يا نجد لو كل العرب منك ملت ما مل من نجد العذيّه ولا اتوب

30

" لايك وكومنت يحمسني اكتب اكثر"
«السجن  »
كان صالح يفكر كيف ينتقم من الجامح وكل من هو واقف بصف الجامح ونجد
دخل العكسري وهو ينادي : صالح
رفع راسه : هلا
العكسري : عندك زياره
عقد حواجبه بستغراب : زيارة ؟ ما اتوقع احد يزورني الحين؟؟
العسكري : بلا كثره كلام قوم  قدامي لغرفة الزيارات
قام وهو مستغرب جداً مين الي بيزوره والكل يكرهه ولا احد يطيقه ورغم ذا كله صامل على افعاله مشى مع العسكري لغرفه الزياره واستغرب من وجود حرمه وجنبها الجامح
الجامح بحده : هذا هو يا نجد قولي الي تبينه
قربت نجد من صالح بحقد : بغيت تقتلني بسبب انتقامك السخيف وبغيتني اتزوجك علشان تبيعني لخوياك الرخوم واحرقت بيت الجامح علمني انت وش تبي ؟؟؟
صالح بسخرية : ابيك
تقدم الجامح بسرعه والشرار يتطاير من عيونه لكن وقفته نجد وتقدمت للطاولة الفاصله بينهم وبين صالح والعسكري  : تحسب اني بوافق عليك واترك حُب الطفوله ؟؟ جيت من المستشفى للسجن علشان اقولك شي واحد  والي هو تحلم اني اكون لك انا للجامح والجامح لي ومثل ما كانو يقولون اول نجد الجامح وجامح النجد فاهم ولا لا والحين انتظر حكم المحكمة عليك بجرائم كثيره ومنها محاوله قتل وجرائم كثيره لا تعد ولا تحصى
سكت صالح وتقدم الجامح والشرار يتطاير من عيونه : ان شفتك مقرب منا ياويلك ويكون بعلمك الحين نجد صارت زوجتي يعني بعصمتي وان فكرت مجرد تفكير انك تاذيها بتشوف شي ما حصل لك فاهم ولا لا؟؟
ناظر فيه صالح بنظرات ما فهمها وسحبه العسكري لانه انتهى وقت الزياره
الجامح لف لنجد : هاه ارتحتي؟؟
ابتسمت نجد من وراء غطاها : ايه ارتحت مدري كيف اشكرك يا الجامح سويت فيني معروف مستحيل انساه
ابتسم الجامح بارتياح : لاجل عين تكرم مدينة كلنا حاضرين لعيونك
نجد : خل نطلع انكتمت الله يفك اسر المحجوزين اكيد امي تنتظر بالسياره
مشى الجامح ومشت وراه وهي تحس براحه وامان دامه معها

بكمل بالليل ادري انه قصير بس تصبيره😉💙