فاڪهة محرمة

البـارت ألـ 7

سـلام عليڪم..

لا تنسون ألـ تصويت، متابعه الحسابي ♥🎉

ـــــــــــــــــــــــــــــــــــــــ

انصدمت من ڪال ببتسامة جانبية:- بس الله ساعدني وي غيرج

-برتقالة: يعني عندك حبيبة؟؟

ڪام من مڪانة مسح ؏ ارنبية أنفي:- سوالف ڪبار

مشـة طالع من الغرفة راقبتة بعيون مصدومة، هذا منو تحملتة غيري؟؟

اريد أشوفهاا وأسألهة شلون متحملتة بنية غيري؟؟
من صدمة بس للفيت راسي نمت،

ڪعدت ألـ صبح بخمول دخلت للحمام غسلت وجهي وسبحت طلعت للبست ملابسي ونزلت، ڪل واحد بشغلة حتى بـابا ماروت..

سويتلي للفة جبن وحميت چاي، دخل سدير للمطبخ راح سوالة ڪوب گهوة اردف

-سدير: خرب يومج شڪد حلوة

عرفتة يقصدني بس غلست، طلع من المطبخ ابتسمت بستهزاء، ڪملت للفتي وصعدت هم اخذلي غفة منا للغدى،

ڪعدت ؏ غدى واشوف لڪل يتجهز وما اعرف شنو ضليت أبـاوع بستغراب شڪوو؟؟

نمطلت ؏ ڪرويتة أگلب بل انستكرام، شفت زينة ناشرة دعاء وقرأن، ونصائح دينية، ضليت اشوف بـ ستوريات الناس،

خبب شنو ههاي ملل حتى بل بيت يبتعدون عني ومحد يسولف وياي، طلعت برا وشفت مودي ديمشي وبيدة علاڪة خبزز، من شافني أجة بتجاهي

ڪعدنة ؏ تاير الموجود بصف بـابنة،:- شني برتقالة شيبتت وانتِ بعدج ما قانعة زوزايتي

-برتقالة: خبب من ڪبر لهل حلك زوزايتك شنو؟؟

-حمودي: باع علوش نستة صبري نفذ

-برتقالة: بس اڪرص دودتك وهيه تحبك چنك شمعة فڪر يومية واگف بل باب تراقبهة شبيك ابني ما عندك حياة؟؟

-حمودي: حياة لو دنيـاا

ضربتة علابية ودمغتة بڪصتة:- دولي

دخلت للبيت منزعجة وتالي ذولي يسوون ثواب جدي
أبـاوع سعدية ڪاعدة تسبح بل سبحة

-برتقالة: الله شوڪت يجي اليوم ونسويلج ثواب

للزمت نعالهة وشمرتة علي أجة بڪصتي ترس انصدمت، ڪعدت بل ڪاع أبچي بصوت عالي وأنوح ضلت فاتحة حلڪهة بصدمة

ڪطعت نفسي من ألـ بچي واصلاً حتى ضربة متوجع دخل بـابا ماروت باوعلي بستغراب يحاول يعرف منو ألي مبچيني؟؟

أشرتلة ؏ سعدية وهوة ضل يحجي علية:- ليش هيج ضاربتهة بل نعال صدك تحجين مخلية عقلج وعقلهة واصلاً منووو انتِ حتى تتجرأين وهيج ضربينهة؟؟

صعدتت ألـ غرفتي وهوة يمسح بدموعي طابع بوسة ؏ جبهتي، دخل غرفتة يسبح واني ڪعدت ؏ طرف چرباية والبزونة رجعاهاا الأهلهاا