قلت جعل ما ابكيك وبكيتك

Part 6

بيت فهدة

طبعا فهدة حركت ووصلت البيت اللي ستأجرته في الديرة القريبة من مزرعة فهد نزلت وربطت الكلب و حطت له اكل وراحت تبلش بشغلها تبي تبدأ الليلة

..............................

مزرعة فهد

نزل وشاف شيخة جالسة ومتوترة كتم ضحكته ومشى جلس جنبها ومد يده يبي يمسح على جبيرتها بس هي فزت قبل لا يوصل لها خافت يضربها وهو تنهد وندم على اللي سواه و ابد ما شال عليها بحركتها

فهد: دخلتي الغرفة؟

هزت راسها ب ايوا وهي واقفة ومتوترة

فهد بحنية: طيب اقعدي رجلك بتوجعك

شيخة استغربت من حنيته بس ابتسمت بخفة وجلست بعيد عنه شوي فهد قعد يناظرها وهو يفكر كيف كيف قدرت تمتلك قلبه بذي السرعة تملكته كله ما يدري منها ولا من عيونها اللي لحالها وطن شال نظره عنها وهو يلهي عينه باشياء ثانية مرة يناظر الطاولة ومرة ايده وكذا

فهد: تبين شي؟

شيخة شافته رايق ووتاشر له على ملابسها وتسويله اثنين باصابعها يعني تبي ملابس ثانية 

فهد وهو مفهي: هاه

شيخة تنهدت من عجزها ورجعت تسوي نفس الحركة وهزت راسها بلا بمعنى ما معها ملابس ثانية

فهد بضحكة: والله مو فاهم عليك اصبري 

فهد بصراخ: مارلين جيبي ورقة وقلم 

وقعد يتاملها وشيخة استغلت فرصة روقانه واشرت له فوق وسوت حركه انا بتنام فهد فرح يحسب انها بتنام عنده كان بيتكلم بس ماريلين جابت القلم والورقة وشيخة حسبت انه مافهم مد فهد لها الورقة والقلم وهو مبسوط ورجع يتخيلها نايمه جنبه زي الصباح وهو مبتسم وشيخة كتبت له ( ابي اروح السوق ما معي ملابس و ابي انام فوق باالغرفة اللي جنب الدرج تكفى مابي الخدامة تخوف) ومدت له الورقة.

فهد قرأ وتضايق انها ما كانت تقصد غرفته وقال: طيب البسي بنروح السوق وبنتغدا برا 

شيخة ابتسمت من تغيره وجات بتقوم 

فهد بسرعة: لا اقعدي مارلين تجيبه 

وصرخ على مارلين تجيب العباة والنقاب 

وهو صعد فوق يغير وشيخة لبست وجهزت وقعدت تنتظره

.........................

الجد علي كان يمشي بأتجاه البيت بعد وشاف مفلح قاعد داخل البقالة وقال فرصة وراح له

الجد علي: السلام عليكم

مفلح وقف وهو يمد يده: وعليكم السلام

صافحو بعض وخذو اخبار بعض

الجد علي بحرج: والله يا ولدي جاي ابي اسألك عن يوسف وابوه

مفلح كشر بوجهه: ابو يوسف ضايع وضيع ولده معه من فترة لالا البارحة مر يوسف من هنا الساعة 12 بليل وانا كنت اقفل ذاك الوقت مر من جنبي وهو شايل زجاجة ويترنح وريحت المشروب فايحه يا عم وقال ايش قال وين المسجد. وابو يوسف الصراحة استحي اسولف من فعايله.