مساء لخير
لكاتبة ضحى
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠نبدة
كال اهممم واذا اكلج انة مااشتغل جوه يد ابوج شنو رايج
كتله ها اخاف بابا يطلع يشتغل جوه يدك وانة مادري
كال لا من حشة ابوج وهسة انتي قبل اشوي سألتيني
ابوج آمنين يعرف اهلي وانة آمنين اعرف ابوج هسة راح اجاوبج وتعرفيني بن انة مااشتغل جوه يد ابوج مثل مماخذة علية هاي لنضره
كتله اتفضل احجي قبل لانوصل للبيت
زين : هههههه لا مو هسة اكلج انة آمنين اعرف ابوج
يجي يوم وتعرفين انتي من كيفج
ريم : شنو انتة كاعد تضحك علية
زين : طبكت لسياره بل باب وكلتلهة كومي بابا كضيتيهة علية بس تثاوبين شكلج مانايمة لبارحه
روح عود نامي باجر وراج تعب
ريم : غلست عنة وفتحت لباب ونزلت ورجعت طبكت الباب حيل
ورجع كال أعصابك عيني تره سيارت ابوك هاي مو سيارتي
وضل يضحك لحقير
رحت دخلت للبيت لكيت خاله كاعد تغسل بل بيت
سلمت عليهة وردت لسلام
وكالت تره ابوج اجة قبل ساعه منتضرج
من تجين يتغدة وياج
كلتلهة تمام راح ابدل ملابسي واغسل واجي
رحت ذبيت ملابس لمدرسة ولبست برمودة لون
وردي ونزلت غسلت ورح لغرفت بابا ودكيت لباب
وصاح اتفضل دخلت ولكيتة كاعد عل كنبيوتر
وصاح علية هلة بيج بابا حبيبي تعاي
رحتلة ميلت لطاولة لكباله لعليهة لكنبيوتر وكعدت علة رجلة وحطيت راسي علة صدره
وكال ها اشبيج بابا ضايجة شنو ممجاوبه بل امتحان يحجي واصابعه يلعب ابشعري
حجيت وانة امبرطمة شفايفي وكلش ضايجة
كتلة لا زينة بل امتحان واكيد اخذ درجة كاملة
بس مشتاكه لماما كومه حجيت وطاحت دمعتي
رفع راسي من صدره ومسح ادموعي
وكال يابعد روحي انة امج وابوج شنو اشبيج ليوم
اكو يوم انة خليتج اتحسين بفراك امج
انة صرتلج ام وأب
واذا تردين بل عطله مالت لمدرسة انروح انزورها
ريم : اوعدني انروح الهة من عافتني لليوم بس جم مره رايحين زايرينهة وحتة مالحك اشبع منهة وتكلي يله كافي خل نرجع ودامن انروح بليل
فارس : نشاء الله هل مره اخذج الهة واخليج اتشبعين منهة شوف بس المهم متضوجين وهل عيون لحلوه يبجن
ريم : هاي هية تمام بعد ماابجي وهسة يله كوم خل نتغدة اكيد هسة خاله صبتة لايبرد خل انروح
رحنة اتغدينة
وخلصنة ورحت لخاله لكيتهة صابه لجاي خذيتة منهة
ورحت للصالة انطيت واحد لبابا واحد الي
وشغلت لتلفزين وضليت اكلاب بي
وطلعت فلم وكال بابا خلي حلو هاذة الفلم
وضلينة انة وبابا انتابع هاذة لفلم
وماادري ابروحي غافية حسيت بس علة واحد يغطيني وباسني من راسي اكيد هاذة بابا
وطفه لكلوبات
ومافزيت آلة بل خمسة لعصر
كبل كمت علكت الكلوبات
ورحت للمطبخ غسلت وجهي وشربت ماي
وحسيت اشوي جوعانة فكيت لثلاجة
وطلعتلي موزة وكمت اكل بيهة
ورحت لغرفت بابا ومالكيتة حسبالي طالع
ورحت فكيت باب لستقبال ليطلع علة لحديقه
وكل عادة لكيتة نفس كعتة مالت كل يوميه
بلحديقه عل كرسي تحت لصقفية
رجعت دخلت جوه جبت تلفوني من غرفتي ورديت
بره ورحت كتلة مساء لخير
YOU ARE READING
أسيره ابسجن من رمح
General Fictionاسروني ابسجن من رمح وكيف اوصفنك ياسجاني ضالم وقاسي لقلب كيف الهروب وسجاني احترت بامره هل هو انسان ضالم مخيف قاسي بارد ابرد من ليالي الشتاء الطويله ام هو حنون وعاشق ومحب وهادئ كهدوء الربيع وجماله احترت بأمرك ياسجاني السجان اخاف ان اقت...
