اصبحنا و اصبح الملك لله 🥰 خالتي وهيبة : يا طفلة نوضي ما فهمتش كيفاه تقدري ترقدي حتى ل 11 انا : خالتي خليني نزيد شوية برك ( نهدر معاها و مزالني مغمضة عينيا ) خالتي وهيبة : الجيل هاذا يعرف غير الرقاد ايه حنا بكري كنا نوضو على 6 انا : خالتي بكري بكري و ضوك ضوك و ديجا خليني كنت نام في عرسي راكي صمطتيهالي حتى العريس ماشفتش وجهو 😔 خالتي وهيبة : تنوضي و لا نوضك بطريقتي انا : روحي راني نايضة ديجا اصلا البارح خرجت من الخدمة حتى 1 و مارقدتش حتى 3 و زيد جاية تنوضي فيا بكري خالتي وهيبة : اصبري نشوف هاذا الزمر منين يشعل نوضت نجري مبلاستي حتى تعكلت على الغطا و جبتها على راسي 😂 انا : خالتي تعيشي هاذاك وليدي بلاكي كاش ما ديريلو ( خالتي علبالها بلي تيليفوني نقطة ضعفي علابيها قالت هكا ) خالتي وهيبة : شفتي كيفاه تنوضي ، دوك ازربي نوضي و اغسلي وجهك و امشي نديرو لميناج للدار علبالك قرب عرس وليدي انا : اففف هوما يعرسو و حنا نفرسو بصح معليه في عرسي نخلفها 🙂 خالتي : نوضي بركاي من الهدرة الزايدة بون نوضت و غسلت وجهي كانو خياتي راحو يقراو مام شهرة بيسك راهي ل 11 و هوما يقراو على 8 و رحت عاونت خالتي فالميناج نقينا كامل الحالة بيسك على 15 يوم عرس خويا امير شحال راني فرحانة ( فرحانة برك كي راح نبرد قلبي بالشطيح 😂) على 12 جاو خياتي باه يفطرو هيبة : رانا جينا انا : اهلا ختي جوزو اغسلو دوك نحطلكم الفطور راه واجد هيبة : هاتي بيزو قبل 😘 انا : غير الخير واش هاذ المحبة لي جاتك بدون سبب هيبة : نهار طيح عليا المحبة تقولي علاه و نهار تكون ناشفة تقولي علاه بيييي نتي والله واحد ما يفهمك انا : تزيدي دقيقة قدامي تلقاي البليغة في وجهك و تعرفيني نديرها هيبة : خلاص راني رحت جاز الوقت طلعت لبيتي باه نشوف الساعة نلقاها 5 ياه الوقت لازم نوجد روحي باه نروح للخدمة فتحت الخزانة قلبتها كامل نشوف واش نلبس من بعد خيرت هاذو 👇
Oops! This image does not follow our content guidelines. To continue publishing, please remove it or upload a different image.
خرجت نجري من الدار باه نلحق الطرونسبور قعدت ستنيت شوية من بعد جا و طلعت لقيتو لداخل معمر غاشي حتى بقيت واقفة ( هاذا هو طرونسبور تاع دزاير جامي تصحلك بلاصة قاعد 😂😂) حتى وين لحقت لوين نخدم بون علبالي مراكوش فاهمين على هاذيك رح نشرحلكم ( كي قلت نشرحلكم راح خيالي للبروف تاع المات كي تكون تشرح😂😂) نولو للمفيد انا نخدم سارفور فريستورون عالمي يجو ليه لي يخدمو ف ادارة اعمال و هاد الريستو مشهور بزاف يعني انا لي حبيت نخدم بيسك ماني بزاف عليها خلالها جدي المرحوم الشهرية مي ما تقدرش تصرف علينا كامل فالدار على هاذيك قلت نخرج نخدم باه نصرف عليا و على خاوتي و حبست قرايتي باه ما نخليش خاوتي يحسو بالوحدة بعد ما ماتو دارنا ربي يرحمهم فأكسيدون و مدام انا لكبيرة قررت نرفد واش بقالي من دارنا لي هوما خواتاتي باه ما يضيعوش و ما يخلوش قرايتهم / دخلت وين نخدم رحت ديركت للاشومبر لي يبدلو فيها الحوايج لبست حوايج السارفور و دخلت للكوزينة نشوف واش نساربي للناس ، قعدت نجري من طابلة لطابلة افف عييت حتى لحقت 10.30 كنت قاعدة فالكوزينة نفطر ياودي كرشي ولات اون كوبل مع ظهري من الجوع 😂 ( علبالي غاملة مي معليش تحملو 😁😂) حتى يجي سي ياسين ( ياسين هو الامي تاعي و يخدم معايا تعرفنا فالخدمة ) ـــ ياسين : من الصباح و نا نجي من طابلة لطابلة و لالة قاعدة ترهج هنا انا: ايلا ترهج معايا صح ما تاكولش قلع للخدمة حتى نكمل الماكلة باه نوض ياسين : نتي لا بديتي تاكلي ما تحبسيش ما فهمتش واش عندك في كرشك انا : على زوج لقمات حسدتني فيهم هاه والله راك كوبيتلي لابيتي دخل علينا واحد يخدم تما و قال : الشاف وجد هاذ ليبلا لاطابل 28 و دار عندي : و نتي نهال كي يكمل يوجد روحي سيربي نتي و ياسين انا : اكي ريڨل الخدام : ولازم تتعاملو معاهم مليح بيسك تاع ادارة اعمال و جا معاهم واحد رئيس الشركة ****( اسم الشركة ) انا : ما تخافش ما يكون لا خاطرك هو : نعرف ما تخافش تاعك راني نوصي فيك بلاكي تبهدلينا انا : خسارة عليك ما ديرش فيا كونفيونص هو : همال نتكل عليك نهال انا : حاجة باينة درت عند ياسين حتى نطق قبلي و قال : هاذ السيد دسرك و نتي حليتيلو العين انا : باه ما يكثرش معايا الهدرة برك خلينا منو ... و رحنا بدينا نرفدو فليبلا و اتجهنا نحو الهدف 😂😂 ( قصدي نحو الطابلة 😁) وصلنا و بديتا نسيربو الماكلة و كنت مهبطا راسي انا غير طلعتو طاحت عيني فوحد الزل ياخويا ياخويا واش نحكيلكم من بعد فقت على روحي بلي راني نخزر فيه و ليت رحت جهة ياسين و وقفت معاه ياسين و هو يهدر مع الناس : بون ابيتي و اذا عندكم طلب اخر رانا هنا نطق هذاك البقلاوة : مي انا دومونديت حوت و قلت ما نحبش فيه الطوماطيش علاه حطيتوها فيه انا : باه تطلق البنة 😒 البقلاوة : لازم تسيربو على حساب لادوموند ماشي من راسكم فهمتو ( قالها بلعياط ) ياسين : سمحلنا ميسيو غلطة برك هو : قال غلطة قال ازربو دوك ترفدو عليا هاذا و تجيبو بلا اخر بلا طوماطيش ميشت انا حتى وصلت قدامو بيسك قلقني و رفدت هاذيك الطوماطيش لي كانت ملفوق بيدي و نحيتها حطيتها فطبسي فارغ و رفدتو و قتلو : هكذا راهي بلا ساهلة برك نتا صعبتها 😉 خلط الطابلة و وقف و بدا يعيط حتى الغاشي كامل ولاو يتفرجو جيهتنا هو : واش درتي ما فهمتش كيفاش يخدمو عيباد كيما نتي هنا و كي رفدتيهم بيدك وين علبالي يديك ايلا مخسولين ولا معفونين و زاد فالعيطة تاعو : دوك ترفدي قسام هاذ البلا و تجيبي وحداخر و لا سينو ما تزيديش دقيقة فالخدمة تاعك انا : اولا شكون نتا باه تعيط عليا هكا و قدام الناس و ثانيا الحمد لله يديا نقايا على وجهك و ثالثا واش حاسب روحك باه تهددني اه حكمني من يدي و زيد عليها : شكون نتي باه ترفدي صوتك عليا و تهدري معايا بهاد لافاصو معلبالكش شكون انا انا ايهاب *** رئيس الشركة *** تاع الملابس و الازياء فهمتي انا : ما قتلكش عرفني بروحك و ما يخمنيش شكون نتا جبدت يدي من عندو و رحت و خليتو دخلت للكوزينة و النار شاعلة فيا انا : واش حاسب روحو هادا جاي يعيط عليا و يهدد فيا قال انا ايهاب *** رئيس الشركة*** ( زعما تعكي فيه 😂) واش دخلني انا فيك اففف و هي هكاك تعيط حتى دخل ياسين ياسين : واش درتي نتي حمارة ولا اغيول علبالك يقدر صح يحاوزك منا انا : ما عندو ما يدير اصلا ما شفتش كيفاه حاسب روحو زعما مدير الشركة جاي يعلي فروحو قدام الناس و لاعبها ما ياكلش الطوماطيش انا فالدار كي يحكمني الجوع فنص الليل نديرها فالخبز مع الملح و ناكلها (والله جي بنينة 😂) ياسين : يخي مكراشة يخ علبالي مكاش لي كيما نتي انا : وي علبالي بلا ما تقولي
&&&&&&&&& عند ايهاب /& ليوم كان عندي عشا مع وحد الجماعة من انجيلترا على جال توقيع الشراكة بيني و بينهم و رحنا لواحد الريستو يعني هو معروف مي انا جامي رحتلو بيسك منحبش نروح لبلايص معروفة مي الشركة الانجليزية كي سمعو بيه عجبهم و حبو يروحو تما مور ما وصلنا و دومونديتا ليبلا انا دمونديت حوت مشوي و قلت بلا طوماطيش مي ما فهمتش علاه ما يسمعوش و جابتهولي وحدة الطفلة ملول كي طاحت عيني فيها اممم واش نحكي يا ربي وحد الزلة من بعد قلت واش دخلني فيها بيسك انا مالجوغ لي نكره البنات و كي قتلها بدلي البلا رفدت هاديك الطوماطيش لي ملفوق بيدها و تحاتها و انا معياف بزاف على هاذيك صرا واش صرا ( حكيت لفوق جاتني شقوة نعاود 😂😂) كي راحت جا مول الريستو و قالي : سمحلنا ميسيو هذاوين سمعت بلي صرا و اذا تقبل مني راح يكون عشاكم خالص من عندنا ايهاب: ما يهمنيش و. حبيت نعرف شكون هاذيك الطفلة لي سيربات هو : هاذيك نهال تخدم سارفور هنا انا : نحبها تتحاوز منا و نعطيك واش تحب هو : ما يكون غير خاطرك ميسيو ايهاب و راك شرفت الريستو بمجيئك ما رجعتلوش بيسك قلقني بهدرتو
&&&&&&&&&&& نرجعو عند نهال كنت قاعدة فالكوزينة مع ياسين لي نساني فواش صرا و راحلي لقلق حتى دخل عليا السي احمد لي هو مدير الريستو هنا و قال : نهال من اليوم و رايح
