تصيرين حامل واخذ ابنج لبنتي ومن هاي السوالف
صار اسبوع جتني حنين تگولي زهراء يمكن اني حامل كيفت وجنة تحجي ودگ عمهة وراحت لغرفتهة ورة شوية واسمع صوت علي يصارخ ويصيح طبيت للغرفة
عرفت انو سامعهة تحجي بالموبايل وعباله تخابر واحد لگيتهة واگعة بالگاع لا يا ربي البنية حامل
رحت علية وگتلة لك تخابر عمهة صفن وشاف الاسم وطلع برة الغرفة رحت على حنين گومتهة جان تصيح امي ولج البنية تنزف وگعت حنين وراها صحنة على علي اجة شالهة وراح هو وامي
علي
گاعد بصالة الانتظار ورة شوية طلعت الدكتورة جان تگول الكلام الهدني اني اسفة المريضة فقدت الجنين
لأن نزفت هواي الله يعوضكم
لا يا ربي اني قتلت ابني بأيدي وين اروح بوجهي من حنين طبت امي عليهة وبقيت حاير شسوي
حنين
علي دمرني وكسرني اليوم يل گلي اني سندج قتل ابني بسبب تهوره ما انسة كلامه القاسي لو مو
واثق ليش جابلي موبايل
وابني يلي راح منو يعوضه طلعت الدكتورة ورة شوية طبت خالتي اخر وحدة جنت اريد اشوفهة
بس گعدت يمي ومسحت على راسي گالتلي يمة ما اگولج سامحي وليدي ادري غلط وراح الضحية طفلج بس يمة الرجال عباله تخوني ومحد يرضاها ادري هو استعجل وحكم عليج بدون ميسمعلج بس يلي صار صار واني وياج بلي تردي صدك جنت ماحبج بالبداية
بس يشهد الله ماكرهتج هم شلون اكرهج وعلي من اخذج والضحكة مافارگته يمة سامحيني گبل لتسامحين علي
گتلهة خالة مسامحتج بس علي اليوم اذاني هواي
وكسرني واني ما الي احد
گلتلي يمة الطفل يلي راح هم طفله واكيد اكله الندم هسة
انتي عوفي علي هسة وانتبهي على صحتج راح تظلين
يومين بالمستشفى
علي
ظلت حنين يومين بالمستشفى بس ماشفتهة امي گالتلي عوف البنية ترة مو طايقة تشوفك خرب بحظي كلة من غيرتي عمتني يا ربي ساعدني
طلعت باليوم الثالث ماباوعت بوجهي ركبتهة السيارة گعدت امي بالصدر ومحمد يسوق وگعدت يمهة
ابوگ نضرات وهي ولايمي شسوي هسة
طبينة البيت حتة زهراء متحجي وياي شطلعت هاي يا ربي صاحلي بوية وظل يحجي علية واني واگف گدامه جني جاهل بالأبتدائية
يابشر ادري غلطان وماكو احد معصوم من الغلط
رحت للغرفة طلعت زهراء گعدت على الجرباية يمهة جان تگول طلگ هية گالتهة واني روحي طلعت
التفتت عليهة لزمت ايدهة گتلهة ها حنة ولج حنة گلبي
تردين تعوفيني ولج اني باب البيت جنت ما اقبل طلعينة تردين تطلعين من حياتي گامت تبجي
حنين
من جنت بالمستشفى وابجي جنت اتمنة يطب ويشبكني وابجي بحظنه رغم كل يلي سوا ماحس بالأمان غير يمه
طلعنة باليوم الثالث ومباوعت بوجهة ركبنة سيارة ورحنة للبيت طبيت لغرفتي سمعت صوت عمي يصيح عرفت عليه طب وراها للغرفة گعد يمي گتله طلگ
گمز من مكانه ولزم ايدي وگلي تردين تعوفيني وانا
باب البيت جنت ما اقبل طلعينة تردين تطلعين من حياتي
ما اتحملت گمت ابجي اريدة وما اريدة گتلة انت السبب موهين علي انت حرمتني من ابني وطعنت بشرفي
مسح گصته وباس ايدي وگال شايفة ايدي هاي اگطعهة اذا تنمد عليج والله وحگ محمد ما أذيج بعد اعتبريهة غلطة ومرت وانطيني فرصة نبدي من جديد
صفنت وگتله زين علي نبدي من جديد بس اعتبر كلامك وعد
ابتسملي وگال وعد وعد ان شاء الله
علي
مر شهر من صارت الحادثةومن يومهة احنة بدينة من جديد
جانت حنين تسبح العصر طلعت تمشط جان توگع على طولهة تخبلت صحت لأمي طشت على وجهة مي گعدت بس گالت هاي ثالث مرة تصير وياي گتلهة غير تگوليي گومي اخذج للدكتورة
لبست جبتهة ورحنة على الدكتورة گالت مبروك حامل
طرنة من الفرح لو مو عيب جان شبكتهة بنص العيادة
رجعنة للبيت وبشرناهم وامي تهلهل اخذتهة للغرفة طاير فرح
مرت الاشهر الأولى بس هية كلش تعبت ماخليتهة تدوس شي بالبيت ماقبلت تسوي سونار شيجي من رب العالمين نعمه
حنين
جنت ما اشتهي اكل وبس دايخة وتخربطت مرتين
وبالثالثة جان علي موجود واخذني للدكتورة وطلعت حامل فرحتي ماتوسع الگاع
الاشهر الأولى حيل تعبت لعبان نفس واتقيأ هواي مخلاني علي اسوي شي بالبيت ومخلاني اسوي سونار
بالأشهر الأخيرة گامت خالتي دير بالهة علية وتگولي لتتحركين هواي وراج طلوك
جنت نايمة بس گعدت باليل من الوجع اخذني علي للمستشفى جانت عندي ولادة طبت وياية خالتي واني ابجي خايفة بس ساعة والله يسر ولدت بس جان تصيح الدكتورة اكو اللاخ وجبت توم ولد
فدوة يخبلون سميناهم حسن ويزن
رجعنة للبيت عمي ذبح طليان وزهراء وخالتي يطشون جكليت
سوت خالتي عزيمة وجوي گرايبهم وباركولي وعلي واگف يمي ابتسامته شاگة وجهة
عذراء انخطبت وارتاحيت من نظراتهة علي شاورني گلي ماكو خلفة بعد مااريد احد يلهيج عني حتى لو ولدي بس تطلعين الاربعين تصيرين الية بس
گتلة هاي شنو تغار من ولدك بس ادلل هو اني كم علاوي عندي
گلي گعدي راحة لاهسة اخذج گبل للغرفة
ضحكت باوعت على ولدي الحمدلله
الله عوضني برجال سندي وحبيبي وولد يسندونة بكبرتنة.
ونتهت القصه اتمنى نالت رضاكم وستحسانكم
YOU ARE READING
دوخني عشك فصليه
Romanceهي لم تكن مدللة ك حال الفتيات هي عانت من تفكك اسرتها ليكمل القدر عليها لتذهب فصلية لأحدى العوائل
