::-فات واحد من العصابة للصف شالت علي السلاح واشرت با أيدها على حلكها وكالتلة اششش تقرب يمها يريد يسحب السلاح منها فرت السلاح بالعكس وضربتة على راسة اغمى علي وطاح بصف صاحبة حجت بصوت خافت ...
:- اي احد يفوت ماتباوعن علية اني هذا مكاني .
واشرت ورا الباب .
دخل ثالث واحد من العصابة وشكلة يخوف ضخم وبشكل موطبيعي وملثم خلص ايقنت انو احنة انتهينا راح نموت وما النة طلعة منا بعد لو شيصير ادعي بكلبي واكول خلص بعد مستحيل تكدرلة هذا غير عن البقية مغمضة عيوني بكل قوتي على امل ضعيف انو تحصل معجزة ونطلع منا سمعت صوت السلاح من نضرب فتحت عيوني مخروعة وكلبي ينتفض بقوة واني اشوفة طاح بصف جماعتة رجعت نضري عليها عدلت سلاحها ومسحت وجها من العرك رجعت دنك شالت اسلحتهم واحد واحد باوعت السهير شمرتلها سلاح ولزمتة باوعت لسهير واني ارجف من طول للطول وسهير شكت زجها الضحكة من الاذن للاذن صخااااام شراح يسون ذني بينة بلعت ريك واني اشوفها وجهت نظرها علية واني اهز براسي لا
::- سهيررر .
: هلاا
::- عينج على هذا الصف
: افا عليج بعيني لاتوصين .
باوعتلي وشمرت السلاح علية واشرت براسها وراي طلعت وراها ورجلية كوة شايلاتني ففزني صوتها .
::- بعد بعد اكعدي واللطمي هنا.
:- عفيه شتردين تسوين ولج تردين تورطينة انتي مو شفتي ست بشرى خابرت برا الشرطة بعد شكو ؟
::- هههه برأيج ننتظر الشرطة حتة يسوونكم مخلمة امشي بس امشي ولتصيرين جبانة .
_ نمشي بالممر مالت الصفوف وطلع واحد من العصابة باوعتلها رأستا شالت سلاحها ووجهتة علي وصاحت ذب سلاحك .
::- ههههه فرخة وزغيرونة وتكلي ذب سلاحك .
رفع سلاحة وكال .
::-ذبن اسلحتجن بوية .
تقدم علينة يمشي بطئ همست بااذني وكوة اسمعها وهية على نفس حركتها مقنصة علي
:- صوبي برجلة اليمنى .
فكيت عيني على وسعها شنوووو مستحيل ولله اخاف خزرتني حتة اضربة بس ماضربتة تقرب كلشش يمنة وهية صاحت بعصبية وصاكة على سنونها .
::- ولججج صوبي برجلة اليمنى .
- مالحكت اصوبة ونسحب السلاح مني ...
........
مكان اخر ..
في وسط الصحراء راكبة مهرتها تدوس الارض باطراف قدميها مسرعة ..
وبين دقات قلبها المتضاربة والسريعة تضحك بصوت عالي ومتهستر من لاشيء امام العالم لكن بداخلها شيء اخر .......
غياهب خيبر
