#الجزء الثاني في معتقل مجنون
بقلمي انا الكاتبة #رواء هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
بين قوسين خوالي حقراء لأبعد حد كل هدفهم يذلون أبوي من خلالي أدري بيهم هذا هدفهم بس شنو ذنبي شنو ذنب امي المسكينة اللي ماشافت الراحة بعيونها
وأكثر عذاب تعذبته بسببي أني .
اخذني شهم البيتهم وأني منهارة كبل صعد بي الغرفته فوك بالي كله يم امي صار بيها هسة حتى مالحكت شافتني وباستني عدل وخوالي كبوا هي الكبة بوجهي
دخلنا وسد الباب بقيت واكفة واعيط "
_ماعليج منهم
_كله بسببك طعنوا بشرفي للمرة الثانية
_روان هم رجعنا
_كله بسببك يحجون علية كدام صاحبك الغريب
كعدت بالكاع ابجي منهارة صعبة كلش أقرب الناس الك تطعن بيك وتنطي بيك كدام الغريب وخوالي مو غربه مني وبي وعشت طفولتي كلها عدهم وهم ربوني شلون
كدروا ينطون بي جان حجوها بيناتنه مو إلا كدام الغريب نفخ هوى بضجر وملل مني لأن رجعت عاند
مثل قبل واعيط والوم بي
_روان هسة شلون نبقى هيج ونرجع لنفس الاسطوانة السابقة شنو ماتعرفين خوالج أنتِ انذال وحقراء هاي مو اول مرة يسوونها بيج المفروض ماتتاثرين بكلامهم
لأن تعرفين نفسج شنو ومنو ويامن جنتي .. كومي سبحي وبدلي وطنشي الكل وخليج وياي
جرني من زندي حيل لعنده وأني اعيط ..
_بهالبساطة
_اي
_عندك سهلة بس عندي صعبة كدام صاحبك ينطون بي
_فرات صح غريب الدم بس قريب النفس والروح ومستحيل ياخذ عنج نظره محلوة ويعرف خوالج شنو من بشر يلا كافي دموع مو قررنا نفتح صفحة جديدة ليش تعاندين وتاخذين بكلامهم وتخربين عيشتج وعيشتي وياج
_ليش هيج سوو؟! جان سكتوا وماحجوا من شافوك جبتني بايدك وقررت تاخذني وياك اشو هم من سمعوا راح تاخذني كبوا وكالوا كدام صاحبك عبالك يردونك
تردني لاهلي وتمشي
_هو هذا هدفهم اعوفج بس لا يحلمون اعوفج لو
يبقى اخر نفس بي أبقى وياج وماعوفج
يلا مسحي دموعج
عاف زندي ...مسحت دموعي بايديه جرني وضمني الصدره بايد وحدة ماتعاركت ويا سحبت نفسي بهدوء
منه بدون ماباوعله كلتله
_ميلي ملابس اسبح وابدل
_مو ملابسج القديمة موجودة
_وين
أنت تقرأ
في معتقل مجنون {مكتملة }
Mystery / Thrillerقصة واقعية "تدور احداث القصة حول فتاة بريئة للغاية تتعرض للتنمر بسبب ضعف شكل جسمها ، لتصبح فتاة شرسة وقوية ، وتتوقف في وجه كل من يحاول إيذائها .لسوء حظها ، ينجذب إليها رجل مجنون يقتحم حياتها بقوة ويحول حياتها إلى جحيم من أجل الحصول عليها. #بقلمي أنا...
