#شتاء_دافي
الحلقه-9
#بقلمي نور الاسلام🧘🏼♀️
جهاد: وصلت بنتك وين؟؟
حنان: اهي داخل، بيلسان ياماما تعالي
بيلسان: سمعت صوتها وطلعت تقابلت بجهاد واقف بلعت ريقها بخوف، ج جهاد
جهاد: وهوا يشبح فيها ببرود، ،خذيتي اذني لما طلعتلي كلمتيني خذيتي موافقتي
بيلسان: وقفت وراه امها بخوف وقعدت تشبح في
حنان: شبحت فيها بتفنيصه،ان شاء الله جايا معايا بلا اذن زوجك
بيلسان: شبكت ايديها بخوف وتوتر ،،ماما
جهاد:حكيت معاك كم مره وقتلك انتبهي لتصرفاتك معايا لكن انتي ماتسمعيش في كلامي ومش مدايرتلي حسبه شبح في حنان بنتك خليها عندك متلزمنيش
حنان: حطت ايدها ع فمها وشهقت،
بيلسان; قلبها دق بخوف وشبحت في امها
حنان: بصدمه وذهول،اني سالتها قالت خذت منك اذن والله زي مانقولك قلت اكيده عطاتك علم اني والله لو نندري عليها جايا بلا اذن والله منخليها تقص خطوه سامحني ياولدي
جهاد: تنهد ورجع ايدي للخلف، اي عارف اهي عندك خليها تحكيلك كيف طول في لسانها عليا وقاعد شاد روحي عليها بسيف مانبيش نمد ايدي عليها ولا نتصرف اي تصرف ميعجبكش ف لذالك خلاص خليها عندك خير
حنان: شبحت في بيلسان بنظره حزينه قاعده مسكرتش شهر راجلها جي يشكي منها
جهاد: تصبحي ع خير ياخالتي
حنان: هزت براسها وسكرت الباب وراا وهيا تشبح لبيلسان
بيلسان; بلعت ريقها،،ماما
حنان: بعصبيه وبصوت عالي ،اشش متحكيش معاي هكيي ربيتك اني هكي علمتكك هادي اخرتها قاعده مسكرتيش شهر راجلك قلق منك ورجعلك
بيلسان: ماماا اسمعيني
حنان: بتفنيصه وبصوت عالييي،،اشششش ولا كلمه خشي لداخل ولا كلمه
بيلسان;بخوف،، اصلا هوا عصبي هلبا وديمه يهزب فيا.
حنان:قرصتها ع كتفها،تستاهلي ماهو اهو طالعه من غيررانه حتي شرعآ حرام ،،ذادت قرصتها،،خشييي لداخل خشي تو نتفاهمو
بيلسان:خشت تحك في مكان القرصه وتبرر لمها
------------------------------
سمعته هكي قال والله
هديل:حاطه ايدها ع خذها شن يقصد بكلامه؟؟؟
فرح: قلبت شفتها،منعرفش بس ع الاغلب يمكن يكون ضاربه
هديل:تنهدت،ان شاء الله يارب ربي ينتقم منا حسبي الله ونعم الوكيل في
