المدرسه بعد إلي صار ومنار كانت شوي احسن لمن حجينه وي المديره وشكرتني كلش
منار..شكرا الج هاجر لولاج مكنت مفكرة اروح للمديره
هاجر..حبيبتي منار على شنو تشكريني هذا واجبي
وخلصت المدرسه وكلنه طلعنه اعفاء عام ونجحت للثاني جنت جدا متحمسة اله
بدت العطله واني ومنار ابد مكطعنه وحده تروح الثانيه مسويات جدول هههه
طبعا اني احب محمد بس بوكت الدراسه نسيته ويعني بس بقيت احبه
اجت العطبه واني خلاص بعد ما اطلع ليبره حته بباب البيت ماكعد مثل قبل
اما اختي فهيه إلي يشوفه ماعبالك ثالث متوسط تكول عمره ٢٠ سنه لان مهتمه بنفسه جنه احنه عايشين ببغداد جان محمد دائما هوه واخته يجون لبيتنه بس اني ما طلع يمهم
صرت اسوي نفس اختي اهتم بنفسي لان ماعدنه شي واقضي أغلب وقتي على المسلسلات والأفلام
بس ولا فتره صار إلي مكنت حاسبتله
ابو محمد اجا شغل بالسليمانيه
وراح ينتقلون ويعيشون هناك ضليت افتر بغرفتي اريد اشوفه قبل ليروح طبعا منار كانت هم شايفه محمد ولاعبين سوه احنه وياه يعني تعرفه نفسي
جنت هواي أثق بمنار وكل شي يصير وياي احجي اله واكتشفت انو منار تحب واحد على الانترنيت
انصدمت كتبه شلون هيج تسوين بعدج زغيره شتعرفين من الحب والخرابيط هاي
جاوبتني
منار..حبيبتي هاجر اني كبيره واعرف كل شي
لتخوفين نفسج وانتي هم تحبين ذاك محمد
هاجر..منار تدرين انو اني احب محمد من طرف واحد وهو ميدري انتي تعرفين كلش زين
منار ..خلاص هاجر اني مو زعطوطه واعرف شنو اسوي
هاجر ب راحتج بي اني حذرتج خاف تكولين
منار.. مقصرين حبيبتي
هاجر.. عمري
منار.. اي صدك هاجر احنه راح نروح للسليمانيه
شوي نتونس نغير جو
هاجر .. عااا صدك لعد يمكن اروح وياج هله بالخميس
منار بدت تمتمت
منار .. والله هاجر ماعرف شكولج بس هيه رحله عائليه
هاجر .. جا إني مو من عائلتج
منار .. مو هيج قصدي بس شوفت عينك اخواني الكبار ميرضون والله جان اخذتج اعتذر
هاجر.. لج عوبه انتي ممسويه شي علي من تعتذرين صدك يتضايقون بوجودي يلا خيره بغيره
بس مو تنسين تصوريلي كل شي اول بأول
منار.. من عيوني جم هاجر عدي
هاجر .. يعمري اموت عليج
راحت منار من يمي وبقيت وحدي ضجر ملل
بس اباوع كيدراما
واحنه عدنا عامله فمانضف
بس كاعدين بالغرفة سافروا أهل محمد وسافرو أهل منار وبقيت لوحدي
