قصة هتساعدكم على الدايت 😍😅👇
البداية:
مش عارف أبطل أكل و كل ما ابتدي حمية بوقفها ومش لاقي حل هتجنن لكن كل حاجة اتغيرت يوم ما قررت اسمع كلام سامي صديقي بس مش متخيل إنه هيوصل لكده..!
هحكيلكم من البداية...
أنا طول عمري متعقد بيقولولي يا حرشة اسم مطلعينوا عليا عشان طول عمري أقول نفسي أكل حاجة حرشة لحد ما طلعت عليا و دخلت في دوامة ووزني بقى كل ما له ويزيد جربت كل حاجة دايت وعملت بطيخ و أكلت.
لكن مافيش فايدة بردو وكل مرة سامي صحبي يقولي اسمع كلامي تعالى معايا عند أبو رامي.
لكن أنا برفض أبو رامي رجل دجال و أنا عمري ما هعمل كده لكن لما اتقدمت لكريمان جارتنا و حطوا الأكل قدامي بعيد عنكم حرشة اشتغلت و لهطت الأكل كله طبعا دي بطني أكيد فهمتوا 😭.
ساعتها كريمان هربت و سمعتها بتقول لأمها بقى أنا يا ماما اتجوز حرشة ابو كرشة.
جريت وأنا مش مصدق و رحت لصحبي سامي قولت له أنا استسلمت وديني عند أبو رامي.
سامي طلع معايا بسرعة و رحنا هناك فعلا أبو رامي كان قاعد معاه ايفون برو ماكس قاعد يكتب عليه ومش مركز معانا آمال فين الدخان و العشوذة بتاعت الأفلام بصلي وضحك وقالي:
ده كان زمان..
رديت و قولتله :
طب حضرتك هتشوف مشكلتي أمتى أنت قاعد عالتليفون ليك كتير.
قالي:
أصبر يا حرشة و هنشيل منك الكرشة.
سكت و لقيته نط فجأة و قال:
مبروك يا حرشة جالك الموافقة.
رديت عليه باستغراب:
موافقة إيه مش فاهم حضرتك.
قالي:
موافقة الجني فلافل.
أنا كنت هطق من جنابني:
جني إيه ده إلي اسمه فلافل أنت هتجنني و بعدين كلمته إزاي وأنت قاعد عالتليفون و بس.
رد وهو بيضحك وبيوريني التليفون:
كلمته ماسنجر و ادي الشات بينا يا سيدي عشان تصدق.
قومت من مكاني باه متغاظ:
إيه ياعم ده هو في جني عنده ماسنجر وايميل أنت بتستهزق بيا.
ضحك وشدني قعدني جمبه وبص وبرق في عنيا:
العلم اتقدم يا بني بص وطرطق و دانك الجني فلافل الوحيد إلي قبل يمسك حالتك الباقي كله رفض أنا لسه منزل منشور في جروب الجن وماحدش فيهم وافق غير فلافل ها موافق يا حرشة تخلص من الكرشة ؟!
بلعت ريقي و قولت:
ماشي أما نشوف اخرتها معاك.
راح ماسك التليفون و قعد يطنطت و ينادي:
يا فلافل بالخضار يا بن أم فولة بالزيت الحار أحضر بسرعة لحرشة و ضيعله الكرشة.
الدنيا ضلمت والنور بقى يرعش و صوت ريح قوية حضرت و فجأة.
#يتبع
#آكل_الظلام
لو عجبتك القصة تم ومتابعة واستنى الجزء الثاني 😊
